| e-texts navigator |
| Wylie |
163b1 བ་དང་། སྡུག་བསྔལ་གང་ཡང་རུང་བ་དག་རྨིས་ན་མི་དེས་རྨིས་པ་བཞིན་དུ་གང་རྨིས་པའི་ཕ་མ་འམ། སྤུན་ཟླ་འམ། བྲན་ཁོལ་ལམ་གཞན་སུ་ཡང་རུང་བ་རྨི་ལམ་ན་སྣང་བ་དེས་ཚོར་བ་ཡོད་ན་ནི་རྨིས་པ་དེ་བདེན་པ་ཡིན་ན་དེས་རྨིས
163b2 པའི་ཕ་མ་འམ། སྤུན་ཟླ་འམ། བྲན་ཁོལ་ལམ། གཞན་སུ་ཡང་རུང་བ་རྨི་ལམ་ན་སྣང་བ་དེ་བདེན་པར་ཇི་ལྟར་བཟུང་། ཀྱེ་རྒྱལ་པོ་ཆེན་པོ་ཚེ་མ་འཕོས་པ་ཡང་གཅིག་གིས་རྨིས་པ་གཅིག་གིས་མི་ཚོར་ན་ཚེ་འཕོས་པའི་རྨིས
163b3 པ་ཚེ་འཕོས་པ་དེ་ཡིན་པར་ག་ལ་འགྱུར་ཏེ་བག་ཆགས་རྟས་པ་ཡིན་ནོ། །ཀྱེ་རྒྱལ་པོ་ཆེན་པོ་བག་ཆགས་ལགས་པའི་དཔེ་ནི་གཞན་ཡང་མཆིས་ཏེ། མི་ཞིག་སྔོན་ཚེ་སྟོད་ལ་མཆིས་པའི་མཁར་དང་། ཁང་པ་དང་། གྲོང་གང
163b4 ཡིན་པ་ཞིག་བོར་ཏེ། ཡུལ་གཞན་ཞིག་ཏུ་ཚེ་སྨད་ལ་འདུག་པ་ན་སྔོན་གྱི་གྲོང་དེ་ཡང་ཞིག་སྟེ། སྔོན་མི་འདྲ་བ་ལས་མི་དེས་སྔོན་གྱི་ཁང་པའི་དབྱིབས་དང་རྒྱ་ཅི་འདྲ་བ་མ་ཞིག་པ། མ་འདྲམས་པ་རྨིས་ན་གྲོང་དང་ཁང་པ་དེ་ལ་སེམས
163b5 ཡོད་ན་ནི་ཁང་པ་དེའི་སེམས་སྣང་དུ་རུང་ན། ཁང་པ་དང་གྲོང་དེས་རྡོ་བེམས་པོ་ཡིན་ན་མི་དེས་རྨིས་པ་དེ་ཅིའི་ཕྱིར་བག་ཆགས་རྟས་པ་མ་ཡིན། དེ་བཞིན་དུ་ཚེ་འཕོས་པའི་དན་རྟགས་དང་བཅས་པ་ཡང་ཁང་པ་མ་ཞིག་པ་རྨིས
163b6 པ་དང་འདྲ་སྟེ། ཚེ་འཕོས་པའི་སེམས་ཀྱང་ལས་གར་འཐུན་པར་སྐྱེ་བ་བླངས་ཟིན་ན་དེ་སྣད་དུ་བཏུབ་བམ། ཀྱེ་རྒྱལ་པོ་ཆེན་པོ་དེའི་ཕྱིར་བག་ཆགས་མཐུ་རྟས་པའི་དབང་གིས་ཚེ་འཕོས་པའི་གཏན་ཚིགས་དང་། ཆ་ལུགས་མཐོང་བ
163b7 དང་རྨིས་པ་ཡིན་ནོ། །དེ་བཞིན་དུ་རལ་གྲི་ལ་སོགས་པའི་གོ་མཚོན་ཐོགས་པ་དང་། གོས་དང་རྒྱན་ལ་སོགས་པ་གྱོན་པ་དང་། རྟ་དང་གླང་པོ་ཆེ་ལ་སོགས་པ་ཞོན་པར་སྣང་བ་དང་རྨི་ལམ་དུ་འབྱུང་བ་ཡང་བག་ཆགས་སྣང་བ་ཡིན་ཏེ།
163b8 ཁང་པའི་དཔེ་བཞིན་དུ་རིག་པར་བྱའོ། །ཀྱེ་རྒྱལ་པོ་ཆེན་པོ་རྒྱལ་པོ་ཆེན་པོས་འདི་ནས་ཤི་འཕོས་པ་ལ་ཕ་མ་འམ། སྤུན་ནམ། བུ་ལ་སོགས་པ་ཉེ་རིས་རྣམས་ཀྱིས་བཟའ་བ་དང་། བཏུང་བ་ཉུང་ངུ་ཉུང་ངུར་གཏད་པ་དང་། བསྔོས་པ་ཡང
iiif viewer powered by OpenSeadragon
