| e-texts navigator |
| Wylie |
205b1 འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་ཡིད་ལ་བྱེད་པའི་བདག་ཉིད་ཀྱི་གཅེས་སྤྲས་བྱེད་པའི་ཆོས་ཉི་ཤུ་སྟེ། འདི་ལྟ་སྟེ། བརྩོན་པ་དང་བརྩོན་པ་དང་འགྲོགས་པ་དང་ཡོངས་སུ་འདྲི་བ་དང་འཐུན་པའི་ལུང་དང་ལུག
205b2 ལ་ཏར་ལྐུག་པ་མ་ཡིན་པ་ཉིད་དང་སྲེད་པ་ཅན་མ་ཡིན་པ་ཉིད་དང་བྱ་བ་མི་མང་བ་ཉིད་དང་ལས་ཀྱི་མཐའ་ལེགས་པར་བྱས་པ་ཉིད་དང་བརྩོན་པ་མ་བཏང་བ་ཉིད་དང་བར་དུ་གཅོད་པ་རྣམས་ཐོས་ན་ཉམ་མི་ང་བ་དང་མ་ཁེངས་པ་དང
205b3 འཐུན་པར་འཛིན་པ་ཉིད་དང་། དྲན་པ་ཉེ་བར་གཞག་པ་ཉིད་དང་བག་ཡོད་པ་དང་ཡུལ་དུ་གནས་པ་དང་དབང་པོ་རྣམས་ཀྱི་སྒོ་བསྲུངས་པ་ཉིད་དང་ཟས་ཀྱི་ཚོད་རིག་པ་ཉིད་དང་། ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར
205b4 བའི་རྗེས་སུ་བརྩོན་པ་ཉིད་དང་དབེན་པ་ལ་མངོན་པར་དགའ་བ་དང་ཇི་ལྟ་བ་བཞིན་ལ་སོ་སོར་རྟོག་པའོ། །ཚེ་དང་ལྡན་པ་དག་གནས་ཉི་ཤུ་རྩ་གཉིས་པོ་འདི་དག་ནི་རབ་ཏུ་བྱུང་བས་ཡང་དང་ཡང་དུ་སོ་སོར་བརྟག་པར་བྱ་བ་སྟེ། བདག
205b5 ནི་ཁྱིམ་པའི་རྟགས་སྤངས་པ་སྟེ་མི་སྡུག་པའོ་ཞེས་གནས་འདི་རབ་ཏུ་བྱུང་བས་ཡང་དང་ཡང་དུ་སོ་སོར་བརྟག་པར་བྱའོ། །བདག་ནི་མི་འདྲ་བ་ཁས་བླངས་པ་སྟེ། བདག་གི་ཆ་བྱད་དང་བྱ་བ་གཞན་ཡིན་ནོ། །བདག་གི་འཚོ་བ་ནི་གཞན་ལ་རག་ལས་པ་སྟེ། ཇི་སྲིད་འཚོའི
205b6 བར་དུ་བདག་གི་འདི་ལྟ་སྟེ། ཆོས་གོས་དང་བསོད་སྙོམས་དང་མལ་སྟན་དང་ན་བའི་གསོས་སྨན་དང་ཡོ་བྱད་ཕ་རོལ་ལས་བཙལ་དགོས་པའོ། །བདག་ནི་ཇི་སྲིད་འཚོའི་བར་དུ་མི་རྣམས་ཀྱི་འདོད་པ་དག་ལས་ལྡོག་པ་བྱས་པའོ། །
205b7 བདག་ནི་ཇི་སྲིད་འཚོའི་བར་དུ་མི་རྣམས་ཀྱི་རྩེད་མོའི་དགའ་བ་དག་ལས་ལྡོག་པ་བྱས་པའོ། །ཅི་ག་བདག་གིས་བདག་ཚུལ་ཁྲིམས་དག་གིས་མ་སྨད་དམ། ཅི་ག་བདག་ལ་ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས
205b8 ཆོས་ཉིད་ཀྱིས་མ་སྨད་དམ། ཅི་ག་བདག་ཉིད་མ་སྨས་པ་དང་མ་ཉམས་པར་སྤོང་ངམ། ཅི་ག་ཡུལ་འཁོར་གྱི་བསོད་སྙོམས་དོན་ཡོད་པར་ཟ་འམ། ཅི་ག་གཅིག་པུ་ཀུན་དགའ་ར་བ་སྟོང་པར་མངོན་པར་དགའ་འམ། བདག་ཇི་ལྟ
iiif viewer powered by OpenSeadragon
