| e-texts navigator |
| Wylie |
134b1 གི་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟེར་ཏེ། པུས་མོ་གཡས་པའི་ལྷ་ང་ས་ལ་གཙུགས་ནས་ལག་པ་གཉིས་ཀྱི་ཐལ་མོ་སྙིང་ཀར་སྦྱར་བ་བྱས་ཏེ། འཛུམ་དམུལ་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །
134b2 འཁོར་བའི་འདམ་ནས་པད་མ་ལྟར་བྱུང་བའི། །སྐྱོབ་མཛད་རི་བོ་ལྟ་བུར་མི་བསྐྱོད་ཐུབ་པའི་སྐུ། །དཔེ་བྱད་རྒྱན་གྱིས་བརྒྱན་ཅིང་མཚན་གྱི་མེ་ཏོག་མཛེས། །བལྟ་བས་མི་ངོམས་རབ་མཆོག་ཁྱོད་ལ་ཕྱག་འཚལ་ལོ། །ཁྱོད་ཀྱིས་བདག
134b3 ཅག་འདིར་འདུས་འདི་དག་ལ། །དགེ་སློང་འབའ་ཤིག་གནས་པས་དགེ་སློང་གི། ངོ་བོ་དབྱེ་དང་སྒྲ་འཇུག་ཆེད་བྱ་བ། །བཞི་པོ་འདི་དག་ཐུབ་པས་གསུང་དུ་གསོལ། །དེ་ནས་བཅོམ་ལྡན་བདེ་གཤེགས་རབ་དགྱེས་ཏེ། །ཉེ་བར་འཁོར་ལ
134b4 སྤྱན་གཟིགས་འདི་སྐད་གསུངས། །ལེགས་པར་ཉོན་ཅིག་བུ་ཁྱོད་ཉེ་བར་འཁོར། །ངས་ནི་ཁྱོད་ཀྱི་སེམས་རངས་བྱ་ཕྱིར་དང་། །དགེ་སློང་རྣམས་ལ་ཕན་ཕྱིར་དེ་བཤད་དོ། །དགེ་སློང་ཞེས་བྱ་ཆོས་ཀྱི་རྒྱལ་མཚན་ཏེ། །དགེ་སློང་ཞེས་བྱ
134b5 རྡོ་རྗེ་སྲོག་ཤིང་ཡིན། །དགེ་སློང་ཞེས་བྱ་སྡུག་བསྔལ་སྤངས་པ་སྟེ། །དགེ་སློང་ཞེས་བྱ་རྒྱལ་བའི་སྲས་པོ་ཡིན། །དགེ་སློང་ཞེས་བྱ་ཉོན་མོངས་སྲོག་བཅད་དེ། །དགེ་སློང་ཞེས་བྱ་ཐར་པའི་ཚལ་འགྲོའོ། །དགེ་སློང་རང་གི་ངོ་བོ་བསྡམས
134b6 པ་སྟེ། །རྩ་བ་བཞི་སོགས་ཉིས་བརྒྱ་ལྔ་བཅུ་པ། །ཆེད་དུ་བྱ་བ་རྣམ་དག་ཚུལ་ཁྲིམས་ཡིན། །དབྱེ་བ་མིང་གི་དགེ་སློང་གང་ཡིན་དང་། །རྟགས་ཙམ་འཛིན་དང་ཡང་དག་དགེ་སློང་སྟེ། །སྒྲ་འཇུག་རྣམ་པར་ཟད་ཕྱིར་དང་། །དགེ་བ་སློང
134b7 དང་ཟས་སློང་དང་། །ཞི་བར་གནས་དང་ལམ་ཞུགས་དང་། །ལེགས་པར་འཚོ་དང་ཆགས་སྤངས་དང་། །ཡིད་འོང་ཕྱིར་ན་དགེ་སློང་ངོ་། །དགེ་སློང་ཞེས་བྱ་བརྒྱན་པ་སྟེ། །རྒྱན་སྤངས་རྒྱན་གྱིས་ལེགས་པར་བརྒྱན། །ཆགས་སྤངས
134b8 ཆགས་པ་ཆེན་པོས་སྤྱད། །བྱུག་པ་ཁྲུས་དང་བཟའ་བ་དང་། །རྒྱན་དང་གོས་དང་ཁ་དོག་དང་། །རྟ་དང་གླང་པོ་ཁྱོགས་སོགས་ཀྱི། །བཞོན་པ་བླ་མེད་དེ་ཡང་བཞོན། །དེ་དག་འབྱོར་པ་དགེ་སློང་སྟེ། །དེ་དག་མི་འབྱོར་དགེ་སློང་མིན། །
iiif viewer powered by OpenSeadragon
