| e-texts navigator |
| Wylie |
290a1 པ་སྒྲུབ་པ་དང་། མང་དུ་ཐོས་པ་རྒྱ་ཆེར་སྒྲུབ་པ་དང་། འཇིག་རྟེན་དང་འཇིག་རྟེན་ལས་འདས་པའི་ཤེས་རབ་དང་། དགེ་བ་དང་། མི་དགེ་བ་དང་། འདུས་བྱས་དང་། འདུས་མ་བྱས་དང་། ཟག་པ་དང་བཅས་པ་དང་།
290a2 ཟག་པ་མེད་པ་རྣམ་པར་ཐོགས་པ་མེད་པར་ཁོང་དུ་ཆུད་ཅིང་ཤེས་རབ་མངོན་པར་འགྲུབ་པར་བྱེད་པའི་ཕྱིར་ཡེ་ཤེས་ཀྱི་མཁར་བ་ཞེས་ཀྱང་བྱའོ། །ཚུལ་ཁྲིམས་དམ་པོར་སྲུང་བ་དང་། བཟོད་པ་དང་། བསམ་གཏན་ལ
290a3 སེམས་རྩེ་གཅིག་ཏུ་གཡེང་བ་མེད་པར་སྒོམ་པ་དང་། རྟག་ཏུ་བསོད་ནམས་ཀྱི་ལས་བསྒྲུབས་པས་མགོ་འམ་ཐོད་ལ་མེ་འབར་བ་བཞིན་དུ་སྐད་ཅིག་ཙམ་དུ་ཡང་མི་གཏོང་བའི་ཕྱིར་ཡོན་ཏན་གྱི་མཁར་བ་ཞེས་བྱའོ། །
290a4 མཁར་སིལ་འདི་ཡོངས་སུ་འདི་འཛིན་པ་གང་ཡིན་པ་དེ་དག་ནི་གང་གི་སྤྱོད་པ་རྣམ་པ་བཅུ་དྲུག་པོ་འདི་ལྟ་སྟེ། བདེན་པ་བཞི་པོ་སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་དང་། ཚད་མེད་པ་བཞི་པོ་བྱམས
290a5 པ་དང་། སྙིང་རྗེ་དང་། དགའ་བ་དང་། བཏང་སྙོམས་དང་། བསམ་གཏན་བཞི་པོ་བསམ་གཏན་དང་པོ་དང་། བསམ་གཏན་གཉིས་པ་དང་། བསམ་གཏན་གསུམ་པ་དང་། བསམ་གཏན་བཞི་པ་དང་། གཟུགས་མེད
290a6 པའི་སྙོམས་པར་འཇུག་པ་བཞི་པོ་ནམ་མཁའ་མཐའ་ཡས་སྐྱེ་མཆེད་དང་། རྣམ་ཤེས་མཐའ་ཡས་སྐྱེ་མཆེད་དང་། ཅི་ཡང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མིན་གྱི་སྐྱེ་མཆེད་ཀྱི་ཕུན
290a7 སུམ་ཚོགས་པ་དང་། གཞན་ཡང་སྤྱོད་པ་སུམ་བཅུ་རྩ་བདུན་པོ་འདི་ལྟ་སྟེ། བྱང་ཆུབ་ཀྱི་ཕྱོགས་ཀྱི་ཆོས་སུམ་བཅུ་རྩ་བདུན་ཕུན་སུམ་ཚོགས་ཤིང་ཆོས་དེ་དག་གསལ་བར་རྣམ་པར་བྱེད་པ་དང་། བདག་ཉིད་ཀྱི་ལུས
290a8 ཀྱིས་མངོན་སུམ་དུ་བྱས་པས་སྒྲའི་རྗེས་སུ་མི་འབྲང་བ་དང་། ཆོས་དེ་དག་ལ་བདག་ཉིད་རྣམ་པར་རྩེན་པ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པར་ཐར་པའི་སྒོར་འཇུག་པ་ལ
iiif viewer powered by OpenSeadragon
