| e-texts navigator |
| Wylie |
298a1 མེད་པར་ལྟ་བ་དང་སེར་སྣ་ཆེ་བ་དང་དྲིན་དུ་མི་གཟོ་བ་དང་མཚམས་མེད་པའི་ལས་བྱེད་པ་དང་འཕགས་པ་དང་ཚུལ་ཁྲིམས་དང་ལྡན་པ་རྣམས་ལ་སྐུར་པ་འདེབས་པ་སྟེ། ལས་དེ་ལྟ་བུ་ནི་སེམས་ཅན་དམྱལ་བར་སྐྱེ
298a2 བར་འགྱུར་རོ། །དེ་ལ་དུད་འགྲོའི་སྐྱེ་གནས་སུ་སྐྱེ་བར་འགྱུར་བའི་ལས་ཡོད་དེ། དེ་གང་ཞེ་ན། ལུས་དང་ངག་དང་ཡིད་ཀྱིས་ཉེས་པ་འབྲིང་དུ་བྱས་པ་དང་། འདོད་ཆགས་ལས་བྱུང་བའི་ལས་སྣ་ཚོགས་དང་། ཞེ་སྡང་ལས་བྱུང
298a3 བའི་ལས་སྣ་ཚོགས་དང་། གཏི་མུག་ལས་བྱུང་བའི་ལས་སྣ་ཚོགས་དང་། ཕ་མ་དང་རབ་ཏུ་བྱུང་བ་རྣམས་ལ་ཚུལ་དང་མི་འདྲ་བའི་སྦྱིན་པ་བྱེད་པ་དང་། དུད་འགྲོའི་སྐྱེ་གནས་སུ་སྐྱེས་པའི་སེམས་ཅན་རྣམས་ལ་ཕྱས་བྱེད
298a4 པ་དང་དེ་ལྟར་སྨོན་པ་སྟེ། དཔེར་ན་བ་ལང་གི་བརྟུལ་ཞུགས་ཅན་དང་། བྱའི་བརྟུལ་ཞུགས་ཅན་ལ་སོགས་པ་དེ་ལྟར་སྐྱེ་བར་ཤོག་ཅིག་ཅེས་སྨོན་པ་རྣམས་དང་། བྱང་ཆུབ་སེམས་དཔའི་ཆེད་དུ་བརྗོད་པ་སེང་གེའི་སྐྱེས
298a5 པའི་རབས་ལས་བྱུང་བ་དང་། བྲམ་ཟེ་ཆར་འབེབས་སྤྲེའུར་སྐྱེས་པར་གྱུར་པ་སྟེ། དཔེར་ན་བྲམ་ཟེ་ཆར་འབེབས་ཀྱིས་གནས་བརྟན་འོད་སྲུང་ཆེན་པོ་བྱ་རྒོད་འཕུངས་པའི་རི་ལ། རྒྱལ་པོའི་ཁབ་ཀྱི་སྟེང་ནས་ནམ
298a6 མཁའ་ལ་འགྲོ་བ་མཐོང་ནས། ལྷས་བྱིན་དང་མ་སྐྱེས་དགྲའི་སྟེན་ལས་ཞེ་སྡང་བའི་སེམས་སུ་གྱུར་ཏེ། དགེ་སློང་འདི་ནི་རི་ལས་རིར། ནམ་མཁའ་ལས་ནམ་མཁར། སྤྲེའུ་ཤིང་ལས་ཤིང་གི་སྟེང་དུ་འཛེག་པ་དང་འདྲ
298a7 བར་འགྲོའོ་ཞེས་མི་སྙན་པའི་ཚིག་ཏུ་བརྗོད་པ་དེ་བཅོམ་ལྡན་འདས་ལ་གསོལ་ཏོ། །བྲམ་ཟེ་ཆར་འབེབས་པ་འདིས་ཁྲོས་པའི་སེམས་ཀྱིས་མི་སྙན་པ་དེ་སྐད་དུ་བརྗོད་ན། བཙུན་པ་བཅོམ་ལྡན་འདས་དེའི་རྣམ་པར་སྨིན
298a8 པ་ཅིར་འགྱུར་ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངན་དུ་བརྗོད་པ་དེའི་རྣམ་པར་སྨིན་པས་བྲམ་ཟེ་ཆར་འབེབས་འདི། ཚེ་རབས་ལྔ་བརྒྱའི་བར་དུ་སྤྲེའུར་འགྱུར་རོ་ཞེས་བཀའ་སྩལ་པ་དང་། དེ་མི་དགའ
iiif viewer powered by OpenSeadragon
