| e-texts navigator |
| Wylie |
204b1 རྟོག་པ་ཉིད་དོ། །འདོད་ཆགས་དང་བྲལ་བའི་འདུ་ཤེས་ཀྱི་བར་དུ་གཅོད་པ་ནི་ཀུན་དུ་འདོད་ཆགས་པའོ། །འགོག་པའི་འདུ་ཤེས་ཀྱི་བར་དུ་གཅོད་པ་ནི་ཆོས་ལ་མཚན་མའི་རྗེས་སུ་འབྲང་བའོ། །འཆི་བའི་འདུ་ཤེས་ཀྱི་བར་དུ
204b2 གཅོད་པ་ནི་གསོན་པ་ལ་འཆུམས་པའོ། །ཚེ་དང་ལྡན་པ་དག་ཆོས་གསུམ་པོ་གཅེས་སྤྲས་བྱེད་པ་དང་། འདུན་པ་སྤོང་བ་དང་། དེ་ལ་མང་དུ་གནས་པ་ནི་བར་དུ་གཅོད་པ་མ་བཅོམ་པ་དེ་དག་ཡང་དག་པར་འཇོམས་པའོ། །
204b3 ཚེ་དང་ལྡན་པ་དག་ཆོས་བཅུ་བཞི་ནི་མི་སྡུག་པའི་འདུ་ཤེས་ལ་གཅེས་སྤྲས་བྱེད་པ་སྟེ། འདི་ལྟ་སྟེ། བུད་མེད་དང་ལྷན་ཅིག་མི་གནས་པ་དང་དྲན་པ་ཉེ་བར་གནས་པས་བུད་མེད་ལ་ལྟ་བ་དང་བག་ཡོད་པ་དང་འདོད་ཆགས
204b4 ཤས་ཆུང་བ་དང་སྡུག་པའི་མཚན་མའི་རྗེས་སུ་མི་བརྩོན་པ་དང་མི་སྡུག་པ་ལ་སོ་སོར་རྟོག་པ་དང་། ལས་ཀྱི་མཐའ་ལ་ཞུགས་པའི་གང་ཟག་དང་ལྷན་ཅིག་མི་སྦྱོར་བ་དང་དེ་དག་དང་འཐུན་པར་མི་བྱེད་པ་དང་གུས
204b5 པར་ཉན་པ་དང་ཡོངས་སུ་འདྲི་བ་དང་དབང་པོའི་སྒོ་རྣམས་བསྡམས་པ་ཉིད་དང་ཟས་ཀྱི་ཚོད་རིག་པ་ཉིད་དང་དབེན་པ་ལ་མངོན་པར་དགའ་བ་དང་ཇི་ལྟ་བ་བཞིན་ལ་སོ་སོར་རྟོག་པའོ། །ཚེ་དང་ལྡན་པ་དག་མི་སྡུག་པའི
204b6 འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་འདོད་པའི་འདོད་ཆགས་སྤོང་བར་འགྱུར་རོ། །མི་རྟག་པའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་འདུ་བྱེད་སྤོང་བར་འགྱུར་རོ། །མི་རྟག་པ་ལ་སྡུག་བསྔལ
204b7 བའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་ལེ་ལོ་དང་། འགྱོད་པ་སྤོང་བར་འགྱུར་རོ། །སྡུག་བསྔལ་ལ་བདག་མེད་པའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་བདག་ཏུ་ལྟ་བ་སྤོང་བར
204b8 འགྱུར་རོ། །ཟས་ལ་མི་འཕྲོད་པའི་འདུ་ཤེས་ཀུན་དུ་བསྟེན་བསྒོམས་ལན་མང་དུ་བྱས་ན་རོ་ལ་སྲེད་པ་སྤོང་བར་འགྱུར་རོ། །འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཀུན་དུ་བསྟེན་བསྒོམས་ལན་མང
iiif viewer powered by OpenSeadragon
