| e-texts navigator |
| Wylie |
276a1 མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ལྷ་དེས་བཅོམ་ལྡན་འདས་ལ་ཞུ་བ་ཞུས་པ། ཚུལ་ཁྲིམས་གང་ལགས་སྤྱོད་པ་གང་། །ཡོན་ཏན་གང་ལགས་ལས་གང་གིས། །
276a2 གནས་པ་ཇི་ལྟར་ཤེས་རབ་གང་། །སྐྱེ་བོ་གང་དག་མཐོ་རིས་མཆི། །ལྷ་ལ་ཐུགས་བརྩེ་ཉེར་བཟུང་ནས། །སྟོན་པས་དེ་ལ་ལུང་བསྟན་པ། །སྐྱེ་བོ་མཐོ་རིས་གང་འགྲོ་བ། །ལྷ་ཁྱོད་ང་ལ་རབ་ཏུ་ཉོན། །སྲོག་གཅོད་པ་ལས
276a3 ཕྱིར་ལྡོག་ཅིང་། །ཁྲིམས་བཟུང་ཡང་དག་སྡོམ་ལ་དགའ། །གང་དག་འབྱུང་པོ་མི་འཚེ་བ། །སྐྱེ་བོ་དེ་དག་མཐོ་རིས་འགྲོ། །གང་དག་མ་བྱིན་ལེན་སྤོང་ཞིང་། །སྦྱིན་པ་གཏོང་ལ་རྟག་དགའ་སྟེ། །རྐུ་བ་སྤོང་ཞིང་མི་རྐུ་བ། །
276a4 སྐྱེ་བོ་དེ་དག་མཐོ་རིས་འགྲོ། །གཞན་གྱི་ཆུང་མའི་ཐད་མི་འགྲོ། །ལོག་པར་གཡེམ་པ་རྣམ་པར་སྤོང་། །བདག་གི་ཆུང་མས་ཆོག་སེམས་པ། །སྐྱེ་བོ་དེ་དག་མཐོ་རིས་འགྲོ། །གཞན་གྱི་དོན་ལ་རྐུ་བྱ་དང་། །བདག་གི་ཕྱིར
276a5 དང་འཇིགས་པའི་ཕྱིར། །བརྫུན་གྱི་ཚིག་རྣམས་མི་སྨྲ་བ། །སྐྱེ་བོ་དེ་དག་མཐོ་རིས་འགྲོ། །གྲོགས་པོ་རྟག་པར་འབྱེད་བྱེད་པ། །ཕྲ་མའི་ཚིག་རྣམས་རབ་སྤོང་ཞིང་། །གང་དག་འདུན་པར་རབ་དགའ་བ། །སྐྱེ་བོ་དེ་དག
276a6 མཐོ་རིས་འགྲོ། །རྒྱགས་ལ་སྟེན་ཅིང་ཞེ་གཅོད་པ། །ཚིག་རྩུབ་དག་ནི་རྣམ་སྦྱོང་ཞིང་། །འཇམ་པོའི་ཚིག་ཏུ་གང་སྨྲ་བ། །སྐྱེ་བོ་དེ་དག་མཐོ་རིས་འགྲོ། །དོན་མེད་གནས་དང་ལྡན་པ་ཡི། །ཀྱལ་པའི་ཚིག་རྣམས་རབ
276a7 སྤོང་ཞིང་། །གང་ཡང་དུས་སུ་ཆོས་སྨྲ་བ། །སྐྱེ་བོ་དེ་དག་མཐོ་རིས་འགྲོ། །གྲོང་ངམ་འོན་ཏེ་དགོན་པ་ན། །གཞན་གྱིས་བདག་གིར་བྱས་པ་ལ། །དེ་ལ་ཆགས་སེམས་གང་མེད་པ། །སྐྱེ་བོ་དེ་དག་མཐོ་རིས་འགྲོ། །བྱམས
276a8 པའི་སེམས་ཀྱིས་མི་འཚེ་ཞིང་། །གནོད་པར་སེམས་པ་མེད་པ་ཡིས། །སྐྱེ་བོ་ཀུན་ལ་མི་གནོད་པ། །སྐྱེ་བོ་དེ་དག་མཐོ་རིས་འགྲོ། །ལས་དང་ལས་ཀྱི་རྣམ་སྨིན་དང་། །གཉིས་ག་ལ་ཡང་གང་དད་ཅིང་། །
iiif viewer powered by OpenSeadragon
