| e-texts navigator |
| Wylie |
203a1 ལ་རྣམ་པ་ཉི་ཤུས་གཏམ་བྱ་སྟེ། འདི་ལྟ་སྟེ། དུས་སུ་དང་གུས་པ་དང་འཚམ་པ་མཚམས་འབྱོར་པ་དང་རྗེས་སུ་འབྲལ་པ་དང་རི་མོ་དང་འདོད་པ་དང་མགུ་བ་དང་སྤྲོ་བ་དང་མི་སྨོད་པ་དང་རིགས་པ་དང་འབྲེལ་པ་དང་མ་འཆོལ
203a2 བ་དང་ཇི་ལྟ་བ་བཞིན་གྱི་སེམས་དང་ཕན་པ་དང་ཕན་པའི་སེམས་དང་སྙིང་བརྩེ་བའི་སེམས་དང་རྙེད་པ་དང་བཀུར་སྟི་དང་ཚིགས་སུ་བཅད་པ་ལ་མི་བརྟེན་པར་བྱའོ། །གཏམ་དེ་དག་སྨྲ་བ་ན་བདག་ལ་བསྟོད་པར་མི་བྱ། གཞན་ལ
203a3 སྨོད་པར་མི་བྱ་བར་གཏམ་བྱའོ། །ཚེ་དང་ལྡན་པ་དག་ཆོས་ཉན་པར་འདོད་པས་རྣམ་པ་བཅུ་དྲུག་གིས་མཉན་པར་བྱ་སྟེ། འདི་ལྟ་སྟེ། དུས་སུ་ཆོས་མཉན་པར་བྱ་བ་དང་། བཀུར་སྟིར་བྱ་བ་དང་། གུས་པར་ཉན་པ་དང་། མ་རངས
203a4 པ་མེད་པ་དང་། བསྒོ་བ་བཞིན་ཉན་པ་དང་། ཀླན་ཀ་མི་ཚོལ་བ་དང་། ཆོས་ལ་གུས་པར་བྱ་བ་དང་། ཆོས་སྨྲ་བའི་གང་ཟག་ལ་གུས་པར་བྱ་བ་དང་། ཆོས་ལ་མི་བརྙས་པ་དང་། ཆོས་སྨྲ་བའི་གང་ཟག་ལ་མི་བརྙས་པ་དང་། བདག
203a5 ལ་མི་བརྙས་པ་དང་། རྩེ་གཅིག་པའི་སེམས་དང་། ཀུན་ཤེས་པར་བྱ་བའི་སེམས་དང་། རྣ་བ་བླགས་ཏེ་མཉན་པ་དང་། སེམས་བསྡུས་ཏེ་སེམས་ཐམས་ཅད་ཀྱིས་བསམས་ཏེ་ཆོས་ལ་མཉན་པར་བྱའོ། །དེ་དེ་ལྟར་ཆོས་ཡང་དག
203a6 པར་ཉན་པ་ན་མྱ་ངན་ལས་འདས་པ་གཙོར་བྱ་བ་ལ་དད་ཅིང་སེམས་དང་བ་སྐྱེ་བར་འགྱུར་རོ། །མྱ་ངན་ལས་འདས་པ་གཙོར་བྱ་བ་སེམས་མཆོག་ཏུ་དགའ་བ་དང་། ཡི་རངས་པ་སྐྱེ་བར་འགྱུར་རོ། །མྱ་ངན་ལས་འདས་པ་གཙོར་བྱ་བ
203a7 ལ་ཟང་ཟིང་མེད་པར་དགའ་བར་སྐྱེ་བར་འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་ཉེ་བའི་ཉོན་མོངས་པ་རྣམས་སྤོང་ཞིང་སེམས་མཉམ་པར་འཇོག་པ་དང་། སོམ་ཉི་རྣམས་སེལ་བ་དང་ལྟ་བ་དྲང་པོར་བྱེད་པར་འགྱུར་རོ། །
203a8 མྱ་ངན་ལས་འདས་པ་གཙོར་བྱ་བ་ལ་སེམས་རྣལ་འབྱོར་དུ་འགྱུར་བ་དང་རྟུན་པ་དང་རྗེས་སུ་བརྩོན་པ་དང་སྤོང་བ་དང་ནང་དུ་ཡང་དག་འཇོག་དང་དོན་གྱི་མཆོག་པར་འགྱུར་རོ། །མྱ་ངན་ལས་འདས་པ་གཙོར་བྱ་བ་ལ་འདུ་བྱེད
iiif viewer powered by OpenSeadragon
