| e-texts navigator |
| Wylie |
135a1 དེ་ནས་ཉེ་བར་འཁོར་དེ་ཡིས། །བཅོམ་ལྡན་འདས་ལ་འདི་སྐད་གསོལ། །ཅི་དེ་བདེ་བར་གཤེགས་པ་ཡིས། །སྐད་བྱིངས་རྟོགས་པར་དཀའ་བ་གསུངས། །དེ་ཉིད་བདེ་བར་གཤེགས་པ་ཡིས། །ཚིག་གི་མུན་པ
135a2 ཚིག་གི་ནི། །མར་མེས་གསལ་བར་མཛད་དུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། །གསེར་ལས་སོགས་པ་འཇིག་རྟེན་རྒྱན། །རབ་ཏུ་སྤངས་པས་སྙིང་རྗེ་ཡི། །རྒྱན་གྱི་མཆོག་གིས་བརྒྱན་པར་བྱ། །འཇིག
135a3 རྟེན་མ་ཡིན་བསླབ་པ་ཡི། །གོས་གྱོན་གོས་མཆོག་བཟང་པོ་ཡིན། །ག་པུར་ལ་སོགས་མ་ཡིན་པའི། །ཚུལ་ཁྲིམས་བྱུག་པ་མཆོག་གིས་བྱུག་།དཀར་དམར་ལ་སོགས་མ་ཡིན་པའི། །དད་པའི་ཁ་དོག་རྣམ་པར་མཛེས། །
135a4 འཇིག་རྟེན་མ་ཡིན་བརྩོན་འགྲུས་ཀྱི། །བཞོན་པ་བླ་མེད་མགྱོགས་པའི་མཆོག་།བསམ་གཏན་ཆོས་སྤྱོད་ཟས་མཆོག་ནི། །འབྲས་ཆན་པས་ནི་རོ་མཆོག་ལྡན། །དགེ་འདུན་ཚོགས་ཀྱི་གཞལ་ཡས་ཁང་། །ཞི་གནས་སྟན་ལ་རབ
135a5 ཏུ་སྤྱད། །དེ་དག་ལྡན་ཞིང་ཕྱིར་མི་ལྡོག་།དེ་ནི་ཡང་དག་དགེ་སློང་ཡིན། །གཙོ་བོ་གསུམ་དང་འཁོར་ལྔར་ལྡན། །དྲང་སྲོང་སྣོད་བཅས་མཁར་བསིལ་ལྡན། །ལུས་ངག་ཡིད་གསུམ་རྣམ་པར་བསྡམས། །རང་གི་སྤྱོད་པ་བརྟུལ་ཞུགས
135a6 བསྟན། །དེ་ཡང་ཡང་དག་དགེ་སློང་ཡིན། །དེ་གཉིས་ཐར་པའི་གྲོང་ཁྱེར་ལ། །བསྙེན་པས་ཐར་པའི་བདེ་བའི་མཆོག་།ཡང་དག་མ་ཡིན་གཉིས་ཤོས་ནི། །ལྷུང་གཟེད་ལ་སོགས་རབ་འབར་བས། །དམྱལ་བར་ཁྲོ་ཆུ་ལྟ་བུར་ནི། །
135a7 བསྐལ་པ་སྟོང་ཕྲག་བཞི་རུ་འཚེད། །ལ་ལའི་ཚུལ་ཁྲིམས་བདེ་བ་སྟེ། །ལ་ལའི་ཚུལ་ཁྲིམས་སྡུག་བསྔལ་རྒྱུ། །ཚུལ་ཁྲིམས་ལྡན་པ་བདེ་བའི་མཆོག་།ཚུལ་ཁྲིམས་འཆལ་བ་སྡུག་བསྔལ་ཡིན། །ཤིན་དུ་ལེགས་པར་ཚུལ
135a8 ཁྲིམས་གང་། །བསྡམས་པས་མི་དེ་མཛེས་པའི་གཟུགས། །འདུལ་བ་ལ་ནི་ཉེ་བར་གནས། །ཚུལ་ཁྲིམས་བསླབ་པ་རང་ཡིད་ཆེས། །མི་དེ་ཉི་མ་གཅིག་ལ་ཡང་། །བསོད་ནམས་ཕུང་པོ་དཔག་མེད་པ། །སོག་ཅིང་སངས་རྒྱས
iiif viewer powered by OpenSeadragon
