| e-texts navigator |
| Wylie |
272b1 ཡིན་ནོ། །སྡུག་པ་དང་བྲལ་བ་ཟད་པར་བྱེད་པ་ཡིན་ནོ། །འཁོར་བའི་སྡུག་བསྔལ་གྱིས་གཙེས་པ་རྣམས་ཀྱི་བདེ་བ་དང་མི་འཇིགས་པའི་འགྲམ་ཡིན་ནོ། །འདོད་པའི་ཁམས་ལས་རྒལ་བར་བྱེད་པ་ཡིན་ནོ། །གཟུགས
272b2 ཀྱི་ཁམས་ལས་ཡང་དག་པར་རྒལ་བར་བྱེད་པ་ཡིན་ནོ། །གཟུགས་མེད་པའི་ཁམས་ལས་རྣམ་པར་རྒལ་བར་བྱེད་པ་ཡིན་ནོ། །དོན་དམ་པར་མྱ་ངན་ལས་འདས་པ་མཆོག་ཐོབ་པར་བྱེད་པ་ཡིན་ཏེ། །དགའ་བོ་དེ
272b3 ནི་རབ་ཏུ་བྱུང་བ་ཞེས་བྱའོ། །འཇིག་རྟེན་ཐམས་ཅད་ཀྱི་མིག་ལྟ་བུ་ཡིན་ནོ། །གཏི་མུག་གི་མུན་པའི་སྒྲོན་མ་ཡིན་ནོ། །རྒྱུད་དག་པར་བྱེད་པ་ཡིན་ནོ། །ཉོན་མོངས་པའི་ནད་ཐམས་ཅད་རབ་ཏུ་ཞི་བར་བྱེད་པ་ཡིན་ནོ། །
272b4 ལམ་སྟོར་བ་རྣམས་ལ་ལམ་ཀུན་དུ་སྟོན་པ་ཡིན་ནོ། །ཆོས་ཐམས་ཅད་ཀྱི་དེ་ཁོ་ན་སྟོན་པ་ཡིན་ནོ། །མདུད་པ་ཐམས་ཅད་རྣམ་པར་གྲོལ་བར་བྱེད་པ་ཡིན་ནོ། །མ་རིག་པའི་མུན་པ་ཐམས་ཅད་སེལ་བ་ཡིན་ནོ། །
272b5 མི་ཤེས་པའི་རབ་རིབ་ཀྱི་སྒྲིབ་པའི་མུན་པ་རྣམས་འདྲལ་བར་བྱེད་པ་ཡིན་ནོ། །ལེ་ལོ་ཅན་རྣམས་བརྩོན་འགྲུས་ལ་རྩོམ་པར་བྱེད་པ་ཡིན་ནོ། །ཚུལ་ཁྲིམས་ལ་ལྟུང་བ་རྣམས་སྐྱོ་བར་བྱེད་པ་ཡིན་ནོ། །ཚུལ་ཁྲིམས
272b6 ཕུན་སུམ་ཚོགས་པ་རྣམས་རབ་ཏུ་དགའ་བར་བྱེད་པ་ཡིན་ནོ། །བརྩོན་འགྲུས་བརྩམས་པ་རྣམས་མཆོག་དུ་དགའ་བ་ཡིན་ནོ། །ནང་དུ་ཡང་དག་འཇོག་ལ་མངོན་པར་དགའ་བ་རྣམས་རབ་ཏུ་དགའ་བ་ཡིན་ནོ། །
272b7 རྣལ་འབྱོར་སྤྱོད་པ་རྣམས་མཆོག་ཏུ་ཆོག་ཤེས་པར་བྱེད་པ་ཡིན་ནོ། །ཉོན་མོངས་པའི་དགྲ་འཇོམས་པར་བྱེད་པ་རྣམས་ཀྱི་མཚོན་ཆ་ཡིན་ནོ། །ཕྱིར་མི་འོང་བ་རྣམས་མཆོག་ཏུ་རྒྱལ་བར་བྱེད་པ་ཡིན་ནོ། །གནས་མེད་པ
272b8 རྣམས་ཀྱི་གནས་སོ། །སྐྱོབ་པ་མེད་པ་རྣམས་ཀྱི་སྐྱོབ་པ་ཡིན་ནོ། །འཇིགས་པས་འབྲེལ་པ་རྣམས་ཀྱི་མི་འཇིགས་པར་བྱེད་པ་ཡིན་ནོ། །སྐྱབས་མེད་པ་རྣམས་ཀྱི་སྐྱབས་ཡིན་ནོ། །སྡུག་བསྔལ་རྣམས་ཀྱི་བདེ་བའི་ཡོ
iiif viewer powered by OpenSeadragon
