| e-texts navigator |
| Wylie |
307a1 ཤེས་ལྡན་དག་དེའི་ཕྱིར་རྡོ་ཆེན་པོ་ཡངས་པ་འདི་ག་ལ་བར་ཀུན་ཀྱང་ཕྱིར་བྱུང་སྟེ་དེང་ཤིག་།དེ་བཞིན་ནོ་ཞེས་སྨྲས་ནས་དེ་དག་དང་དེ་ཉིད་གཅིག་ལ་གཅིག་གི་ལྟར་ཉན་ཏེ། སོ་སོ་ནས་བཞོན་པ་བཟང་པོ
307a2 དག་ལ་ཞོན་ཏེ། བདག་ཅག་ནི་ས་སྟེང་འདི་ན་ཆེས་སྟོབས་དང་ལྡན་པའོ་སྙམ་དུ་རློམ་སེམས་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱད་དང་། དབང་ཕྱུག་གི་རྒྱགས་པས་དྲེགས་ཏེ། སྐད་མཐོང
307a3 པོ་དང་། སྐད་ཆེན་པོས་ག་ཞ་བྱེད་ཅིང་ཅ་ཅོ་བྱེད་ལ་དགའ་མགུ་རངས་ཤིང་དགའ་བ་དང་། བདེ་བ་དང་། ཡིད་བདེ་བ་སྐྱེས་ཏེ། འབྱོར་པ་ཆེན་པོ་མཆོག་གིས་ཀུ་ཤའི་གྲོང་ཁྱེར་ནས་ཕྱིར་བྱུང་སྟེ། རྟ་དང་། རྔ་མོ་དང་།
307a4 བ་ལང་སྔོན་པོའི་མཆོག་ཏུ་བྱིན་པ་དང་། ཁྱུ་མཆོག་དང་། གླང་པོ་ཆེ་དང་། སྤོས་ཀྱི་གླང་པོ་ཆེ་བརྒྱ་ཕྲག་དུ་མ་དེད་ནས་རྡོ་ཆེན་པོ་ཡངས་པ་དེ་ག་ལ་བ་དེར་དོང་སྟེ་ཕྱིན་ནས། རྡོ་ཆེན་པོ་ཡངས་པ་དེ་རྩིད་པའི་ཐག་པ་སྲ
307a5 བས་རྣམ་པ་ཐམས་ཅད་དུ་དཀྲིས་ནས་དེ་དག་དང་དེ་ཉིད་ཁ་ཅིག་གིས་ནི་སྐས་བཙུགས་ཏེ། རྩཝ་མུན་ཛ་དང་། བལ་བ་ཛའི་ཐག་པ་དང་། རྟས་འདྲེན་པའི་ཐག་པ་དག་གིས་ཚུར་དྲང་བར་བྱ་ཕར་དྲང་བར་བྱའོ། །ཁ་ཅིག
307a6 ནི་རྨོ་ལྕགས་བརྒྱས་རྩ་ནས་འབྱིན་པར་འདོད་དོ། །ཁ་ཅིག་ནི་དགྲ་སྟ་དག་གིས་གཅོད་པར་འདོད། ཁ་ཅིག་ནི་རྡོ་རྗེས་གདབ་པ་དག་གིས་ཕྱེ་མར་བྱ་བར་འདོད། ཁ་ཅིག་ནི་ལུས་ཀྱི་སྟོབས་ཀྱིས་མཆུ་དག་བསྡམས་ཏེ
307a7 ཡོངས་སུ་བསྒུལ་བར་འདོད། ཁ་ཅིག་ནི་ཁྱུ་མཆོག་དག་དང་། བ་ལང་མཆོག་ཏུ་ཕྱིན་པ་དག་གིས་བསྒྱེལ་བར་འདོད། ཁ་ཅིག་ནི་གླང་པོ་ཆེའི་ཚོགས་ཀྱིས་རབ་ཏུ་འཇོམས་པར་འདོད། ཁ་ཅིག་ནི་སྨན་གྱི་སྟོབས
307a8 ཀྱིས་གཞིག་པར་འདོད། ཁ་ཅིག་ནི་གསང་སྔགས་ཀྱི་སྟོབས་ཀྱིས་མི་སྣང་བར་བྱེད་པར་འདོད་པར་བྱའོ། །དེའི་ཕྱིར་བདག་ཅག་གིས་བརྩོན་པ་དང་། དྲང་བ་དང་། འབད་པ་དེ་ལྟ་བུ་དག་གིས་ཅི་ཕྱོགས་འདི་ནས་བཏེག་སྟེ།
iiif viewer powered by OpenSeadragon
