| e-texts navigator |
| Wylie |
218b1 གནས་མཆོག་དག་ན་འང་ཡོད་མིན་ཕྱོགས་དང་ཕྱོགས་མཚམས་དག་ན་འང་མེད། །རི་དང་ནགས་སུ་བཅས་པའི་ས་སྟེང་རྒྱས་པ་ཀུན་དུ་ཡུལ་ཞིག་ག་ལ་ཡོད། །ཚིགས་སུ་བཅད་པ་གཅིག་པ་རྫོགས་སོ།། །།
218b2 @#། །རྒྱ་གར་སྐད་དུ། ཙ་ཏུར་གཱ་ཐཱ། བོད་སྐད་དུ། ཚིགས་སུ་བཅད་པ་བཞི་པ། དཀོན་མཆོག་གསུམ་ལ་ཕྱག་འཚལ་ལོ། །སྐུར་གྱུར་པ་ནི་ཐམས་ཅད་ལ། །མཚན་མཆོག་སུམ་བཅུ་གཉིས་མངའ་བ། །རྫོགས་པའི་སངས་རྒྱས་གྲགས་ལྡན་པའི། །
218b3 རྒྱལ་བ་ཀུན་ལ་ཕྱག་འཚལ་ལོ། །རྫོགས་སངས་གང་དུ་བལྟམས་པ་དང་། །གང་དུ་བྱང་ཆུབ་ལ་རེག་དང་། །ཞི་བའི་འཁོར་ལོ་བསྐོར་བ་དང་། །ཟག་མེད་མྱ་ངན་འདས་པ་དང་། །བདེ་གཤེགས་གང་དུ་བཞུགས་པ་དང་། །འཆག་པ་དང་ནི་བཞེངས་པ
218b4 དང་། །སེང་གེ་ལྟ་བུར་གཟིམས་པ་ཡི། །གནས་དེ་ལ་ནི་བདག་ཕྱག་འཚལ། །སྟེང་དང་འོག་དང་བར་དག་དང་། །ཕྱོགས་དང་ཕྱོགས་མཚམས་རྣམས་སུ་ཡང་། །སྐུ་བཅས་སྐུ་ནི་མེད་པ་ཡི། །མཆོད་རྟེན་ལ་ནི་བདག་ཕྱག་འཚལ། །གང་གིས་ཚིགས
218b5 བཅད་འདི་བཞི་ཡིས། །དེ་བཞིན་གཤེགས་ལ་བསྟོད་བྱེད་པ། །དེ་ནི་ཚེ་རབས་སྟོང་དུ་ཡང་། །ངན་འགྲོར་འགྲོ་བར་མི་འགྱུར་རོ། །ཚིགས་སུ་བཅད་པ་བཞི་པ། རྫོགས་སོ།། །། @#། །རྒྱ་གར་སྐད་དུ། ནཱ་ག་རྭ་ཛ་བྷེ་རཱི་གཱ་ཐཱ། བོད་སྐད་དུ། ཀླུའི་རྒྱལ
218b6 པོ་རྔ་སྒྲའི་ཚིགས་སུ་བཅད་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་བཞིན་གཤེགས་པས་རབ་བསྟན་པ། །བྱང་ཆུབ་སེམས་དཔའ་སྐྱེས་པའི་རབས། །ཐམས་ཅད་ལེགས་པར་འདུས་ནས་སུ། །ཤིན་དུ་དང
218b7 བའི་སེམས་ཀྱིས་ཉོན། །རྫོགས་པའི་སངས་རྒྱས་ལྷ་ཡི་ལྷ། །དེ་བཞིན་གཤེགས་པ་བཞུགས་པ་ན། །དགེ་སློང་རྣམས་ནི་གཅིག་ལ་གཅིག་།ཁ་སྟོབས་ལ་སོགས་རྣམས་ཀྱིས་འགྱིང་། །དགེ་སློང་ཚིག་ངན་འདོན་པ་དག་།དྲང་སྲོང་ཆེན་པོས་གསན
218b8 པ་ན། །དེ་ཕྱིར་ཐུབ་པས་དགེ་འདུན་རྣམས། །བསྡུས་ནས་འདི་སྐད་བཀའ་སྩལ་ཏེ། །ཁྱེད་ཅག་ཁ་སྟོབས་ལ་སོགས་པས། །གཅིག་ལ་གཅིག་ནི་འཚེ་བྱེད་པ། །ཁྱིམ་ནས་ཁྱིམ་མེད་རབ་བྱུང་དང་། །དེ་དག་འཐུན་པ་མ་ཡིན་ནོ། །རྟག་ཏུ་ཡང་དག
iiif viewer powered by OpenSeadragon
