| e-texts navigator |
| Wylie |
305a1 ཀྱང་དེང་ཤིག་དེ་བཞིན་ནོ་ཞེས་སྨྲས་ནས་ཀུ་ཤའི་གྲོང་ཁྱེར་གྱི་གྱད་དག་ཕན་ཚུན་གྱི་ལྟར་ཉན་ཏེ། དེ་དག་སོ་སོ་ནས་བཞོན་པ་བཟང་པོ་དག་ལ་ཞོན་ནས་བདག་ཅག་ནི་ས་སྟེང་འདི་ན། ཆེས་སྟོབས་དང་ལྡན
305a2 པའོ་སྙམ་དུ་རློམ་སེམས་སུ་བྱེད་ཅིང་འོངས་པ་དང་། རིགས་དང་། སྟོབས་དང་། ལུས་བྱད་དང་། དབང་ཕྱུག་གི་རྒྱགས་པས་དྲེགས་ཏེ། སྒྲ་མཐོན་པོ་དང་། སྒྲ་ཆེན་པོས་ག་ཞ་བྱེད་ཅིང་ཅ་ཅོ་བྱེད་ལ། དགའ་མགུ་རངས་ཤིང་དགའ
305a3 བ་དང་། བདེ་བ་དང་། ཡིད་བདེ་བ་སྐྱེས་ཏེ། འབྱོར་བ་ཆེན་པོ་མཆོག་གིས་ཀུ་ཤའི་གྲོང་ཁྱེར་ནས་བྱུང་ནས་རྟ་དང་། རྔ་མོ་དང་། བ་ལང་སྔོན་པོའི་གཙོ་བོ་དང་། ཁྱུ་མཆོག་དང་། གླང་པོ་ཆེ་དང་། སྤོས་ཀྱི་གླང་པོ་ཆེ་བརྒྱ་ཕྲག་དུ་མ་ཁྲིད
305a4 ནས་རྡོ་ཆེན་པོ་ཡངས་པ་འདི་ག་ལ་བ་དེར་སོང་སྟེ་ཕྱིན་ནས་རྡོ་ཆེན་པོ་ཡངས་པ་དེ་རྩིད་པའི་ཐག་པ་སྲ་བས་ལན་མང་དུ་དཀྲིས་ནས། ཁ་ཅིག་གིས་ནི་སྐས་བཅས་ཏེ། རྩཝ་མུན་ཛ་དང་། བལ་བ་ཛའི་ཐག་པ་དང་། རྟས་འདྲེན་པའི
305a5 ཐག་པ་དག་གིས་ཚུར་འདྲེན་པར་བྱེད་ཕར་འདྲེན་པར་བྱེད་དོ། །ཁ་ཅིག་ནི་ཐོང་ལྕགས་བརྒྱས་གཞི་ནས་འབྱིན་པར་འདོད་དོ། །ཁ་ཅིག་ནི་དགྲ་སྟ་དག་གིས་གཅོད་པར་འདོད་དོ། །ཁ་ཅིག་ནི་རྡོ་རྗེས་གདབ་པ་དག་གིས་ཕྱི
305a6 མར་བྱ་བར་འདོད་དོ། །ཁ་ཅིག་ནི་ལུས་ཀྱི་སྟོབས་ཀྱིས་མཆུ་དག་བསྡམས་ཏེ་ཡོངས་སུ་བསྐྱོད་པར་འདོད་དོ། །ཁ་ཅིག་ནི་ཁྱུ་མཆོག་དག་དང་། བ་ལང་གི་གཙོ་བོ་དག་གིས་བསྒྱལ་བར་འདོད་དོ། །ཁ་ཅིག་ནི་བ་ལང་ཁྱུའི་སྟོབས
305a7 ཀྱིས་རབ་ཏུ་གཞོམ་པར་འདོད་དོ། །ཁ་ཅིག་ནི་སྨན་གྱི་མཐུས་གཞིག་པར་འདོད་དོ། །ཁ་ཅིག་ནི་སྔགས་ཀྱི་མཐུས་མི་སྣང་བར་བྱ་བར་འདོད་དེ། དེའི་ཕྱིར་བརྩོན་པ་དང་། དྲང་བ་དང་། འབད་པ་དེ་ལྟ་བུས་དེ་དག་གིས་ཅི་ཕྱོགས་འདི་ནས
305a8 བཏེག་སྟེ། ཕྱོགས་གཅིག་ཅིག་ཏུ་གཞག་གོ་སྙམ་པ་དང་། དེ་དག་ལུས་ངལ་ཞིང་ལུས་དུབ་ལ་ལུས་རྒུ་བས་རབ་ཏུ་འབད་པས་སྒྱིད་ལུག་སྟེ་རྡོ་ཆེན་པོ་ཡངས་པ་དེ་བསྒུལ་བར་ཡང་མ་ནུས་ན། བསྒྲེང་པ་འམ་འཕང་བར་ལྟ་ག་ལ་ནུས།
iiif viewer powered by OpenSeadragon
