| e-texts navigator |
| Wylie |
336a1 པ་གསུམ་གཎ་ཌཱིའི་དུས་ཡིན་ལ། སོར་གྱིས་དམན་པའི་རྐང་པ་གཉིས་ནི་དུས་མ་ཡིན་ནོ། །སྟོན་ཟླ་ར་བའི་ཟླ་བ་ཕྱེད་དང་པོ་ལ་ནི་རྐང་པ་གསུམ་གཎ་ཌཱིའི་དུས་ཡིན་ལ། སོར་གྱིས་དམན་པའི་རྐང་པ
336a2 ཕྱེད་དང་གསུམ་ནི་དུས་མ་ཡིན་ནོ། །ཟླ་བ་ཕྱེད་གཉིས་པ་ལ་ནི་རྐང་པ་གཉིས་གཎ་ཌཱའི་དུས་ཡིན་ལ། སོར་གྱིས་དམན་པའི་རྐང་པ་ཕྱེད་ནི་དུས་མ་ཡིན་ནོ། །སྟོན་ཟླ་འབྲིང་པོའི་ཟླ་བ་ཕྱེད་དང་པོ་ལ་ནི་རྐང་པ་བཞི་གཎ
336a3 ཌཱིའི་དུས་ཡིན་ལ། སོར་གྱིས་དམན་པའི་རྐང་པ་གཉིས་ནི་དུས་མ་ཡིན་ནོ། །ཟླ་བ་ཕྱེད་གཉིས་པ་ལ་ནི་རྐང་པ་བཞི་གཎ་ཌཱིའི་དུས་ཡིན་ལ། སོར་གྱིས་དམན་པའི་རྐང་པ་གཉིས་ནི་དུས་མ་ཡིན་ནོ། །སྟོན་ཟླ་ཐ
336a4 ཆུངས་ཀྱི་ཟླ་བ་ཕྱེད་དང་པོ་ལ་ནི་རྐང་པ་ལྔ་གཎ་ཌཱིའི་དུས་ཡིན་ལ། སོར་གྱིས་དམན་པའི་རྐང་པ་གསུམ་ནི་དུས་མ་ཡིན་ནོ། །ཟླ་བ་ཕྱེད་གཉིས་པ་ལ་ནི་རྐང་པ་དྲུག་གཎ་ཌཱིའི་དུས་ཡིན་ལ། སོར་གྱིས་དམན
336a5 པའི་རྐང་པ་བཞི་ནི་དུས་མ་ཡིན་ནོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ
336a6 གཎ་ཌཱིའི་དུས་ཀྱི་མདོ་རྫོགས་སོ། ། །། རྒྱ་གར་གྱི་མཁན་པོ་དཱི་པང་ཀ་ར་ཤྲཱི་ཛྙཱ་ན་དང་། ལོ་ཙྪ་བ་དགེ་སློང་དགེ་བའི་བློ་གྲོས་གྱིས་བསྒྱུར་བ། །
336a7 @#། །རྒྱ་གར་སྐད་དུ། ཨཱརྱ་ཀ་ལྱ་ཎ་མི་ཏྲ་སེ་བ་ནི་སཱུ་ཏྲ། བོད་སྐད་དུ། འཕགས་པ་དགེ་བའི་བཤེས་གཉེན་བསྟེན་པའི་མདོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད
336a8 བདག་གིས་ཐོས་པ་དུས་གཅིག་ན། བཅོམ་ལྡན་འདས་གྲོང་ཁྱེར་ཀུ་ཤ་ན་གྱད་ཀྱི་ཉེ་འཁོར་ཤིང་ས་ལ་ཟུང་གི་ཚལ་ན། ཉན་ཐོས་ཀྱི་དགེ་འདུན་དང་བཅས་པར་བཞུགས་ཏེ། དེ་ནས་བཅོམ་ལྡན་འདས་ཡོངས་སུ་མྱ་ངན
iiif viewer powered by OpenSeadragon
