| e-texts navigator |
| Wylie |
290b1 རང་དབང་དུ་གྱུར་ཅིང་དགའ་བ་མེད་པ་གང་ཡིན་པ་དེ་ནི་འཕགས་པ་ཞེས་བྱ་སྟེ། ནང་ཡོན་ཏན་དེ་ལྟ་བུ་དང་ལྡན་པས་ཕྱི་རོལ་མཁར་སིལ་འཛིན་པ་ཡིན་ཏེ། འདིས་ནི་གང་ཟག་གདོན་མི་ཟ་བར་འཕགས་པའི་ཡོན་ཏན་ཚུལ་ཁྲིམས
290b2 དང་། བཟོད་པ་དང་། བསམ་གཏན་དང་། ཤེས་རབ་དང་། རིག་པ་གསུམ་དང་། མངོན་པར་ཤེས་པ་དྲུག་དང་། རྣམ་པར་ཐར་པ་བརྒྱད་པོ་རྣམས་ཕུན་སུམ་ཚོགས་པ་ཡིན་ཏེ། གང་ཟག་དེ་འཕགས་པ་ཡིན་པར་མཚོན་པ
290b3 ཉིད་ཀྱིས་གུས་པ་སྐྱེད་པར་འགྱུར་བའི་ཕྱིར་འཕགས་པའི་གང་ཟག་གི་རྟགས་ཞེས་བྱའོ། །སྐྱེས་བུ་དམ་པར་མཚོན་པ་ཞེས་བྱ་བ་ནི་ནང་ན་ཡེ་ཤེས་ཀྱི་ངོ་བོ་ཉིད་དང་ལྡན་པས་དམ་པ་ཞེས་བྱ་སྟེ། གང་ཟག་དེ་འཕགས་པ
290b4 ཡིན་པར་མཚོན་པ་ཉིད་ཀྱིས་གུས་པ་སྐྱེད་པར་འགྱུར་བའི་ཕྱིར་འཕགས་པའི་ནང་ན་ཡེ་ཤེས་ཀྱི་ངོ་བོ་ཉིད་དང་ལྡན་པས་ཡོན་ཏན་གྱི་གཞི་སྒྲུབ་པ་དང་། ཆོས་གོང་ནས་གོང་དུ་རྩོལ་ཞིང་ལེགས་པར་སྒྲུབ་པར་བྱེད་དོ་ཞེས
290b5 སྟོན་པར་བྱེད་པའི་ཕྱིར་སྐྱེས་བུ་དམ་པར་མཚོན་པ་ཞེས་བྱའོ། །གང་ཟག་གསལ་བ་དེ་རིང་པོར་མི་ཐོགས་པར་ཤེས་རབ་ཀྱིས་མངོན་པར་གྲུབ་ནས་འདུས་མ་བྱས་ཀྱི་གནས་རབ་ཏུ་ཞི་ཞིང་དབེན་པ་མྱ་ངན་ལས་འདས
290b6 པའི་བདེ་བ་དོན་དམ་པའི་གནས་ཀྱི་ལམ་དུ་འཇུག་པར་འགྱུར་རོ་ཞེས་ཤེས་པར་བྱེད་པའི་ཕྱིར་ལམ་གྱི་ཆོས་ལ་ཕྱོགས་པའི་རྒྱལ་མཚན་ཞེས་བྱའོ། །རྗེས་སུ་དྲན་པའི་རྣམ་པར་གཞག་པའི་དོན་གྱི་སྤྱོད་པ་ཞེས
290b7 བྱ་བ་ནི་མཁར་བ་འདི་རིམ་པ་གསུམ་དང་ལྡན་པར་དུམ་བུ་གསུམ་གྱི་རིམ་པ་མཐོང་བ་ཉིད་ཀྱིས་ངན་སོང་གསུམ་གྱི་སྡུག་བསྔལ་རྗེས་སུ་དྲན་ནས་ཚུལ་ཁྲིམས་དང་། རྟིང་ངེ་འཛིན་དང་། ཤེས་རབ་སྒོམ་པར་བྱེད
290b8 པ་དང་། གནོད་པ་གསུམ་པོ་རྒ་བ་དང་། ན་བ་དང་། འཆི་བ་རྗེས་སུ་དྲན་ན་དུག་གསུམ་པོ་འདོད་ཆགས་དང་། ཞེ་སྡང་དང་། གཏི་མུག་ཡོངས་སུ་སིལ་བར་བྱེད་པ་དང་། ཁམས་གསུམ་པོ་དག་མི་རྟགས་པ་ཡིན་པ
iiif viewer powered by OpenSeadragon
