| e-texts navigator |
| Wylie |
297a1 བཅོམ་ལྡན་འདས་ཀྱིས་མདོ་ལས་གསུངས་པ། དགེ་སློང་དག་གྲོང་གང་དུ་རབ་ཏུ་བྱུང་བ་ཚུལ་ཁྲིམས་དང་ལྡན་ཞིང་ཚངས་པར་སྤྱོད་པ། དགེ་བའི་ཆོས་ཅན་རྣམས་འོང་བའི་གྲོང་དེར་ལེགས་པ་ལྔ་འབྱུང་བར་རིག
297a2 པར་བྱ་སྟེ་ལྔ་གང་ཞེ་ན། དེ་ནི་ཚུལ་ཁྲིམས་དང་ལྡན་པ་འོངས་པ་རྣམས་ལ་སེམས་དད་པར་འགྱུར་རོ། །དགེ་སློང་དག་གཞན་ཡང་དེའི་ཚེ། རིགས་དེ་མཐོ་རིས་སུ་སྐྱེ་བའི་ལམ་དུ་ཞུགས་པ་ཡིན་ནོ། །དགེ་སློང་དག་གཞན
297a3 ཡང་ཚུལ་ཁྲིམས་དང་ལྡན་པ་དག་འོངས་ན་གུས་པར་སྨྲ་བ་དང་བསུ་བའི་ལས་བྱེད་དེ། དེའི་ཚེ་རིགས་དེ་དག་རིགས་མཐོ་བར་འགྱུར་བའི་ལམ་དུ་ཞུགས་པ་ཡིན་ནོ་ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་རིགས་མཐོ་བར
297a4 འགྱུར་བའོ། །དེ་ལ་ལོངས་སྤྱོད་ཆུང་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་མ་བྱིན་པར་ལེན་པ་དང་མ་བྱིན་པར་ལེན་པར་སྐུལ་བ་དང་མ་བྱིན་པར་ལེན་པའི་ལེགས་པ་བརྗོད་པ་དང་དེ་ལ་རྗེས་སུ་དགའ་བ་དང་མ་བྱིན་པར་བླངས་པས་དགའ་བ
297a5 ཕ་མའི་འཚོ་བ་འཕྲོག་པ་དང་འཕགས་པ་དང་ཚུལ་ཁྲིམས་དང་ལྡན་པའི་འཚོ་བ་འཕྲོག་པ་དང་རབ་ཏུ་བྱུང་བ་རྣམས་དང་བྱིས་པ་དང་རྒན་པ་དང་ཕོངས་པ་དང་ནད་པ་རྣམས་ཀྱི་འཚོ་བ་འཕྲོག་པ་དང་གཞན་གྱིས་མ་ཐོབ་ན་དགའ་བ་དང་། གཞན་གྱིས་ཐོབ་པར་འགྱུར་བ་ལ་བགེགས་བྱེད་པ་དང་ལོ་ཉེས་སུ་དགའ་བ་སྟེ།
297a6 ལས་དེ་ལྟ་བུ་ནི་ལོངས་སྤྱོད་ཆུང་བར་འགྱུར་བའོ། །དེ་ལ་ལོངས་སྤྱོད་ཆེ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་མ་བྱིན་པར་ལེན་པ་སྤངས་པ
297a7 ད་ཨང་གཞན་གྱིས་མ་བྱིན་པར་ལེན་པ་སྤངས་ན་རྗེས་སུ་དགའ་བ་དང་ཕ་མ་ལ་འཚོ་བ་འབུལ་བ་དང་འཕགས་པ་དང་ཚུལ་ཁྲིམས་དང་ལྡན་པ་རྣམས་ལ་འཚོ་བ་འབུལ་བ་དང་ནད་པ་དང་བྱིས་པ་དང་རྒན་པ་དང་ཕོངས་པ་གཞན་ལ་ཡང
297a8 འཚོ་བའི་སྦྱིན་པ་བྱེད་པ་དང་གཞན་གྱིས་ཐོབ་ན་དགའ་བ་དང་ལོ་ལེགས་པར་དགའ་བ་སྟེ། མདོ་དེ་ཉིད་ལས་དགེ་སློང་དག་གཞན་ཡང་ཚུལ་ཁྲིམས་དང་ལྡན་པ་རྣམས་འོངས་པ་དག་ལ་སྦྱིན་པ་བྱེད་ཅིང་། བསོད་ནམས་བྱེད་པའི
iiif viewer powered by OpenSeadragon
