| e-texts navigator |
| Wylie |
300b1 ཅད་ཀྱང་སངས་རྒྱས་ལ་སྐྱབས་སུ་མཆིའོ་ཞེས་གསོལ་བ་ལྟ་བུ་སྟེ། དེ་སྐད་དུ། ཤིན་དུ་མི་བཟད་ལས་རྣམས་བྱས་པ་ནི། །བདག་ལ་སྨོད་དང་རབ་ཏུ་བཤགས་པ་དང་། །སྡོམ་པར་བྱེད་པས་དེ་དག་སྲབས་འགྱུར་གྱིས། ཤིན་དུ་རྩ་ནས་ཕྱིན
300b2 ཅེས་མི་སྨྲའོ། །ཞེས་གསུངས་པ་ལྟ་བུ་སྟེ། ལས་དེ་ལྟ་བུ་དང་ལྡན་ན་གང་ཟག་སེམས་ཅན་དམྱལ་བར་སྐྱེས་མ་ཐག་ཏུ་ཚེ་འཕོ་བར་འགྱུར་བའོ། །དེ་ལ་ངེས་པར་སྐྱེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ལས་བྱས་ནས་ཆེ་གེ
300b3 མོ་ཤིག་ཏུ་སྐྱེ་བར་ཤོག་ཅིག་ཅེས་ཡོངས་སུ་བསྔོས་པས་དེར་སྐྱེས་པར་འགྱུར་བ་སྟེ། དཔེར་ན་བཅོམ་ལྡན་འདས་ཀྱིས་དཀར་ཤམ་གྱི་སྐྱེས་པའི་རབས་ལ་སྨོན་ལམ་གྱི་དབང་གིས་སྐྱེ་བར་གསུངས་པ་ལྟ་བུ་སྟེ། ལས་དེ་ལྟ་བུ་ནི་ངེས
300b4 པར་སྐྱེ་བར་འགྱུར་བའོ། །དེ་ལ་མ་ངེས་པར་སྐྱེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ལས་བྱས་ནས་ཆེ་གེ་མོ་ཞིག་ཏུ་ཤོག་ཅིག་ཅེས་ཡོངས་སུ་མི་བསྔོ་བ་སྟེ། ལས་དེ་ལྟ་བུ་ནི་མ་ངེས་པར་སྐྱེ་བར་འགྱུར་བའོ། །དེ་ལ་ཡུལ་གཞན
300b5 དུ་རྣམ་པར་སྨིན་པར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ཚེ་འདི་ཉིད་དམ་ཚེ་གཞན་ལ་ཡུལ་གཞན་དུ་བདེ་བའམ་མ་བདེ་བ་རྣམ་པར་སྨིན་པ་སྟེ། དཔེར་ན་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་སྔོན་འདས་པའི་དུས
300b6 ན་འཛམ་བུའི་གླིང་གི་མིའི་ཚེ་དཔག་ཏུ་མེད་དེ། རྒྱལ་པོ་མན་ད་ཏ་ལྟར་གྱུར་པའི་ཚེ། གྲོང་ཁྱེར་གཅིག་ཅིག་ན་དེད་དཔོན་གྱི་བུ་བྱམས་པ་མཆོད་སྦྱིན་ཞེས་བྱ་བ་ཞིག་ཡོད་པ་གྲོགས་ལྔ་བརྒྱ་ཙམ་གྱིས་བསྐོར་ཏེ། བཟའ་ཤིང་གི་ར་བར་ཕྱིན
300b7 པ་དང་གྲོགས་པོ་དེ་དག་གིས་སྨྲས་པ། གྲོང་འདི་ན་ཁྱོད་ཀྱི་ཕ་ལ་སོགས་པ་ཚོང་པ་རྣམས་རྒྱ་མཚོ་ལས་རྒྱུ་ཞིང་། གསེར་གནས་ལ་སོགས་པ་ཡུལ་གཞན་དག་ཏུ་ཡང་འདོང་། གླིང་གཞན་དག་ཀྱང་ལྟ་ཞིང་ནོར་ལ་སོགས་པ་ཡང
300b8 བྱེད་ན། ཁྱོད་ལ་སོགས་པ་བདག་ཅག་ཀྱང་རྒྱ་མཚོ་ལས་རྒྱུས་ཏེ་ནོར་བསག་པར་བྱའོ་ཞེས་སྨྲས་པ་དང་། དེས་དེ་ལྟར་བྱའོ་ཞེས་མཉན་ཏེ་རྒོངས་མའི་གན་དུ་སོང་ནས། མ་གསེར་གནས་སུ་འགྲོའོ་ཞེས་མ་ལ་དྲིས་པ་དང་།
iiif viewer powered by OpenSeadragon
