| e-texts navigator |
| Wylie |
295a1 པ་བསད་པར་འགྱུར་བའི་རྟེན་འཆའ་ཞིང་། མཆོད་སྦྱིན་དེ་བཙུགས་པས་བུ་ཚ་དང་སྐྱེ་བོ་གཞན་ལ་ཕན་པར་འདོད་པ་རྣམས་དང་འཇིགས་པས་ཉེན་པ་རྣམས་ཀྱི་ལུགས་སུ་གྱུར་ཅིང་སེམས་ཅན་གསོད་པར་འགྱུར་བ་སྟེ།
295a2 དཔེར་ན་གྲོང་ཁྱེར་ཀས་མརྱ་ན་དགེ་སློང་དགྲ་བཅོམ་པ་གཅིག་ཅིག་ཁྱིམ་ཞིག་གི་སྒོ་ན་འདུག་འདུག་ན། ཁྱིམ་དེའི་ཐད་ཀ་ལམ་པོ་ཆེ་ནས་ཕྱུགས་ཤིག་སྒྲ་འབྱིན་ཅིང་ཁྲིད་པ་དགེ་སློང་དེས་མཐོང་ནས་ཀྱི་ཧུད་ཨེ་མ་ག་ལ་སྲིད་ཅེས་བྱས
295a3 པ་དང་མི་དག་གིས་དགེ་སློང་དེ་ལ། སློབ་དཔོན་ཅི་ཞིག་དེ་སྐད་དུ་ཀྱི་ཧུད་ཨེ་མ་ག་ལ་སྲིད་ཅེས་བྱ་བའི་སྒྲ་རྗོད་ཅེས་དྲིས་ན། དེས་སྨྲས་པ། དེ་ནི་མ་དད་པ་རྣམས་ལ་སྨྲ་བར་ཡང་མི་བྱ་བ་ཞིག་སྟེ་སྒོས་ཀྱིས་སྨྲའོ་ཞེས་ནས། དེས་སྨྲས་པ།
295a4 ཕྱུགས་ཕ་བི་ལྟར་སྒྲ་འབྱིན་ཅིང་ཁྲིད་པ་ཕ་བིས་སྔོན་ཚོང་པ་ཕྱུག་པོ་ཞིག་ཏུ་རེད་པའི་ཚེ། རྟེན་བཙུགས་ཏེ་ལོ་དུས་ཀྱི་མཆོད་སྦྱིན་བྱས་ནས། དེས་དེར་ཕྱུགས་མང་པོ་དག་ཀྱང་བསད་ཚེ་འཕོ་ཀར་ཡང་བུ་ལ་བོས་ཏེ་སྨྲས་པ། བུ་ཁྱོད་ང
295a5 ལ་བྱམས་ཤེ་ན། ཕྱུགས་ཀྱི་མཆོད་སྦྱིན་ལོ་དུས་སུ་བྱ་བ་འདི་ང་ཚེ་འཕོས་ནས་ཀྱང་རྟག་པར་གྱིས་ཤིག་ཅེས་བསྒོ་ནས། བུས་ཀྱང་དེ་ལྟར་བགྱིའོ་ཞེས་ཏེ་དེ་བཞིན་དུ་མཉན་ཏོ། །དེ་ནས་མི་དེ་ཚེ་འཕོས་པ་དང་གཏི་མུག་ལས་བྱུང་བའི
295a6 སྲོག་གཅོད་པ་དང་ལྡན་པས་བདག་གི་ཁྱིམ་དུ་ཕྱུགས་སུ་སྐྱེས་ནས་དེ་དེར་ཡང་དང་ཡང་སྐྱེས་ཤིང་བསད་བསད་པ་ལས་ལན་འདི་དང་དྲུག་སྟེ་ད་ཡང་ཁྲིད་པ་ཡིན་ནོ་ཞེས་ནས། དགེ་སློང་དེས་ཕྱུགས་དེ་ལ་སྙིང་བརྩེ་བས་འདི་སྐད་ཅེས
295a7 སྨྲས་སོ། །རྟེན་ཀྱང་ཁྱོད་བདག་གིས་བཙུགས། མཆོད་སྦྱིན་ཡང་ཁྱོད་བདག་གིས་བྱས། ཕྱུགས་མང་པོར་ཡང་ཁྱོད་བདག་གིས་བསད་ན། དེ་དེ་སྐད་དུ་དོན་མེད་པ་བོས་པས་ཅི་ལ་ཕན་ཞེས་རྗོད་པ་ལྟ་བུ་སྟེ། དེ་ལྟ་བུའི་རྟེན
295a8 བཙུགས་པ་དང་དམག་ལྟ་བུ་མི་དང་རྟ་ལ་སོགས་པ་སེམས་ཅན་མང་པོ་དངོག་པ་ལ་ལྟ་བ་དང་འཐབ་མོའི་ཆ་བྱད་ལ་དགའ་བ་ལྟ་བུ་སྟེ། ནག་པོ་ཡོད་པའི་མདོ་ལས་བཅོམ་ལྡན་འདས་ཀྱིས་གསུངས་པ། ཀུན་དགའ་བོ་སྲོག་གཅོད
iiif viewer powered by OpenSeadragon
