| e-texts navigator |
| Wylie |
207a1 ཏིང་ངེ་འཛིན་ལས་ལྡང་བའི་མཚན་མ་འམ། ཞི་གནས་ཀྱི་མཚན་མ་འམ། རབ་ཏུ་འཛིན་པའི་མཚན་མ་འམ། བཏང་སྙོམས་ཀྱི་མཚན་མ་འམ། སྤྱོད་ཡུལ་མ་ཡིན་པ་སྤོང་བ་འམ། སྤྱོད་ཡུལ་ལ་གུས་པ་འམ། མདོར
207a2 བསྟན་པ་འམ། དམིགས་ཀྱིས་བསལ་བ་འམ། ཀུན་དུ་སྐྱོ་བ་མང་བ་འམ། བླ་མ་ལ་རྟེན་པ་འམ། ཡང་དག་པའི་སྦྱོར་བ་ཡིད་ལ་བྱེད་པའི་སེམས་མྱུར་བ་མྱུར་བར་ཡང་དག་པར་གནས་སོ། །དེ་དབུགས་རྔུབ་པ་དང་འབྱུང་བ་དྲན་པ
207a3 སྒོམ་པའི་སེམས་མྱུར་བ་མྱུར་བར་ཡང་དག་པར་གནས་སོ། །དེ་དྲན་པ་ཉེ་བར་གཞག་པ་རྣམས་སྒོམ་པའི་སེམས་མྱུར་བ་མྱུར་བར་ཡང་དག་པར་གནས་སོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན
207a4 ཡིད་ལ་བྱས་པའི་བདག་ཉིད་ཀྱི་བར་དུ་གཅོད་པ་ནི་བཅུ་གཅིག་ཏུ་རིག་པར་བྱ་སྟེ། འདི་ལྟ་སྟེ། ཡང་དང་ཡང་དུ་ཚོགས་པར་འདུ་བ་དང་། ཟས་ལ་གདུ་བ་ཉིད་དང་ལས་ལ་དགའ་བ་ཉིད་དང་སྨྲ་བ་ལ་དགའ་བ་ཉིད་དང་འདུ་འཛིའི་གཏམ་ལ
207a5 དགའ་བ་ཉིད་དང་འདུ་འཛི་ལ་དགའ་བ་ཉིད་དང་བདག་ཏུ་འཛིན་པ་དང་། འཕྱར་བ་དང་བག་མེད་པ་དང་ཡུལ་དུ་མི་གནས་པའོ། །ཚེ་དང་ལྡན་པ་དག་བར་དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པ་མཁས་པ་བཅུ་ལ
207a6 བསླབ་པར་བྱ་སྟེ། འདི་ལྟ་སྟེ། ཏིང་ངེ་འཛིན་ལ་མཁས་པ་དང་ཏིང་ངེ་འཛིན་ལ་གནས་པ་ལ་མཁས་པ་དང་། ཏིང་ངེ་འཛིན་ལས་ལྡང་བ་ལ་མཁས་པ་དང་རབ་ཏུ་འཛིན་པ་ལ་མཁས་པ་དང་། བཏང་སྙོམས་ལ་མཁས་པ་དང་།
207a7 སྐྱེ་མཆེད་ལ་མཁས་པ་དང་ཐབས་ལ་མཁས་པ་དང་མངོན་པར་སྒྲུབ་པ་ལ་མཁས་པའོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་མངོན་པར་སྒྲུབ་པ་ལ་མཁས་པ་ལ་མཆོག་ཏུ་དགའ་བའི་དངོས་པོ་བཅུ་གསུམ་སྐྱེ་བ
207a8 ན་སྐྱེ་སྟེ། དད་པ་ཅན་དེ་སྟོན་པའམ་ཆོས་སམ་དགེ་འདུན་ནམ་བདག་གི་ཚུལ་ཁྲིམས་སམ་གཞན་གྱི་ཚུལ་ཁྲིམས་སམ། བདག་གི་སྦྱིན་པར་བྱ་བའི་ཆོས་རྣམས་སམ་བདག་གི་རྟོགས་པ་འམ། གཞན་གྱི་རྟོགས་པ
iiif viewer powered by OpenSeadragon
