| e-texts navigator |
| Wylie |
207b1 ཡིད་ལ་བྱེད་པ་ན་མཆོག་ཏུ་དགའ་བ་སྐྱེད་པ་འདི་ནི་དད་པ་ཅན་གྱི་མཆོག་ཏུ་དགའ་བའི་དངོས་པོ་ཡིན་ནོ། །བཅོམ་ལྡན་འདས་དེ་བདག་གི་སྡུག་བསྔལ་གྱི་ཆོས་མང་པོ་སེལ་བའོ་ཞེས་མཆོག་ཏུ་དགའ་བ་སྐྱེ་བ་འདི་ནི་དད་པ་ཅན
207b2 གྱི་མཆོག་ཏུ་དགའ་བའི་དངོས་པོ་ཡིན་ནོ། །བཅོམ་ལྡན་འདས་དེ་བདག་གི་བདེ་བའི་ཆོས་མང་པོ་སྒྲུབ་པའོ་ཞེས་མཆོག་ཏུ་དགའ་བ་སྐྱེ་བ་འདི་ནི་དད་པ་ཅན་གྱི་མཆོག་ཏུ་དགའ་བའི་དངོས་པོ་ཡིན་ནོ། །བཅོམ་ལྡན་འདས་དེ
207b3 བདག་གི་སྡིག་པ་མི་དགེ་བའི་ཆོས་རྣམ་པ་དུ་མ་སེལ་བའོ་ཞེས་མཆོག་ཏུ་དགའ་བ་སྐྱེ་བ་འདི་ནི་དད་པ་ཅན་གྱི་མཆོག་ཏུ་དགའ་བའི་དངོས་པོ་ཡིན་ནོ། །བཅོམ་ལྡན་འདས་དེ་བདག་གི་དགེ་བའི་ཆོས་རྣམ་པ་དུ་མ་སྒྲུབ་པའོ་ཞེས
207b4 མཆོག་ཏུ་དགའ་བ་སྐྱེ་བ་འདི་ནི་དད་པ་ཅན་གྱི་མཆོག་ཏུ་དགའ་བའི་དངོས་པོ་ཡིན་ནོ། །ཚེ་དང་ལྡན་པ་དག་འཕགས་པ་ཉན་ཐོས་ཆོས་བཞི་ལ་བརྟེན་ན་ཆོས་ལྔ་བསྒོམ་པ་ཡོངས་སུ་རྫོགས་པར་འགྱུར་ཏེ། འདུན་པ་དང
207b5 བརྩོན་འགྲུས་དང་དབེན་པ་དང་ཕྱིར་མི་ཟློག་པའོ། །ཆོས་ལྔ་པོ་གང་དག་བསྒོམ་པ་ཡོངས་སུ་རྫོགས་པར་འགྱུར་ཞེ་ན། མཆོག་ཏུ་དགའ་བ་དང་དགའ་བ་དང་ཤིན་དུ་སྦྱངས་པ་དང་བདེ་བ་དང་ཏིང་ངེ་འཛིན་ཏོ། །ཚེ་དང་ལྡན་པ
207b6 དག་དེ་ཆོས་ལྔ་པོ་དེ་དག་ཀུན་དུ་བསགས་ཤིང་ཉེ་བར་བསགས་ན་ཟུག་རྔུ་བརྒྱད་མེད་པར་འགྱུར་ཏེ། འདི་ལྟ་སྟེ། འདོད་ཆགས་ཀྱི་ཟུག་རྔུ་དང་ཞེ་སྡང་གི་ཟུག་རྔུ་དང་གཏི་མུག་གི་ཟུག་རྔུ་དང་ང་རྒྱལ་གྱི་ཟུག་རྔུ་དང་སྲེད་པའི་ཟུག
207b7 རྔུ་དང་ལྟ་བའི་ཟུག་རྔུ་དང་ཐེ་ཚོམ་དང་སོམ་ཉིའི་ཟུག་རྔུའོ། །ཟུག་རྔུ་བརྒྱད་པོ་དེ་དག་མེད་པར་གྱུར་ན་མི་སློབ་པའི་ཆོས་བཅུ་ཐོབ་པར་འགྱུར་ཏེ། མི་སློབ་པའི་ཡང་དག་པའི་ལྟ་བ་དང་ཡང་དག་པའི་རྟོག་པ་དང་ཡང་དག་པའི
207b8 ངག་དང་ཡང་དག་པའི་ལས་ཀྱི་མཐའ་དང་ཡང་དག་པའི་འཚོ་བ་དང་ཡང་དག་པའི་རྩོལ་བ་དང་། ཡང་དག་པའི་དྲན་པ་དང་ཡང་དག་པའི་ཏིང་ངེ་འཛིན་དང་ཡང་དག་པའི་རྣམ་པར་གྲོལ་བ་དང་ཡང་དག་པའི་ཡེ་ཤེས་སོ། །མི
iiif viewer powered by OpenSeadragon
