| e-texts navigator |
| Wylie |
221a1 པར་མཉན་ནས་སུ། །དེ་ལྟར་རྣམ་པར་བསམས་ནས་རང་དོན་དང་། །གཞན་གྱི་དོན་དག་ལེགས་པར་སྤྱོད་པར་བྱེད། །མཁས་པ་རྣམས་ནི་འཚོ་བའི་རྒྱུ་ཙམ་གྱིས། །སྡིག་པའི་ལས་རྣམས་ཀུན་དུ་སྤྱོད
221a2 མི་འགྱུར། །གལ་ཏེ་བདེ་དང་སྡུག་བསྔལ་ལྡན་གྱུར་ཀྱང་། །རྟག་ཏུ་ཆོས་དོན་ཡོངས་སུ་གཏོང་བ་མེད། །བློ་ལྡན་གཡོ་སྒྱུ་ཅན་དུ་མི་འགྱུར་ཏེ། །རྨོངས་པར་མི་འགྱུར་ཚིག་རྩུབ་ཁྲོ་མི་འགྱུར། །ཕོངས་པའི་གནས་ན་མྱ་ངན་མི
221a3 བྱེད་པ། །གཞན་གྱིས་གནད་ལ་འབེབས་པར་བྱེད་རེ་སྐན། །ཧ་ཅང་ཐལ་དང་ཧ་ཅང་ཞུམ་པ་ཡི། །དམན་པའི་མི་རྣམས་ལ་ཡང་མ་ཡིན་ཏེ། །བར་མའི་གནས་ལ་སྟེན་པར་བྱེད་པ་དག་།དེ་ནི་མཁས་པ་རྣམས་ཀྱི
221a4 མཚན་ཉིད་ཡིན། །ཧ་ཅང་ཐལ་བ་རྟག་ཏུ་འཁོན། །ཧ་ཅང་ཞུམ་པ་རྟག་ཏུ་བརྙས། །དེ་ཕྱིར་དེ་གཉིས་སྤངས་ནས་སུ། །གོ་འཕང་བར་མ་བསྟེན་པར་བྱ། །རེས་འགའ་ལྐུགས་པའམ་འོན་པ་ལྟ་བུར་གྱིས། །དུས་ལ
221a5 བབ་ན་ས་བདག་བཞིན་དུ་སྨྲོས། །རེས་འགའ་གངས་རི་བཞིན་དུ་བསིལ་བར་གྱིས། །དུས་ལ་བབ་ན་མེ་ལྕེ་བཞིན་དུ་སྤོར། །རེས་འགའ་རྩཝ་དང་འདྲ་བར་ཞུམ་པར་བྱ། །དུས་ལ་བབ་ན་རི་རབ་ལྟ་བུར་གྱིས། །རེས་འགའ
221a6 རྒྱལ་པོ་ལྟ་བུར་འགྱུར་བར་བྱ། །དུས་ལ་བབ་ན་ཐུབ་འདྲ་ནགས་སུ་སོང་། །རེས་འགའ་བཀྲེས་དང་སྐོམ་པའང་བཟོད་པར་བྱ། །དུས་སུ་བདེ་དང་སྡུག་བསྔལ་དང་དུ་བླང་། །ནོར་ཕྱིར་བྲན་བཞིན་བཀོལ་པར་མི་བྱ་སྟེ། །
221a7 ཁྲོ་བའི་དབང་དུ་གྱུར་པར་མི་བྱའོ། །རེས་འགའ་དགའ་བའི་གླུ་དང་སིལ་སྙན་གྱིས། །རྩེ་ཞིང་ཤ་དང་ཆང་ཡང་སྤྱད་པར་བྱ། །རེས་འགའ་རི་དགས་ལྟ་བུར་འཇིགས་བཞིན་སོང་། །དུས་སུ་གཅན་ཟན་བཞིན་དུ
221a8 ཉམས་རྩལ་བསྟན། །དང་པོར་དུས་དང་དུས་མིན་དང་། །བདག་ཉིད་སྟོབས་ལྡན་སྟོབས་མེད་དང་། །དར་དང་རྒུད་པ་བརྟགས་ནས་སུ། །དེ་ནས་དོན་རྣམས་ལེགས་པར་བརྩམ། །བཟོད་མེད་རྣམས
iiif viewer powered by OpenSeadragon
