| e-texts navigator |
| Wylie |
165b1 བུའི་གླིང་འདིར་ཉི་མ་ཤར་བ་དེ་ཁད་དང་རིམ་གྱིས་ཤར་བ་མ་ཡིན་ཏེ། དུས་གཅིག་ཏུ་གསལ་བར་ཤར་བ་བཞིན་དུ་ཤེས་བྱ་ཐམས་ཅད་སྐད་ཅིག་མ་གཅིག་ལ་མཁྱེན་པའི་ཕྱིར་ང་ནི་རྣམ་པ་ཐམས་ཅད་མཁྱེན་པའི་ཡེ་ཤེས་མངའ་བ་ཞེས
165b2 བྱའོ། །དེ་སྐད་ཅེས་བཀའ་སྩལ་པ་ལ་ཡང་ལྷ་སྦྱིན་ཡིད་མ་ཆེས་ནས་ཐམས་ཅད་མཁྱེན་པ་མངའ་བ་དེ་ཉམས་སད་པའི་ཕྱིར་འཛམ་བུ་གླིང་འདི་ན་ཤིང་གི་རིགས་ཙན་དན་དང་། བླག་ཤ་དང་། སེང་ལྡེང་ལ་སོགས་པ་ཤིང་ཐ་དད་པ
165b3 བརྒྱ་སྟོང་བྱེ་བ་དག་བཅད་དེ། སོ་སོར་བསྲེགས་ནས་ཐལ་བའི་ཕུར་མ་བྱས་ནས་རང་གི་མི་ནོར་བར་བྱ་བའི་ཕྱིར་ཐལ་བ་ལ་ཤིང་གང་དང་གང་གི་མིང་ཡི་གེར་བཏགས་ཏེ། བཅོམ་ལྡན་འདས་ཀྱི་དྲུང་དུ་སོང་ནས་བཅོམ་ལྡན་འདས་ལ
165b4 འདི་སྐད་ཅེས་གསོལ་ཏོ། །བཅོམ་ལྡན་འདས་ཁྱོད་ལ་ཐམས་ཅད་མཁྱེན་པའི་ཡེ་ཤེས་མངའ་ན། འདི་ཤིང་གང་གི་ཐལ་བ་འདི་ཤིང་གང་གི་ཐལ་བ་ལགས་ཞེས་ཐར་ཆགས་སུ་ཐལ་བའི་ཕུར་མ་ཐམས་ཅད་བསྟན་པ་ལས་བཅོམ
165b5 ལྡན་འདས་ཀྱིས་ཤིང་གང་གི་ཐལ་བ་ཡིན་པ་མ་ནོར་བར་འདི་ནི་ཙན་དན་གྱི་ཐལ་བའོ། །འདི་ནི་བླག་ཤའི་ཐལ་བའོ། །འདི་ནི་སེང་ལྡེང་གི་ཐལ་བའོ་ཞེས་ཐལ་བའི་ཕུར་མ་ཐམས་ཅད་མ་ནོར་བར་བཤད་པ་ལས། ལྷ་སྦྱིན་བཅོམ
165b6 ལྡན་འདས་ལ་རྣམ་པ་ཐམས་ཅད་མཁྱེན་པའི་ཡེ་ཤེས་མངའ་བར་ཡིད་ཆེས་པར་གྱུར་ཏེ། ཚེ་འཕོས་པ་ཅིར་འགྱུར་བ་གསུངས་པ་བདེན་པར་བསམས་ནས། བཅོམ་ལྡན་འདས་ལ་འདི་སྐད་ཅེས་བསྟོད་དོ། །བཅོམ་ལྡན་འདས
165b7 ནི་ཀུན་མཁྱེན་ལགས། །ཤིང་མང་ཐལ་བའི་བྱེ་བྲག་རྣམས། །མ་གཟིགས་མ་གསན་ངེས་པར་མཁྱེན། །ཚེ་འཕོས་ཅི་འགྱུར་གསུངས་པ་ངེས། །ཞེས་བསྟོད་ནས་སྤོབས་པ་མེད་པར་གྱུར་ཏོ། །དེའི་ཚེ་ཤཱཀྱ་མིང་ཆེན་དེ་ན་འདུག
165b8 པས་ཚེ་འཕོས་པ་ཅིར་འགྱུར་བཀའ་སྩལ་པ་ལ་ཡིད་མ་ཆེས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཚེ་འཕོས་པའི་སེམས་ཅན་རྣམས་ཅིར་འགྱུར་བ་གསུངས་པ་དེ་མངོན་སུམ་དུ་གཟིགས་སམ
iiif viewer powered by OpenSeadragon
