| e-texts navigator |
| Wylie |
310b1 འཁོར་ལོས་སྒྱུར་བའི་འཁོར་ལོ་ནི་ལྕགས་ལས་བྱས་པ་ཁོར་ཡུག་དུ་རྒྱང་གྲགས་གཅིག་ཡོད་པ་འབྱུང་ངོ་། །གླིང་གཉིས་པའི་འཁོར་ལོས་སྒྱུར་བའི་འཁོར་ལོ་ནི་ཟངས་ལས་བྱས་པ་ཁོར་ཡུག་ཏུ་རྒྱང་གྲགས་གཉིས
310b2 ཡོད་པ་འབྱུང་ངོ་། །གླིང་གསུམ་པའི་འཁོར་ལོས་སྒྱུར་བའི་འཁོར་ལོ་ནི་དངུལ་ལས་བྱས་པ་ཁོར་ཡུག་དུ་རྒྱང་གྲགས་གསུམ་ཡོད་པ་འབྱུང་ངོ་། །གླིང་བཞི་པའི་འཁོར་ལོས་སྒྱུར་བའི་འཁོར་ལོ་ནི་གསེར་ལས་བྱས་པ
310b3 རྩིབས་སྟོང་པ་ལྟེ་བ་དང་བཅས་པ། མུ་ཁྱུད་དང་བཅས་པ་ཐམས་ཅད་གསེར་ལས་བྱས་པ། ལྷ་རྫས་ཀྱི་འོད་འཕྲོ་བ། འོད་རབ་ཏུ་གསལ་བ། ཁོར་ཡུག་དུ་རྒྱང་གྲགས་བཞི་ཡོད་པ་འབྱུང་ངོ་། །གནས་འཇོག་གི་རྒྱུད
310b4 དག་གླིང་བཞི་པའི་འཁོར་ལོས་སྒྱུར་བ་དག་། བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི
310b5 འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །རྒྱལ་ཆེན་བཞིའི་རིས་ཀྱི་ལྷ་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་རྒྱལ་པོ་ཆེན་པོ
310b6 བཞིའི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་ཆ་དང་བགྲང་བ་དང་དཔེ་དང་རྒྱུར་ཡང་ཉེ་བར་མི་འགྲོའོ། །རྒྱལ་པོ་ཆེན
310b7 པོ་བཞི་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་སུམ་བཅུ་རྩ་གསུམ་པའི་ལྷ་རྣམས་ཀྱི་བསོད་ནམས་དག་ཏུ་ངེས་པར་བརྟག་པར་བྱས་ཀྱང་བརྒྱའི་ཆར་ཡང་ཉེ་བར་མི་འགྲོའོ། །སྟོང་གི་ཆ་དང་། བརྒྱ
310b8 སྟོང་གི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ། །སུམ་བཅུ་རྩ་གསུམ་པའི་ལྷ་དག་བྱེ་བ་ཕྲག་འབུམ་གྱི་བསོད་ནམས་གང་ཡིན་པ་དེ་ལྷའི་དབང་པོ་བརྒྱ་བྱིན་གྱི་བསོད་ནམས་དག་ཏུ
iiif viewer powered by OpenSeadragon
