| e-texts navigator |
| Wylie |
313a1 དེ་ལ་གསེར་གྱི་ངོས་སུ་ནི་བྱང་གི་སྒྲ་མི་སྙན་གྱི་གླིང་སྣང་ངོ་། །དངུལ་ལས་བྱས་པའི་ངོས་སུ་ནི་ཤར་གྱི་ལུས་འཕགས་ཀྱི་གླིང་སྣང་ངོ་། །བཻ་དཱུརྱ་ལས་བྱས་པའི་ངོས་ན་ནི་འཛམ་བུའི་གླིང་སྣང་ངོ་། །ཤེལ
313a2 ལས་བྱས་པའི་ངོས་ན་ནི་བ་ལང་སྤྱོད་ཀྱི་གླིང་སྣང་ངོ་། །རིའི་རྒྱལ་པོ་རི་རབ་དཔག་ཚད་བརྒྱད་ཁྲི་འོག་ཏུ་ཆུའི་ནང་དུ་ནུབ་སྟེ། གསེར་ལས་བྱས་པའི་ས་སྟེང་གི་བར་ན་གནས་པ་དེ་གྲོ་གའི་ཤོག་ཤོག་ཙམ་དུ་གྱུར་ལ།
313a3 གླིང་བཞི་ན་སེམས་ཅན་གྱི་ཁམས་གང་སུ་དག་ཡོད་པ་ཡི་གེ་པ་རྣམས་ནི་དེ་ཙམ་དུ་གྱུར་ཏེ། ས་ཆེན་པོའི་སྟེང་ན་རྩཝ་དང་། ཤིང་དང་། ཤིང་གི་ཡལ་ག་དང་། ཤིང་གི་དུམ་བུ་གང་ཅི་ཡང་རུང་སྨྱུག་གུ་དག་ནི་དེ་ཙམ་དུ
313a4 གྱུར་ནས། གནས་འཇོག་གི་རྒྱུད་དག་སྣག་ཚའི་སྙིང་ཁུ་རྒྱ་མཚོ་ཆེན་པོ་ཙམ་དང་། གྲོ་གའི་ཤོག་ཤོག་རི་རབ་ཙམ་དང་། ཡི་གེ་པ་དག་གླིང་བཞི་པའི་སེམས་ཅན་གྱི་ཁམས་ཙམ་དང་། སྨྱུག་གུ་དག་ས་ཆེན
313a5 པོའི་སྟེང་ན་རྩཝ་དང་། ཤིང་དང་། ཡལ་ག་དང་། ཤིང་གི་དུམ་བུ་ཙམ་ནི་ཆེས་མྱུར་དུ་ཡོངས་སུ་ཟད་པ་དང་། ཡོངས་སུ་གཏུགས་པར་འགྱུར་གྱི། དགེ་སློང་ཤཱ་རིའི་བུའི་ཤེས་རབ་ཟད་པར་འགྱུར་བར་ནི་ང
313a6 མི་སྨྲའོ། །གནས་འཇོག་གི་རྒྱུད་དག་དགེ་སློང་ཤཱ་རིའི་བུ་ནི་ཤེས་རབ་ཀྱི་སྟོབས་དེ་ལྟ་བུ་དང་ལྡན་ནོ། །གནས་འཇོག་གི་རྒྱུད་དག་འདི་ལྟ་སྟེ། རྣམ་པར་སྣང་བྱེད་ཀྱི་ཉི་མ་དག་ནི་ཀུན་དུ་འགྲོ་བ་དང་། ཕྱོགས
313a7 སྣང་བར་བྱེད་དོ། །དེ་སྲིད་དུ་སྟོང་གི་འཇིག་རྟེན་ན་ཟླ་བ་སྟོང་དང་ཉི་མ་སྟོང་དང་། རིའི་རྒྱལ་པོ་རི་རབ་སྟོང་དང་། ཤར་གྱི་ལུས་འཕགས་སྟོང་དང་། བ་ལང་སྤྱོད་སྟོང་དང་། བྱང་གི་སྒྲ་མི་སྙན་སྟོང་དང་།
313a8 འཛམ་བུ་གླིང་སྟོང་དང་། རྒྱལ་ཆེན་བཞིའི་རིས་ཀྱི་ལྷ་སྟོང་དང་། སུམ་བཅུ་རྩ་གསུམ་པ་དག་དང་། འཐབ་བྲལ་དག་དང་། དགའ་ལྡན་དག་དང་། འཕྲུལ་དགའ་དག་དང་། གཞན་འཕྲུལ་དབང་བྱེད་ཀྱི་ལྷ་སྟོང
iiif viewer powered by OpenSeadragon
