| e-texts navigator |
| Wylie |
222a1 དང་བླུན་འགྲོགས་ཆེད་ཀ་མི་ཆེ་བས། །རང་རྒྱལ་བཞིན་དུ་མ་སྨྲ་དེ་འགྲོ་རིགས། །གང་ན་སྐྱེས་བུ་འཐབ་ལ་དགའ་གྱུར་ནས། །གཡོ་སྒྱུའི་བསམ་ལྡན་རྟག་ཏུ་གླགས་ཀྱང་བྱེད། །ཀྱལ་པ་དབྱེན་བརྫུན་ཚིག
222a2 རྩུབ་སྨྲ་བྱེད་པ། །དེ་ཚེ་མཁས་པ་མྱུར་དུ་ཡུལ་གཞན་སོང་། །གང་ན་མི་རྣམས་འཚོ་བར་བྱེད་གྱུར་ནས། །ཕན་ཚུན་གནོད་ལ་འབེབས་པར་དགའ་བ་དང་། །ལུས་དང་ངག་ཡིད་སྡོམ་པ་མེད་གྱུར་པ། །དེ་ཚེ་མཁས་པ་མྱུར་དུ
222a3 ཡུལ་གཞན་སོང་། །གང་ན་མི་རྣམས་ཕྲག་དོག་བྱེད་གྱུར་ནས། །གཞན་གྱི་རྙེད་ལ་རྟག་ཏུ་མི་བཟོད་ཅིང་། །སྡང་བའི་བསམ་པས་རྣམ་རྨོངས་ཚུལ་འཆོས་པ། །དེ་ཚེ་བདག་འདོད་ཡུལ་གཞན་འགྲོ་བར་གྱིས། །གང་ན
222a4 མི་རྣམས་སྡིག་བྱེད་འདོད་གྱུར་ནས། །བཀུར་སྟི་འདོད་ཅིང་ཚུལ་འཆོས་གཡོ་སྒྱུ་བྱེད། །ནང་ཡང་མ་དག་ཕྱི་ཡང་མ་དག་པ། །དེ་ཚེ་བདག་འདོད་ཡུལ་གཞན་འགྲོ་བར་གྱིས། །གང་ན་མི་རྣམས་ཞེ་ས་མེད་གྱུར་ནས། །ཡ་རབས
222a5 ཚུལ་མེད་ཁེངས་ཤིང་ང་རྒྱལ་ལྡན། །བྱིས་པས་མཁས་པ་རྟག་ཏུ་བརྙས་བྱེད་པ། །དེ་ཚེ་བདག་འདོད་ཡུལ་གཞན་འགྲོ་བར་གྱིས། །གང་དང་གང་དུ་བཟའ་བཏུང་དང་། །གང་དུ་གོས་རྣམས་རྙེད་པ་དང་། །གང་དུ་འཚོ་བ་དེར
222a6 སོང་ལ། །ཆགས་འགྱུར་གནས་སུ་མ་འདུག་ཅིག་།ལན་འགའ་རྩོད་འགྱུར་སྲེད་པ་གང་ཡིན་སྤོངས། །རྟག་ཁེངས་མཆོད་མེད་ང་རྒྱལ་གང་ཡིན་སྤོངས། །འབྲས་བུ་ངན་པའི་ཁྲོ་བ་གང་ཡིན་སྤོངས། །ཕོངས་དུས་མི
222a7 ལྟའི་གྲོགས་པོ་གང་ཡིན་སྤོངས། །མེ་ཡིས་གང་བའི་ལམ་འདྲའི་མ་རིག་སྤོངས། །བྱས་གཟོ་མེད་པའི་གཉེན་འདྲའི་འདོད་ཆགས་སྤོངས། །མཆེ་བ་མི་བཟད་ཀླུ་འདྲའི་ཆགས་པ་སྤོངས། །དགྲ་བོ་མཚོན་ཐོགས
222a8 ལྟ་བུའི་སྡུག་བསྔལ་སྤོངས། །ཀླུ་མོ་ལྟ་བུ་མི་བཟད་ཆུང་མ་སྤོངས། །མགོ་ལ་མེ་འབར་ལྟ་བུའི་བུ་རྣམས་ཐོང་། །འགོ་བའི་ནད་བཅས་ལྟ་བུའི་ཁྱིམ་རྣམས་ཐོང་། །བཏུང་བ་དུག་ཆེན་ལྟ་བུའི་འདོད་པ་མཐོང་། །
iiif viewer powered by OpenSeadragon
