| e-texts navigator |
| Wylie |
275b1 མེད་པས་རྣམ་པར་གྲོལ། །སྲེད་པ་རྣམ་པར་སྤངས་པས་ན། །མྱ་ངན་འདས་ཤེས་བརྗོད་པ་ཡིན། །ལྷས་གསོལ་པ། རླུང་དམར་གྱིས་ཀྱང་མི་ཤིགས་ཤིང་། །ཞུགས་ཀྱིས་མི་འཚིག་དེ་ཅི་ལགས། །དོག་ས་གཏམ
275b2 པར་བགྱིད་པ་ཡི། །ཆབ་ཀྱིས་མི་འདྲུལ་ཅི་ཞིག་ལགས། །བཅོམ་ལྡན་འདས་ཀྱིས་བཀའ་སྩལ་པ། རླུང་དམར་གྱིས་ཀྱང་མི་ཤེས་ཤིང་། །མེས་ཀྱང་མི་འཚིག་བསོད་ནམས་ཡིན། །ས་རྣམས་ཁེབས་པར་བྱེད་པ
275b3 ཡི། །ཆུས་ཀྱང་མི་འདྲུལ་བསོད་ནམས་སོ། །ལྷས་གསོལ་པ། སུ་ཞིག་ཤིན་དུ་བསླུས་གྱུར་ནས། །འཇིག་རྟེན་འདི་ནས་ཕ་རོལ་མཆིས། །ད་དུང་བདག་གི་དོགས་པ་འདི། །ཁྱོད་ཀྱིས་བསལ་བར་མཛད
275b4 པའི་རིགས། །བཅོམ་ལྡན་འདས་ཀྱིས་བཀའ་སྩལ་པ། །གང་གིས་ལོངས་སྤྱོད་ཡོད་བཞིན་དུ། །བསོད་ནམས་བསགས་པ་མ་བྱས་པ། །དེ་ནི་ཤིན་དུ་བསླུས་གྱུར་ནས། །འཇིག་རྟེན་འདི་ནས་ཕ་རོལ་སོང་། །ལྷས
275b5 གསོལ་པ། འཇིགས་པ་ཀུན་ལས་འདས་གྱུར་ཅིང་། །རྒལ་བའི་འཇིག་རྟེན་མཐུ་ལྡན་པའི། །བྲམ་ཟེ་མྱ་ངན་ཡོངས་འདས་པར། །ཀྱེ་མ་བདག་གིས་རིང་ནས་མཐོང་། །བཅོམ་ལྡན་འདས་ཀྱིས་དེ་སྐད་ཅེས་བཀའ
275b6 སྩལ་ནས་ལྷ་དེ་ཡི་རངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་རྗེས་སུ་ཡི་རངས་ཏེ་དེ་ཉིད་དུ་མི་སྣང་བར་གྱུར་ཏོ། །ལྷའི་མདོ་རྫོགས་སོ།། །།
275b7 @#། །རྒྱ་གར་སྐད་དུ། ཨལྤ་དེ་བ་ཏ་སཱུ་ཏྲ། བོད་སྐད་དུ། ལྷའི་མདོ་ཉུང་ངུ་། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།
275b8 བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་ལྷ་ཞིག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ
iiif viewer powered by OpenSeadragon
