| e-texts navigator |
| Wylie |
299a1 ང་རྒྱལ་དང་ཆུང་བའི་ང་རྒྱལ་དང་ལེགས་པ་སྤྱད་པའི་དགེ་བའི་རྩ་བ་དེར་བསྔོས་པ་དང་། ཤེས་རབ་ཀྱི་སྒོ་ནས་འདོད་ཆགས་ཀུན་གྱི་རབ་ལས་བྱུང་བའི་ཚུལ་ཁྲིམས་ངན་པ་སྤྱད་པ་སྟེ། ལས་དེ་ལྟ་བུ་ནི་ལྷ་མ་ཡིན་གྱི་འཇིག་རྟེན
299a2 དུ་སྐྱེ་བར་འགྱུར་བའོ། །དེ་ལ་མིར་སྐྱེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་དགེ་བ་བཅུའི་ལས་ཀྱི་ལམ་གོམས་པར་བྱས་པ་སྟེ་བཅུ་གང་ཞེ་ན། སྲོག་གཅོད་པ་དང་མ་བྱིན་པར་ལེན་པ་དང་འདོད་པས་ལོག་པར་གཡེམ་པ
299a3 སྟེ་ལུས་ཀྱི་ལས་གསུམ་དང་། བརྫུན་དུ་སྨྲ་བ་དང་ཕྲ་མ་དང་ངག་རྩུབ་པ་དང་ཚིག་ཀྱལ་པ་སྟེ་ངག་གི་ལས་བཞི་དང་། གཞན་གྱི་ནོར་ལ་ཆགས་སུ་བྱེད་པ་དང་གནོད་སེམས་དང་ལོག་པར་ལྟ་བ་སྟེ་ཡིད་ཀྱི་ལས་གསུམ་དང་མི་དགེ་བའི
299a4 ལས་བཅུ་པོ་དེ་དག་སྤོང་བ་སྟེ། ལས་དེ་ལྟ་བུ་ནི་མིར་སྐྱེ་བར་འགྱུར་བའོ། །དེ་ལ་འདོད་པའི་ཁམས་ན་སྤྱོད་པའི་ལྷར་སྐྱེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་དགེ་བ་བཅུའི་ལས་ཀྱི་ལམ་ཡོངས་སུ་རྫོགས་ཤིང་ལེགས
299a5 པར་སྦྱངས་པ་སྟེ། ལས་དེ་ལྟ་བུ་ནི་འདོད་པའི་ཁམས་ན་སྤྱོད་པའི་ལྷར་སྐྱེ་བར་འགྱུར་བའོ། །དེ་ལ་གཟུགས་ཀྱི་ཁམས་ན་སྤྱོད་པའི་ལྷར་སྐྱེ་བར་འགྱུར་བའི་ལས་ཡོད་དེ་དེ་གང་ཞེ་ན། དགེ་བ་བཅུའི་ལས་ཀྱི་ལམ་རྣམས་ལེགས་པར
299a6 སྦྱངས་ཤིང་ཤིན་ཏུ་མཉམ་པར་བཞག་པ་དང་ཁྱད་པར་དུ་ཤིན་ཏུ་འཕགས་པ་དང་ཡོངས་སུ་རྫོགས་པར་བྱས་པ་སྟེ། ལས་དེ་ལྟ་བུ་ནི་གཟུགས་ཀྱི་ཁམས་ན་སྤྱོད་པའི་ལྷར་སྐྱེ་བར་འགྱུར་བའོ། །དེ་ལ་གཟུགས་མེད་པའི་ཁམས
299a7 ན་སྤྱོད་པའི་ལྷར་སྐྱེ་བར་འགྱུར་བའི་ལས་ཡོད་དེ་དེ་གང་ཞེ་ན། གཟུགས་མེད་པའི་སྙོམས་པར་འཇུག་པ་བཞི་སྟེ། གཟུགས་ཀྱི་འདུ་ཤེས་རྣམས་ལས་རྣམ་པ་ཐམས་ཅད་དུ་ཡང་དག་པར་འདས་ཏེ། ཐོགས་པའི་འདུ་ཤེས
299a8 རྣམས་མེད་པར་གྱུར་ཅིང་སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས་ནམ་མཁའ་མཐའ་ཡས་སོ་སྙམ་ནས་ནམ་མཁའ་མཐའ་ཡས་སྐྱེ་མཆེད་རྫོགས་པར་བྱས་ཏེ་གནས་པ་དང་། རྣམ་པ་ཐམས་ཅད་དུ་ནམ
iiif viewer powered by OpenSeadragon
