| e-texts navigator |
| Wylie |
304a1 བྱ་བས་བདག་ལ་ཕན་པར་བྱ་བའི་ཕྱིར་ཀུ་ཤའི་གྲོང་ཁྱེར་ཀུན་ཆོ་ག་བཞིན་དུ་ཕྱག་དར་དག་བྱ། ཆག་ཆག་ལེགས་པར་བཏབ་པ་དང་། བྱི་དོར་ལེགས་པར་བྱ་བ་དག་བྱས་ནས་རྒྱན་དང་ལྷབ་ལྷུབ་ཐམས་ཅད་དང་། བདུག
304a2 པ་དང་། ཕྲེང་བ་དང་། མེ་ཏོག་དང་། སྤོས་དང་། རོལ་མོའི་སྒྲ་གྱ་ནོམ་པ་དག་གིས་བརྒྱན་པར་བྱ། གདུགས་དང་། རྒྱལ་མཚན་དང་། བ་དན་དག་གཟུགས་པར་བྱ། དུས་སྟོན་དག་ཏུ་གནས་པར་བྱ། བཅོམ་ལྡན་འདས་ལམ
304a3 གང་ནས་གཤེགས་པར་བརྩོན་པའི་གཤེགས་ཤུལ་དེ་ཡང་ཆོ་ག་བཞིན་དུ་ཕྱག་དར་དག་བྱའོ། །དེ་ཕྱིན་ཆད་བདག་ཅག་ཐམས་ཅད་ཀྱིས་བསུ་བ་བྱ་བ་འབའ་ཤིག་ན་ལེགས་སོ་སྙམ་ནས། དེ་ནས་དེ་དག་ཐམས་ཅད་ཚོགས
304a4 ཤིང་ཡང་དག་པར་དགའ་བ་སྟེ། རྩོད་པ་མེད་ཅིང་རྩེ་གཅིག་ལ་བློ་གཅིག་པ་དག་ཏུ་བྱས་ནས་ཀུ་ཤའི་གྲོང་ཁྱེར་ཐམས་ཅད་ཆོ་ག་བཞིན་དུ་ཕྱག་དར་དག་བྱེད་དོ། །ཆག་ཆག་ལེགས་པར་བཏབ་པ་དང་། བྱི་དོར་ལེགས་པར
304a5 བྱས་པ་དག་བྱས་ནས། རྒྱན་དང་ལྷབ་ལྷུབ་ཐམས་ཅད་དང་། བདུག་པ་དང་། ཕྲེང་བ་དང་། མེ་ཏོག་དང་། སྤོས་དང་། རོལ་མོའི་སྒྲ་གྱ་ནོམ་པ་དག་གིས་བརྒྱན་པར་བྱེད། གདུགས་དང་། རྒྱལ་མཚན་དང་། བ་དན་དག་འཛུགས་པར
304a6 བྱེད། དུས་སྟོན་ཡང་རབ་ཏུ་གནས་པར་བྱེད་དེ། གཤེགས་ཤུལ་གང་ནས་བཅོམ་ལྡན་འདས་གཤེགས་པའི་གཤེགས་ལམ་དེ་ཡང་ཆོ་ག་བཞིན་དུ་ཕྱག་དར་དག་བྱེད་དོ། །ཡང་དེའི་ཚེ་ཀུ་ཤའི་གྲོང་ཁྱེར་གྱི་བར་དང་། ཆུ་ཀླུང
304a7 དབྱིག་ལྡན་གྱི་བར་དེ་གཉིས་ཀྱི་བར་ན་རྡོ་ཆེན་པོ་ཡངས་པ་ཞིག་གནས་མ་ཡིན་པ་ན་འདུག་སྟེ། ལམ་པོ་ཆེ་ན་གནས་པ་ན་འདི་ལྟ་སྟེ། གྱེན་དུ་ནི་འདོམ་བཅཝ་ལྔ་སྲིད་མངོན་དུ་འཕགས་སོ། །རྒྱར་ནི་འདོམ་ཕྱེད་དང་བརྒྱད་དོ། །དེ་ནས
304a8 དེ་དག་འདི་སྙམ་དུ་སེམས་ཏེ། གང་འོ་ན་བདག་ཅག་གིས་རྡོ་ཆེན་པོ་ཡངས་པ་འདི་ཕྱོགས་འདི་ནས་བཏེག་སྟེ། ཕྱོགས་གཅིག་ཏུ་གཞག་པར་བྱའོ། །དེའི་ཕྱིར་བདག་ཅག་གིས་ལམ་ཡང་ཤིན་དུ་ཕྱག་དར་བྱས་པས་འགྱུར་ལ
iiif viewer powered by OpenSeadragon
