| e-texts navigator |
| Wylie |
321a1 འདི་ལས་སྲིད་པ་གཞན་རབ་ཏུ་མི་མཁྱེན་ཏེ། གནས་འཇོག་གི་རྒྱུད་དག་འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ཟག་པ་དག་ཟད་ནས་ཟག་པ
321a2 མེད་པའི་སེམས་རྣམ་པར་གྲོལ་བ། ཤེས་རབ་རྣམ་པར་གྲོལ་བ། མཐོང་བའི་ཆོས་ཉིད་ལ་བདག་ཉིད་ཀྱིས་མངོན་པར་མཁྱེན་པས་མངོན་དུ་མཛད་དེ། རྫོགས་པར་མཛད་ནས་རབ་ཏུ་མཁྱེན་ཅིང་ངེད་ཀྱི་སྐྱེ་བ
321a3 ནི་ཟད་དོ། །ཚངས་པར་སྤྱོད་པ་ནི་བསྙེན་ཏོ། །མཛད་པ་མཛད་དོ། །འདི་ལས་སྲིད་པ་གཞན་རབ་ཏུ་མི་མཁྱེན་ཏོ། །གནས་འཇོག་གི་རྒྱུད་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
321a4 སངས་རྒྱས་དག་ནི་སྟོབས་བཅུ་པོ་དེ་དང་ལྡན་པ་དག་ཡིན་ཞིང་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་སྟེ། ཚངས་པའི་འཁོར་ལོ་རབ་ཏུ་སྐོར་ཞིང་འཁོར་གྱི་ནང་དུ་ཡང་དག་པའི་སེང་གེའི་སྒྲ་སྒྲོགས་པར
321a5 མཛད་དོ། །གང་དག་འདས་པ་དག་དང་། གང་དག་མ་བྱོན་པ་དག་དང་། གང་ཡང་ང་ད་ལྟར་བྱུང་བའི་དུས་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པར་སངས་རྒྱས་པའི་སངས་རྒྱས་ཐམས་ཅད
321a6 མཉམ་པ་དང་མཉམ་སྟེ། མཚན་མཉམ་པ། ཡོན་ཏན་མཚུངས་པ་མཉམ་པ། བསོད་ནམས་ཀྱི་འབྲས་བུ་རྣམ་པར་སྨིན་པ་མཉམ་པ་དག་ཡིན་གྱི། རྒྱུ་གསུམ་པོ་རིགས་དང་། སྐུ་ཚེ་དང་། སྐུ་ལུས་གྱིས་མཉམ
321a7 པ་དག་མ་ཡིན་ནོ། །དེ་ནས་བཅོམ་ལྡན་འདས་ལ་ཀུ་ཤའི་གྲོང་ཁྱེར་ནས་སྐྱེས་པ་གྱད་རྣམས་ཀྱིས་འདི་སྐད་ཅེས་གསོལ་ཏོ། །བཙུན་པ་འོ་ན་ཅི་གང་སྟོབས་དེ་དག་ལས་ཆེས་སྟོབས་དང་ལྡན་ཞིང་། གང་སྟོབས་དེ
321a8 དག་ཟིལ་གྱིས་གནོན་པར་བགྱིད་པའི་སྟོབས་གཞིན་མཆིས་ལགས་སམ། གནས་འཇོག་གི་རྒྱུད་དག་གང་སྟོབས་དེ་དག་ལས་ཆེས་སྟོབས་དང་ལྡན་ཞིང་། གང་སྟོབས་དེ་དག་ཟིལ་གྱིས་གནོན་པར་བྱེད་པའི་སྟོབས་གཞན
iiif viewer powered by OpenSeadragon
