| e-texts navigator |
| Wylie |
205a1 དུ་བྱས་ན་འཇིག་རྟེན་གྱི་སྣ་ཚོགས་དག་ལ་འདུན་པ་དང་། འདོད་ཆགས་ཀྱི་རྗེས་སུ་ཆགས་པ་སྤོང་བར་འགྱུར་རོ། །སྣང་བའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་ཡེ་ཤེས་མཐོང་བར་འགྱུར་རོ། །འདོད
205a2 ཆགས་དང་བྲལ་བའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་ཀུན་དུ་འདོད་ཆགས་སྤོང་བར་འགྱུར་རོ། །འགོག་པའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་ཕུང་པོ་ཟད་པར་འགྱུར་རོ། །འཆི
205a3 བའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་གསོན་པ་ལ་འཆུམས་པ་སྤོང་བར་འགྱུར་རོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཡང་དག་པར་ཚུལ་བཞིན་བྱེད་པའི་བདག་ཉིད་ལ་བར་དུ་གཅོད
205a4 པའི་ཆོས་ཉི་ཤུ་སྟེ། འདི་ལྟ་སྟེ། མི་བརྩོན་པ་དང་མི་བརྩོན་པ་དང་འགྲོགས་པ་དང་། ཡོངས་སུ་མི་འདྲི་བ་དང་མི་མཐུན་པའི་ལུང་དང་ལུག་ལྟར་ལྐུག་པ་ཉིད་དང་སྲེད་པ་ཅན་ཉིད་དང་བྱ་བ་མང་བ་ཉིད་དང་ལས་ཀྱི་མཐའ་ཉེས་པར་བྱས་པ་ཉིད་དང་། བརྩོན
205a5 པ་བཏང་བ་ཉིད་དང་བར་དུ་གཅོད་པ་རྣམས་ཐོས་ན་ཉམ་ང་བ་དང་། ཁེངས་པ་དང་མི་མཐུན་པར་འཛིན་པ་ཉིད་དང་བརྗེད་ངས་པ་ཉིད་དང་བག་མེད་པ་དང་ཡུལ་དུ་མི་གནས་པ་དང་དབང་པོ་རྣམས་ཀྱི་སྒོ་མ་བསྲུངས་པ་ཉིད་དང
205a6 ཟས་ཀྱི་ཚོད་མི་རིག་པ་ཉིད་དང་། ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་སྦྱོར་བའི་རྗེས་སུ་མི་བརྩོན་པ་ཉིད་དང་དབེན་པ་ལ་མངོན་པར་མི་དགའ་བ་དང་ཇི་ལྟ་བ་བཞིན་ལ་སོ་སོར་མི་རྟོག་པའོ། །ཚེ་དང་ལྡན་པ་དག་བར
205a7 དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པར་འགྱུར་བའི་གཅེས་སྤྲས་བྱེད་པའི་ཆོས་ནི་བཅུ་གཅིག་སྟེ། འདི་ལྟ་སྟེ། འདུན་པ་འཐོབ་པ་དང་ཕན་ཡོན་མཐོང་བ་ཉིད་དང་མངོན་པར་སྤྲོ་བ་ཉིད་དང་། རྣམ་པར་འགྱེད
205a8 པ་དང་རྒྱལ་བ་དང་ཆོས་རྣམས་ཀྱི་མཚན་མའི་རྗེས་སུ་འབྲང་བ་དང་བདག་ལ་མི་བརྙས་པ་དང་གུས་པར་ཉན་པ་དང་ཡོངས་སུ་འདྲི་བ་དང་དབེན་པ་ལ་མངོན་པར་དགའ་བ་དང་ཇི་ལྟ་བ་བཞིན་ལ་སོ་སོར་རྟོག་པའོ། །ཚེ་དང་ལྡན་པ་དག
iiif viewer powered by OpenSeadragon
