| e-texts navigator |
| Wylie |
296b1 པ་དང་ནད་པ་དང་རྒན་པ་དང་གཞོན་པ་ལ་བརྙས་པ་དང་ཆོས་ངན་པ་དང་མི་དགེ་བའི་རྩ་བའི་ལེགས་པ་རྗོད་པ་དང་བྱང་ཆུབ་ཀྱི་སེམས་ལས་ཟློག་པ་སྟེ། ལས་དེ་ལྟ་བུ་ནི་མཐུ་ཆུང་བར་འགྱུར་བའོ། །དེ་ལ་མཐུ་ཆེ་བར་འགྱུར་བའི་ལས
296b2 ཡོད་དེ་དེ་གང་ཞེ་ན། དེ་ནི་ཕྲག་དོག་མེད་པ་དང་སེར་སྣ་མེད་པ་དང་གཞན་གྱིས་ཐོས་ན་དགའ་བ་དང་གཞན་གྱིས་མ་ཐོས་ན་མི་དགའ་བ་དང་གཞན་གྱི་གྲགས་པ་དང་སྒྲ་དང་ཚིགསུ་སུ་བཅད་པ་སྙན་པ་ཐོས་ན་དགའ་བ་དང་གཞན་གྱི་ལེགས
296b3 པ་རྗོད་པ་ལ་དགའ་བ་དང་། བཅོམ་ལྡན་འདས་ཀྱི་མཆོད་རྟེན་དང་གཙུག་ལག་ཁང་བརྩིག་པ་དང་ཆོས་ངན་པ་དང་མི་དགེ་བའི་རྩ་བ་ལས་ཟློག་པ་དང་མཐུ་ཆེ་བར་འགྱུར་བའི་དགེ་བའི་རྩ་བ་ལ་སྐུལ་བ་དང་བྱང་ཆུབ་ཏུ་སེམས་བསྐྱེད
296b4 པ་དང་དགེ་བའི་རྩ་བ་ཐམས་ཅད་ཀྱིས་མཐུ་ཆེན་པོར་སེམས་བསྐྱེད་པ་སྟེ། ལས་དེ་ལྟ་བུ་ནི་མཐུ་ཆེ་བར་འགྱུར་བའོ། །དེ་ལ་རིགས་དམའ་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ཕོ་ཆེ་བ་དང་ང་རྒྱལ་བྱེད་པ་དང་ཕར
296b5 མ་ཨི་འཛིན་པ་དང་མར་མི་འཛིན་པ་དང་དགེ་སྦྱོང་དུ་མི་འཛིན་པ་དང་བྲམ་ཟེར་མི་འཛིན་པ་དང་རིགས་ཀྱི་གཙོ་བོ་ལ་རིམ་གྲོ་མི་བྱེད་པ་དང་ཕ་མ་ལ་རིམ་གྲོ་མི་བྱེད་པ་དང་འཕགས་པ་དང་ཚུལ་ཁྲིམས་དང་ལྡན་པ་རྣམས་ལ་རིམ་གྲོ་མི་བྱེད་པ་དང་བླ་མར་གྱུར
296b6 པ་གཞན་དང་མཁན་པོ་དང་སློབ་དཔོན་ལ་རིམ་གྲོ་མི་བྱེད་པ་དང་སེམས་ཅན་རིགས་དམའ་བ་རྣམས་ལ་བརྙས་པ་སྟེ། ལས་དེ་ལྟ་བུ་ནི་རིགས་དམའ་བར་འགྱུར་བའོ། །དེ་ལ་རིགས་མཐོ་བར་འགྱུར་བའི་ལས་ཡོད
296b7 དེ་དེ་གང་ཞེ་ན། དེ་ནི་ཕོ་ཆུང་བ་དང་ང་རྒྱལ་མེད་པ་དང་ཕར་འཛིན་པ་དང་མར་འཛིན་པ་དང་དགེ་སྦྱོང་དུ་འཛིན་པ་དང་བྲམ་ཟེར་འཛིན་པ་དང་རིགས་ཀྱི་གཙོ་བོ་རྣམས་ལ་རིམ་གྲོ་བྱེད་པ་དང་ཕ་མ་ལ་རིམ་གྲོ་བྱེད་པ་དང
296b8 འཕགས་པ་དང་ཚུལ་ཁྲིམས་དང་ལྡན་པ་རྣམས་ལ་རིམ་གྲོ་བྱེད་པ་དང་མཁན་པོ་དང་སློབ་དཔོན་ལ་རིམ་གྲོ་བྱེད་པ་དང་བླ་མར་གྱུར་པ་གཞན་དག་ལ་རིམ་གྲོ་བྱེད་པ་དང་སེམས་ཅན་རིགས་དམའ་བ་རྣམས་ལ་མི་བརྙས་པ་སྟེ། དཔེར་ན
iiif viewer powered by OpenSeadragon
