| e-texts navigator |
| Wylie |
295b1 པ་ལ་བསྟེན་ཅིང་གོམས་པར་བྱས་པ་དང་མང་དུ་བྱས་པ་ནི་སེམས་ཅན་དམྱལ་བར་སྐྱེ་བའི་རྒྱུར་འགྱུར་རོ། །དུད་འགྲོའི་སྐྱེ་གནས་སུ་སྐྱེ་བའི་རྒྱུར་འགྱུར་རོ། །ཡི་དགས་སུ་སྐྱེ་བའི་རྒྱུར་འགྱུར་རོ་ཞེས་གསུངས་ཏེ། སྲོག་གཅོད་པ་ནི་ཉུང་ཞིང
295b2 ཆུང་ཡང་རྣམ་པར་སྨིན་པ་ཚེ་ཐུང་བར་འགྱུར་རོ། །དེ་ལ་ཚེ་རིང་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་སྲོག་གཅོད་པ་སྤངས་པ་དང་སྲོག་གཅོད་པ་སྤངས་པའི་ལེགས་པ་རྗོད་པ་དང་དེ་ལ་སྐུལ་བ་དང་དེའི་ལེགས་པ་རྗོད་པ་དང་གསད་པར
295b3 བྱ་བའི་མི་དང་བ་ལང་དང་ཕག་དང་བྱ་ལ་སོགས་པ་སྲོག་འབྱིན་པ་དང་སེམས་ཅན་འཇིགས་པས་ཉེན་པ་རྣམས་ལ་མི་འཇིགས་པ་སྦྱིན་པ་དང་། སེམས་ཅན་མགོན་མེད་པ་རྣམས་ལ་སྙིང་རྗེའི་སེམས་བསྐྱེད་པ་དང་། ནད་པ་དང་བྱིས་པ་དང་རྒན་པ་རྣམས་ལ་བྱམས་པའི་སེམས
295b4 བསྐྱེད་པ་དང་། དེ་དག་ལ་ཟས་ཀྱི་སྦྱིན་པ་བྱེད་པ་དང་སློང་བ་ལ་བྱམས་པའི་སེམས་བསྐྱེད་པ་དང་དམག་ལ་སོགས་པ་སྔར་སྨོན་པ་ཐམས་ཅད་བཟློག་སྟེ། དགེ་བའི་ཕྱོགས་བྱས་པ་དང་དེ་བཞིན་དུ་མཆོད་རྟེན་དང་གཙུག་ལག་ཁང་ཞིག་པ་དག་བཅོས
295b5 ལེགས་བྱས་པ་སྟེ། མདོ་དེ་ཉིད་ལས། ཞིག་ཅིང་རལ་བ་སུས་བཅོས་པ། །དེ་ལ་ཡེ་འགྲོག་བདུད་མི་འབྱུང་། །ཞེས་གསུངས་པ་ལྟ་བུ་སྟེ། ལས་དེ་ལྟ་བུ་ནི་ཚེ་རིང་བར་འགྱུར་བའོ། །དེ་ལ་ནད་མང་བར་འགྱུར་བའི་ལས་ཡོད་དེ།
295b6 དེ་གང་ཞེ་ན་དེ་ནི་ཁྲོ་བ་དང་ཁུ་ཚུར་དང་ཐལ་མོས་རྡེག་པ་དང་ཁུ་ཚུར་དང་ཐལ་མོས་རྡེག་པ་ལ་རྗེས་སུ་དགའ་བ་དང་ཁུར་ཚུར་དང་ཐལ་མོས་རྡེག་པའི་ཡོན་ཏན་རྗོད་པ་དང་དེ་ལ་སྐུལ་བ་དང་ཕ་མའི་སེམས་དང་ལུས་མི་བདེ་བར་བྱས་པ་དང
295b7 རབ་ཏུ་བྱུང་བ་ཚུལ་ཁྲིམས་དང་ལྡན་པ་དག་གི་སེམས་མི་བདེ་བར་བྱས་པ་དང་། མི་མཛའ་བ་ནད་ཀྱིས་བཏབ་པ་ལ་དགའ་བར་སེམས་པ་དང་མི་མཛའ་བ་ནད་སོས་ན་མི་དགའ་བར་སེམས་པ་དང་ནད་པ་ལ་སྨན་མ་ཡིན་པ་བྱིན་པ་དང
295b8 ཟས་མ་ཞུ་བར་བསྟབས་པ་དེ་ལས་དེ་ལྟ་བུ་ནི་ནད་མང་བར་འགྱུར་རོ། །དེ་ལ་ནད་ཉུང་བར་འགྱུར་བའི་ལས་ཡོད་དེ་དེ་གང་ཞེ་ན། དེ་ནི་ཐལ་མོ་དང་ཁུ་ཚུར་གྱིས་རྡེག་པ་དང་། ཐལ་མོ་དང་ཁུ་ཚུར་གྱིས་རྡེག་པ་སྤོང་བར་སྐུལ་བ་དང
iiif viewer powered by OpenSeadragon
