| e-texts navigator |
| Wylie |
220b1 བྱ། །གཞན་གྱི་ཡུལ་ན་གནས་པ་དང་། །གཞན་གྱི་འཚོ་བས་འཚོ་བའི་ཚེ། །སྡང་བས་འཁྲུག་པར་གྱུར་པ་ན། །གཞན་གྱིས་བརྙས་པ་དེ་བཟོད་བྱ། །གཞན་གྱི་ཡུལ་ན་འདུག་པ་དང་། །གཞན་གྱི་འཚོ་བས་འཚོ་བའི་ཚེ། །དམན་པས་བསྐྲད
220b2 པར་གྱུར་ཀྱང་རུང་། །ཤེས་རབ་ལྡན་པས་དེ་བཟོད་བྱ། །ཀྱེ་མ་ཡུལ་ལོག་བདག་གནས་ཤིང་། །མཛའ་བཤེས་ངན་དང་ཕྲད་པ་ན། །བྱིས་པ་རྣམས་དང་འགྲོགས་པ་ཡི། །གནས་སུ་མི་ངན་རྟེན་བྱེད་མེད། །ཤེས་རབ་ལྡན་པས་དེ་བསམས
220b3 ནས། །མི་ཤེས་མི་དང་འགྲོགས་བྱེད་ཀྱང་། །མཁས་པས་ནོར་དང་ལོངས་སྤྱོད་ཕྱིར། །གཟུ་ལུམས་ཁོ་ནར་ཁྲོ་མི་བྱ། །ཇི་ལྟར་ཐལ་བས་བཀའ་བའི་མེ། །རྩཝ་དང་ཤིང་གིས་གཡོགས་པ་ལ། །རླུང་རྣམས་ཀྱིས་ནི་ལེགས་བུས་ན། །
220b4 ཤིན་དུ་རབ་ཏུ་འབར་འགྱུར་ཏེ། །རྩཝ་དང་ཤིང་དེ་བསྲེགས་ནས་སུ། །ཆེན་པོར་མཆེད་ཅིང་འབར་བ་ཡིས། །རྩཝ་དང་གེལ་པ་མང་པོ་དག་།ལྗོན་ཤིང་ཆེན་པོ་སྲེག་པ་ལྟར། །དེ་བཞིན་རྣམ་རྟོག་བུད་ཤིང་ལས། །བྱུང་བའི་ཁྲོ་བ་མེ་འདྲ་བས། །
220b5 བདག་ཉིད་དང་ནི་གཞན་དག་ལ། །ཕུང་ཁྲོལ་ཆེན་པོ་བྱེད་པར་འགྱུར། །དེ་ཕྱིར་ཁྲོ་བ་བྱུང་བ་ན། །ཞེ་སྡང་གཉེན་པོར་གྱུར་པ་ཡི། །བྱམས་པའི་སེམས་ལ་བསྒོམས་ནས་སུ། །མཁས་པ་རྣམས་ཀྱིས་ཟློག་པར་བྱེད། །བསྟོད་པ་བྱས་ན་མཛའ་བྱེད
220b6 ལ། །མ་བསྟོད་མཛའ་བར་མི་བྱེད་ཅིང་། །མོད་ལ་ཡོངས་སུ་སྤོང་བྱེད་པ། །དེ་ནི་བྱིས་པའི་མཚན་ཉིད་ཡིན། །གལ་ཏེ་འདི་ན་བྱིས་པ་དག་།སྒྲོ་གཤོག་བཏོགས་པའི་བྱ་ལྟ་བུར། །བློ་སྤངས་ཤེས་རབ་མ་འཆལ་ན། །
220b7 མཁས་པ་ཇི་ལྟར་འཚོ་བར་འགྱུར། །གང་ཕྱིར་བྱིས་པ་ཕལ་ཆེར་ནི། །བློ་གྲོས་སྤངས་ཤིང་ཤེས་འཚལ་བ། །དེ་ཕྱིར་མཁས་པ་ཤེས་རབ་ཅན། །ཁྱད་པར་དུ་ནི་བདེ་བར་འཚོ། །མཁས་པ་ནོར་རྙེད་དགའ་བར་མི་འགྱུར་ལ། །
220b8 ཕོངས་པར་གྱུར་ཀྱང་མི་འཁྲུལ་འཁྲུག་པ་མེད། །རྗེས་སུ་གཟུང་ཕྱིར་ཕན་པ་དེ་སྨྲ་ན། །ལེགས་སྨྲ་ཡིན་ཞེས་གཞན་གྱིས་ཅིས་མི་རྟོགས། །མཁས་པ་གཟུ་ལུམས་མེད་པར་གྱུར་པ་དེ། །དེ་ཉིད་དཔྱད་པ་ལེགས
iiif viewer powered by OpenSeadragon
