| e-texts navigator |
| Wylie |
164a1 བསྐལ་པ་མང་པོའི་བར་དུ་ཟད་པར་མི་འགྱུར་བར་ཟ་ཞིང་འཐུང་ངོ་ཞེས་འཇིག་རྟེན་པ་དག་མཆིས་ན་དེ་ལྟར་ལགས་སམ་ཞེས་གསུངས་པ་ནི་ཀྱེ་རྒྱལ་པོ་ཆེན་པོ་གླིང་བཞི་པ་ནས་སྟོང་གི་འཇིག་རྟེན་གྱི་ཁམས་དང་། སྟོང་གཉིས
164a2 པ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དང་། འཇིག་རྟེན་གྱི་ཁམས་མཐའ་ཡས་པ་དཔག་ཏུ་མེད་པ་བསམ་གྱིས་མི་ཁྱབ་པ་ཐམས་ཅད་ན་བཟའ་བ་དང་བཏུང་བ་ཉུང་ངུ་ཉུང་ངུས་དུས་ཐམས་ཅད་དང་། བསྐལ་པ
164a3 མང་པོར་ཟ་བའི་སེམས་ཅན་གཟིགས་སམ། གསན་ནམ། ཀྱེ་རྒྱལ་པོ་ཆེན་པོ་ཡིད་བཞིན་གྱི་ནོར་བུ་རིན་པོ་ཆེ་ལ་ཅི་བསམས་པའི་འདོད་པ་འབྱུང་བ་འཁོར་ལོས་སྒྱུར་བའི་རྒྱལ་པོ་ལ་ཡོད་པ་ཡང་སྔོན་བསྐལ་པ་མང་པོར་བསོད
164a4 ནམས་ཀྱི་ཚོགས་ཚད་མེད་པས་བསགས་པ་ལས་བྱུང་བ་ཡིན་ཏེ། གནམ་བབས་དང་། གློ་བུར་དུ་བྱུང་བ་ནི་མ་ཡིན་ན་བཟའ་བ་དང་བཏུང་བ་ཉུང་ངུ་དེ་བསྐལ་པ་མཐའི་བར་དུ་མི་ཟད་པ་དེ་རིགས་སམ། ཀྱེ་རྒྱལ་པོ་ཆེན་པོ་ཚེ་མ
164a5 འཕོས་པའི་ཕ་སྤད་དང་། སྤུན་གཅིག་ལ་གཅིག་འབྲེལ་པར་འཛིན་པ་ཕན་པར་འདོད་པ་རྣམས་ད་ལྟར་མ་ཤི་བ་ལུས་དང་ལྡན་པ་ཡང་གཅིག་ཡུལ་གཞན་དུ་སོང་ན་དེ་ལ་ཕ་མ་འམ། བུ་འམ། སྤུན་གང་ཡང་རུང་བས་ཟས་སྐོམ་མང
164a6 པོར་སྦྱིན་ནོ་གསོལ་ལོ་ཞེས་བསྔོས་པ་ཡང་ཡུལ་གཞན་དུ་སོང་བའི་རྨི་ལམ་དུ་ཡང་མི་འབྱུང་ན་དངོས་པོར་ཟ་ཞིང་འཐུང་བ་ལྟ་ག་ལ་ཡོད། ཚེ་འཕོས་ནས་ལུས་དང་བྲལ་བ་ལ་བསྔོས་ཞིང་གཏད་པ་ཟ་ཞིང་འཐུང་བ་ལྟ་ག་ལ་ཡོད།
164a7 ཀྱེ་རྒྱལ་པོ་ཆེན་པོ་ཚེ་འཕོས་ནས་སེམས་ལུས་དང་བྲལ་བ་དེས་བུ་དང་སྤུན་ལ་སོགས་པས་གཏད་པའི་ཟས་དང་། སྐོམ་དངོས་པོ་ཅན་འདི་དག་སེམས་དངོས་པོ་མེད་པ་གཟུགས་མེད་པས་ཇི་ལྟར་བདག་པོ་བྱེད་པར་འགྱུར། དེ་ཅིའི
164a8 ཕྱིར་ཞེ་ན། བཟའ་བ་དང་བཅའ་བ་ནི་ལུས་ཡོད་པའི་ཡན་ལག་གི་རྩོལ་བ་ལ་རག་ལུས་ན་སེམས་ལ་ལུས་ཀྱི་ཡན་ལག་དེའི་རྩོལ་བ་ཡོད་དམ། རྒྱལ་པོ་ཆེན་པོས་གསོལ་པ། བཅོམ་ལྡན་འདས་དེ་ལྟར་ལགས་ན་ཚེ་འཕོས་པ
iiif viewer powered by OpenSeadragon
