| e-texts navigator |
| Wylie |
327a1 སྩལ་ནས་ནི་བདེ་གཤེགས་ཀྱིས། །དེ་སྐད་ཅེས་ནི་བཀའ་སྩལ་ནས། །སྟོན་པས་གཞན་ཡང་འདི་སྐད་གསུངས། །རྒྱལ་རིགས་དཔེ་མེད་ལྡན་པ་དང་། །རིགས་བཙུན་གྲགས་པར་ལྡན་པ་ལ། །བློ་དང་ལྡན་པས་དེ་གཞོན་ཞེས།
327a2 ཁྱད་དུ་མི་གསད་ཟིལ་མི་མནན། །རྒྱལ་པོ་རྒྱལ་རིགས་མཁས་པ་ཡིས། །རྒྱལ་སྲིད་དག་ནི་ཐོབ་གྱུར་ནས། །ཆད་པས་གསོད་པའི་གནས་དེ་ཡོད། །དེ་བས་དེ་ལ་ཤིན་དུ་གདུང་། །དེ་ལྟར་རང་གི་སྲོག་བསྲུང་ཞིང་། །རང་གི་དོན
327a3 ལ་ལྟ་བས་ནི། །དེ་ནི་ཁྱད་དུ་མི་གསད་ཅིང་། །དེ་ལ་ལེགས་པར་བག་ཀྱང་བྱ། །གལ་ཏེ་གྲོང་ངམ་དགོན་པའང་རུང་། །གང་དུ་སྦྲུལ་ནི་མཐོང་གྱུར་ན། །བློ་དང་ལྡན་པས་དེ་གཞོན་ཞེས། །ཁྱད་དུ་མི་གསད་ཟིལ་མི་མནན། །འདི་ལྟར
327a4 སྦྲུལ་ནི་རྒྱུ་བ་ན། །རིགས་ནི་རྣམ་པ་སྣ་ཚོགས་ལ། །གླགས་རྙེད་ནས་ནི་གཞོན་ནུས་ཀྱང་། །སྐྱེས་པ་བུད་མེད་དུ་མ་ཟིན། །དེ་ལྟས་རང་གི་སྲོག་སྲུང་ཞིང་། །རང་གི་དོན་ལ་ལྟ་བས་ནི། །དེ་ནི་ཁྱད་དུ་མི་གསད་ཅིང་། །དེ་ལ་ལེགས
327a5 པར་བག་ཀྱང་བྱ། །འབར་བ་མང་བ་ཟ་བྱེད་པ། །བྱིན་ཟ་ལམ་སྔོན་ལྡན་པ་དེ། །ཆུང་ཡང་ཁྱད་དུ་མི་གསད་ཅིང་། །མཁས་པས་ཟིལ་གྱིས་མནན་མི་བྱ། །ཉེ་བར་ལེན་པས་བྱིན་ཟ་ནི། །ཆུང་ངུར་གྱུར་ལས་ཆེན་པོར་འགྱུར། །
327a6 མེ་ལྕེ་འབར་བས་མྱུར་བར་ནི། །གྲོང་དང་གྲོང་ཁྱེར་སྲེག་པར་བྱེད། །དེ་ཕྱིར་བདག་སྲོག་སྲུང་བྱེད་པས། །དེ་ནི་ཁྱད་དུ་མི་གསད་ཅིང་། །བདག་ཉིད་དོན་ལ་ལེགས་ལྟ་བས། །དེ་ལ་ལེགས་པར་བག་ཀྱང་བྱ། །བྱིན་ཟ་ལམ་སྔོན
327a7 ལྡན་གྱུར་པའི། །མེ་ཡིས་ཚང་ཚིང་གང་བསྲེགས་པ། །དེ་ལ་ཉིན་མཚན་འདས་གྱུར་པས། །ལ་ལར་ལོ་མ་སྐྱེ་བར་འགྱུར། །གང་གིས་ཚུལ་ཁྲིམས་ལྡན་པ་ཡི། །དགེ་སློང་རྙེད་ནས་སྲེག་བྱེད་པ། །དེ་ལ་བུ་དང་ཚ་བོ་དང་། །བགོ
327a8 སྐལ་ཡོད་པར་མི་འགྱུར་ཏེ། །ཏ་ལའི་མགོ་བཞིན་མི་རིང་བར། །རིགས་རྒྱུད་དང་ཡང་བྲལ་བར་འགྱུར། །དེ་ཕྱིར་བདག་སྲོག་སྲུང་བྱེད་པས། །དེ་ནི་ཁྱད་དུ་གསད་མི་བྱ། །བདག་ཉིད་དོན་ལ་ལེགས་ལྟ་བས། །དེ་ལ་ལེགས
iiif viewer powered by OpenSeadragon
