| e-texts navigator |
| Wylie |
289a1 རྗེས་སུ་དྲན་པ་རྣམ་པར་གཞག་པའི་དོན་གྱི་སྤྱོད་པ་ཡིན་པས་དེའི་ཕྱིར་ཁྱོད་ཀྱིས་ཆོས་བཞིན་དུ་བཅང་བར་བྱའོ། །དེ་ནས་ཚེ་དང་ལྡན་པ་འོད་སྲུང་ཆེན་པོ་སྟན་ལས་ལངས་ཏེ། གོས་ཚགས་བཅོས
289a2 ནས་བླ་གོས་ཕྲག་པ་གཅིག་ཏུ་གཟར་ཏེ་ཐལ་མོ་སྦྱར་ནས་པུས་མོ་ས་ལ་བཙུགས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་སླད་དུ་མཁར་སིལ་ཞེས་བགྱི། ཇི་ལྟར་ན་བཅང
289a3 བར་བགྱི། བཅོམ་ལྡན་འདས་ཀྱིས་བཤད་དུ་གསོལ། བདག་ཅག་རྣམས་ཀྱིས་ཀྱང་བཀའ་བཞིན་དུ་སྤྱོད་པར་འཚལ་ལོ་ཞེས་གསོལ་པ་དང་། བཅོམ་ལྡན་འདས་ཀྱིས་འོད་སྲུངས་ལ་བཀའ་སྩལ་པ། ལེགས་པར་ཉོན་ལ
289a4 ཡིད་ལ་ཟུང་ཤིག་དང་ངས་བཤད་པར་བྱའོ། །དེ་ལ་མཁར་སིལ་ཞེས་བྱ་བ་ནི་ཡང་བ་ཡིན་ཏེ། གང་གིས་མཁར་བ་འདི་ལ་བརྟེན་པ་འདི་དག་ཉོན་མོངས་པ་བསལ་ནས་ཁམས་གསུམ་ལས་ངེས་པར་འབྱུང་བའི་ཕྱིར་ཡང་ཞེས
289a5 བྱའོ། །མཁར་སིལ་ཞེས་བྱ་བ་ནི་སྣང་བར་བྱེད་པ་ཡིན་ཏེ། མཁར་སིལ་འཛིན་པའི་གང་ཟག་གང་ཡིན་པ་དེ་དག་ཤེས་རབ་ཀྱི་སྣང་བ་ཐོབ་པར་འགྱུར་བའི་ཕྱིར་སྣང་བར་བྱེད་པ་ཞེས་བྱའོ། །མཁར་སིལ་ཞེས་བྱ་བ་ནི་ཕྱིར
289a6 མི་ལྡོག་པར་བྱེད་པ་ཡིན་ཏེ། མཁར་སིལ་འཛིན་པའི་གང་ཟག་གང་ཡིན་པ་དེ་དག་སྲིད་པ་གསུམ་ལས་ངེས་པར་འབྱུང་ཞིང་ཡང་མངོན་པར་ཞེན་པ་ཉིད་དུ་མི་འགྱུར་བའི་ཕྱིར་ཕྱིར་མི་ལྡོག་པར་བྱེད་པ་ཞེས་བྱའོ། །
289a7 མཁར་སིལ་ཞེས་བྱ་བ་ནི་ཁོང་དུ་ཆུད་པར་བྱེད་པ་ཡིན་ཏེ། གང་མཁར་སིལ་འཛིན་པར་བྱེད་པ་ཡིན་ཞེ་ན་སྡུག་བསྔལ་དང་། སྟོང་པ་དང་། ཁམས་གསུམ་གྱི་ཉོན་མོངས་པའི་ཀུན་ནས་བཀྲིས་པར་ཁོང་དུ་ཆུད་པ་དང་།
289a8 བདེན་པ་བཞི་དང་། རྟེན་ཅིང་འབྲེལ་པར་འབྱུང་བ་བཅུ་གཉིས་པོ་འདི་དག་གསལ་བར་རྟོགས་པར་འགྱུར་བའི་ཕྱིར་ཁོང་དུ་ཆུད་པར་བྱེད་པ་ཞེས་བྱའོ། །མཁར་སིལ་ཞེས་བྱ་བ་ནི་ང་རྒྱལ་མེད་པར་བྱེད་པ་ཡིན་ཏེ། གང
iiif viewer powered by OpenSeadragon
