| e-texts navigator |
| Wylie |
325a1 འདུན་པར་མཛད་ནས་རིང་པོ་མི་ཐོགས་པར་ད་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་གྱིས། གང་འོ་ན་བདག་ཅག་དོང་ནས། བཅོམ་ལྡན
325a2 འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཐ་མར་བལྟ་བའི་ཕྱིར་འདོང་ངོ་སྙམ་མོ། །དེ་ནས་འཁོར་གྱི་བདག་པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ་བྱིན་རང་གི
325a3 རིས་ནས་མི་སྣང་བར་གྱུར་ཏེ། འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷ་རྣམས་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་འཁོད་དོ། །འཁོར་གྱི་བདག་པོ་ཚངས་པ་ཕྱོགས་གཅིག་ཏུ་འདུག་པས་དེའི་ཚེ་ཚིགས
325a4 སུ་བཅད་པ་དག་གསོལ་པ། རྫོགས་པའི་སངས་རྒྱས་གྲགས་ལྡན་པ། །དེ་དག་མཐོང་བ་རྙེད་པར་དཀའ། །ུ་དུམ་བ་རའི་མེ་ཏོག་བཞིན། །བསྐལ་པ་བྱེ་བར་རྙེད་པར་དཀའ། །ཤཱཀྱ་སེང་གེ་མི་ཡི་མཆོག་།སྟོན་ཁྱོད་དེ
325a5 བཞིན་རྙེད་པར་དཀའ། །གཟུགས་ན་སྤྱོད་པའི་ལྷར་བཅས་ཏེ། །ཐལ་མོ་རབ་སྦྱར་ཁྱོད་ལ་འདུད། །ལྷ་རྣམས་ཀྱི་དབང་པོ་བརྒྱ་བྱིན་ཕྱོགས་གཅིག་ཏུ་འདུག་པས་དེའི་ཚེ་ཚིགས་སུ་བཅད་པ་དག་གསོལ་པ། བདག་གི
325a6 ཆོས་མིག་རྣམ་པར་དག་། སྙིང་ལ་ཆོས་ཀྱི་སྒྲོན་མ་འབར། །ངན་སོང་སྒོ་རྣམས་བཅད་ལགས་ཏེ། །བདག་ལ་ངན་འགྲོའི་འཇིགས་མ་མཆིས། །ེ་མའོ་སྟོན་པ་ཐུགས་རྗེ་ཅན། །ཕན་པར་བཞེད་དང་ཐུགས
325a7 བརྩེ་བ། །འདོད་པར་སྤྱོད་པའི་ལྷར་བཅས་ཏེ། །ཐལ་མོ་རབ་སྦྱར་ཁྱེད་ལ་འདུད། །མི་ཐོགས་ཡོངས་སུ་མྱ་ངན་འདའ། །ཁྱོད་ལ་ཐ་མར་ལྟ་བ་ལགས། །འཁོར་གྱི་བདག་པོ་ཚངས་པ་དང་། ལྷ་རྣམས་ཀྱི་དབང་པོ་བརྒྱ
325a8 བྱིན་གྱིས་དེ་སྐད་ཅེས་གསོལ་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་ཐད་ནས་ཞལ་དུ་ཕྱོགས་ཤིང་ལྟ་བས
iiif viewer powered by OpenSeadragon
