| e-texts navigator |
| Wylie |
161b1 ནས་ཡང་སྐྱེ་བ་ཕྱི་མ་ལེན་ནོ། །ཀྱེ་རྒྱལ་པོ་ཆེན་པོ་ཚེ་འཕོས་ནས་ཕྱི་མར་སྐྱེ་བ་ཡེ་མ་མཆིས་ན་འགྲོ་བ་རྣམས་ཟད་པའི་རིགས་སོ། །ཀྱེ་རྒྱལ་པོ་ཆེན་པོ་ཕྱི་རོལ་གྱི་རྩཝ་དང་ཤིང་རྣམས་ཀྱང་དུས་ཀྱི་དབང་གིས་སྐམས་པ་དེ་ཡང་ཕྱིར
161b2 སྐྱེའོ། །དེ་བཞིན་དུ་སེམས་ཅན་རྣམས་ལས་དང་ཉོན་མོངས་པ་དུས་འགྱུར་བ་དང་འདྲ་བའི་དབང་གིས་སྐྱེ་བ་དང་འཆི་བར་འགྱུར་རོ། །དེའི་ཕྱིར་ན་རྒྱལ་པོ་ཆེན་པོ་ཚེ་ཕྱི་མ་ངེས་པར་ཡོད་པར་མཁྱེན་པར་མཛོད་ཅིག་།ཀྱེ་རྒྱལ་པོ
161b3 ཆེན་པོ་རྒྱལ་པོ་ཆེན་པོས་སེམས་ཅན་ཐམས་ཅད་འདི་ནས་ཚེ་འཕོས་ནས་ཕ་དང་། མེས་པོ་དང་། ཡང་མེས་ལ་སོགས་པ་ཐོག་མ་མེད་པ་ནས་བཟུང་བའི་བར་དུ་གཅིག་ནས་གཅིག་ཏུ་བརྒྱུད་པའི་རིས་འཐུན་པ་རྣམས་འཇིག་རྟེན་ཕ
161b4 རོལ་ན་སྐྱེ་བ་མི་ལེན་པར་འདི་ན་ཅི་སྤྱོད་པ་བཞིན་འགྲོགས་ཏེ་གནས་སོ་ཞེས་འཇིག་རྟེན་པ་དག་མཆི་ན། དེ་དེ་ལྟར་ལགས་སམ། ཞེས་གསུང་བ་ནི་ཀྱེ་རྒྱལ་པོ་ཆེན་པོ་འདི་ན་ཕ་དང་བུ་ལ་སོགས་པ་གཅིག་ལ་གཅིག་སྣང་བ་ནི་གཟུགས
161b5 དངོས་པོ་ཅན་གཅིག་ལ་གཅིག་སྣང་གི། སེམས་གཅིག་གིས་གཅིག་མཐོང་བ་ནི་མ་ཡིན་ཏེ། གཟུགས་ཀྱི་ཕུང་པོ་འདིར་ཞིག་སྟེ་མེད་ན། ཕ་རོལ་ན་སེམས་གཅིག་ལ་གཅིག་ཇི་ལྟར་སྣང་སྟེ་འགྲོགས། ཚེ་འཕོས་པའི་ཕ་དང་།
161b6 མེས་པོ་དང་། ཡང་མེས་ལ་སོགས་པ་ད་ལྟར་ཚེ་མ་འཕོས་པའི་བུ་ཚ་གཟུགས་ཡོད་པས་ཀྱང་མི་མཐོང་ན་ཕ་རོལ་དུ་ཚེ་འཕོས་པའི་ལུས་མེད་པས་ཕ་དང་། མེས་པོ་དང་། ཡང་མེས་ལ་སོགས་པ་གཟུགས་མེད་པ་ཇི་ལྟར་མཐོང
161b7 ནས་འགྲོགས། ཀྱེ་རྒྱལ་པོ་ཆེན་པོ་གཞན་ཡང་འདི་ན་ཕ་དང་། བུ་དང་། སྤུན་མང་པོ་འགྲོགས་པའི་དུས་ན་ཡང་གཟུགས་སོ་སོར་སྣང་བ་ལས་མ་གཏོགས་པ་རང་གི་སེམས་ཀྱང་རང་གིས་མི་མཐོང་ན་སྤད་དང་སྤུན་གྱི་སེམས
161b8 གཅིག་གིས་གཅིག་ལྟ་ག་ལ་མཐོང་ན། ཚེ་འཕོས་ནས་ཇི་ལྟར་མཐོང་སྟེ། ཕ་རོལ་ན་སྤད་དང་། སྤུན་དང་། མེས་པོ་དང་། ཡང་མེས་ལ་སོགས་པ་ཇི་ལྟར་སྣང་ནས་འགྲོགས། ཀྱེ་རྒྱལ་པོ་ཆེན་པོ་ཐོག་མ་མེད་པའི་དུས་ན་དེ་བས་སྔ་བ
iiif viewer powered by OpenSeadragon
