| e-texts navigator |
| Wylie |
294b1 ལྷའི་རིས་མངོན་པར་འཕེལ་ཞིང་ལྷ་མ་ཡིན་གྱི་རིས་ཡོངས་སུ་ཉམས་སོ་ཞེས་དབྱངས་བསྒྲགས་སོ། །བཅོམ་ལྡན་འདས་ཀྱིས་བཱ་ར་ཎ་སཱིར་དྲང་སྲོང་སྨྲ་བའི་རི་དགས་ཀྱི་ནགས་སུ་ལན་གསུམ་དུ་བཟླས་ཏེ་རྣམ་པ་བཅུ་གཉིས་སུ་ཆོས
294b2 ཀྱི་འཁོར་ལོ་ཆོས་དང་ལྡན་པ་བསྐོར་བས་དེའི་ཕྱིར་ཆོས་ཀྱི་རྣམ་གྲངས་འདི་ལ་ཆོས་ཀྱི་འཁོར་ལོ་བསྐོར་བ་ཞེས་ཚིག་བླ་དགས་སུ་བཏགས་སོ། །ཆོས་ཀྱི་འཁོར་ལོའི་མདོ་རྫོགས་སོ།། །།
294b3 @#། །རྒྱ་གར་སྐད་དུ། ཀརྨ་བི་བྷང་ག་། བོད་སྐད་དུ། ལས་རྣམ་པར་འབྱེད་པ། བམ་པོ་དང་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ
294b4 ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེར་བཅོམ་ལྡན་འདས་ཀྱིས་བྲམ་ཟེའི་ཁྱེའུ་ཤུ་ཀ་ལ་བཀའ་སྩལ་པ། བྲམ་ཟེའི་བུ་ཁྱོད་ལ་ལས་རྣམ་པར་འབྱེད་པ་བསྟན
294b5 གྱིས། དེ་ལེགས་པར་ཤིན་ཏུ་ཉོན་ལ་ཡིད་ལ་ཟུང་ཤིག་དང་ངས་བཤད་ཀྱིས། བཅོམ་ལྡན་འདས་དེ་ལྟར་བགྱིའོ་ཞེས་ནས་བྲམ་ཟེའི་ཁྱེའུ་ཤུ་ཀ་།བཅོམ་ལྡན་འདས་ལ་ཕྱིར་ཉན་པ་དང་བཅོམ་ལྡན་འདས་ཀྱིས་དེ་ལ་འདི་སྐད་ཅེས
294b6 བཀའ་སྩལ་ཏོ། །བྲམ་ཟེའི་བུ་ངས་ནི་སེམས་ཅན་རྣམས་བདག་གི་ལས་ལས་སུ་གྱུར་པ་ལས་ཀྱི་རྒྱུ་ལས་སྐྱེས་པ་ལས་ཀྱི་སྐལ་བ་ལ་སྤྱོད་པ། ལས་ལ་རྟེན་པར་གསུངས་ཏེ། བྲམ་ཟེའི་བུ་ལས་ནི་འདི་ལྟ་སྟེ། སེམས་ཅན་རྣམས
294b7 རབ་དང་འབྲིང་དང་ཐ་མར་རྣམ་པར་འབྱེད་དོ། །དེ་ནི་འདི་ལྟར་ཚེ་ཐུང་བར་འགྱུར་བའི་ལས་ཡོད་དེ། དེ་ལ་ཚེ་ཐུང་བར་འགྱུར་བའི་ལས་གང་ཞེ་ན། དེ་ནི་སྲོག་གཅོད་པ་དང་སྲོག་གཅོད་པ་ལ་རྗེས་སུ་དགའ་བ་དང་སྲོག་གཅོད་པའི
294b8 ལ་ཨེགས་པ་རྗོད་པ་དང་མི་མཛའ་བ་ཚེ་འཕོ་བར་སྐུལ་བ་དང་མི་འཛའ་བ་ཚེ་འཕོས་ན་ལེགས་པར་རྗོད་པ་དང་མངལ་ནས་ཚེ་འཕོ་བར་བྱེད་པ་དང་མངལ་ནས་ཚེ་འཕོ་བའི་ལེགས་པ་རྗོད་པ་དང་མ་ཧེ་དང་བ་ལང་དང་ཕག་དང་བྱ་ལ་སོགས
iiif viewer powered by OpenSeadragon
