| e-texts navigator |
| Wylie |
203b1 ཐམས་ཅད་ཞི་བ་དང་། སྟོང་པ་ཉིད་དུ་དམིགས་པ་དང་སྲེད་པ་ཟད་པ་དང་འདོད་ཆགས་དང་བྲལ་བ་དང་འགོག་པ་དང་མྱ་ངན་ལས་འདས་པ་ལ་སེམས་རབ་ཏུ་འཇུག་ཅིང་དང་བ་དང་། ཡང་དག་པར་གནས་པ་དང་རྣམ་པར་གྲོལ་བར
203b2 འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་ཕུང་པོ་མི་རྟག་པ་ཉིད་དང་ཕུང་པོ་གསོག་ཉིད་དང་ཕུང་པོ་གསོབ་ཉིད་དང་ཕུང་པོ་སྙིང་པོ་མེད་པ་ཉིད་དང་། ཕུང་པོ་འཇིག་པ་ཉིད་ལ་སེམས་རབ་ཏུ་འཇུག་ཅིང་དང་བ་དང་ཡང་དག་པར
203b3 གནས་པ་དང་རྣམ་པར་གྲོལ་བར་འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་འཕགས་པའི་བདེན་པ་བཞི་ཤེས་པར་བྱ་བ་ལ་མིག་རྣམ་པར་དག་པར་འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་རྣམ་པར་གྲོལ་བ་ཡོངས
203b4 སུ་རྫོགས་པར་འགྱུར་རོ། །ཚེ་དང་ལྡན་པ་དག་འཕགས་པ་ཉན་ཐོས་དེ་ལྟར་ཆོས་ཡང་དག་པར་ཉན་ན་སྒྲོགས་པ་ལ་ཡང་མཐོ་མི་འཚམ། ཆོས་ཀྱི་གཏམ་གྱི་རོ་ཡང་མྱོང་བར་འགྱུར། སྟོན་པ་ལ་ཡང་ཆོས་ཉིད་ཀྱིས་རིམ་གྲོ་བྱེད། བདག
203b5 གི་དོན་ཡང་རྗེས་སུ་འཐོབ། མྱ་ངན་ལས་འདས་པ་ཡང་འཐོབ་པར་འགྱུར་རོ། །ཆོས་འདི་དག་ནི་དེའི་ཤེས་རབ་ཡོངས་སུ་སྨིན་པར་འགྱུར་བ་སྟེ། འདི་ལྟ་སྟེ། དགེ་བའི་བཤེས་གཉེན་ལ་སྟེན་པ་དང་དགེ་བའི་ངང་ཚུལ་ཅན་ཉིད་དང་།
203b6 སེམས་ཤེས་རབ་ཅན་ཉིད་དང་གུས་པར་ཉན་པ་དང་ཡོངས་སུ་འདྲི་བ་དང་དམ་པའི་ཆོས་ཉན་པ་དང་དམ་པའི་ཆོས་རྟག་ཏུ་བྱེད་པ་དང་སྐྱོ་བར་བྱ་བའི་ཆོས་རྣམས་ལ་སྐྱོ་བ་དང་། དེ་བཞིན་དུ་ཀུན་དུ་སྐྱོ་བ་ལ་ཡོད་ཚུལ་བཞིན་དུ་ཡིད་ལ་བྱེད་པ་དང
203b7 མི་དགེ་བའི་ཆོས་ཐམས་ཅད་སྤོང་བས་དགེ་བའི་ཆོས་རྣམས་ལ་ཚུལ་བཞིན་དུ་རབ་ཏུ་འཇོག་པ་དང་དེ་རྣམ་པར་བྱང་བ་དང་ཏིང་ངེ་འཛིན་ལ་དབང་ཐོབ་ཅིང་ཚུལ་བཞིན་དུ་ཡང་ཡིད་ལ་བྱེད་པའོ། །ཚེ་དང་ལྡན་པ་དག་འཕགས་པ་ཉན་ཐོས་དེ
203b8 ལྟར་ཡང་དག་པར་ཚུལ་བཞིན་ཡིད་ལ་བྱས་པའི་བདག་ཉིད་ཀྱིས་འདུ་ཤེས་བཅུ་པོ་འདི་ལྟ་སྟེ། མི་སྡུག་པའི་འདུ་ཤེས་དང་མི་རྟག་པའི་འདུ་ཤེས་དང་མི་རྟག་པ་ལ་སྡུག་བསྔལ་བའི་འདུ་ཤེས་དང་སྡུག་བསྔལ་ལ་བདག་མེད་པའི་འདུ
iiif viewer powered by OpenSeadragon
