| e-texts navigator |
| Wylie |
80a1 ལྟར་ཡོངས་སུ་བསྔོ་བར་མཛད་པ་དེ་ལྟར་ཡོངས་སུ་བསྔོ་བར་བགྱིའོ། །བདེན་པ་དང་བདེན་པའི་ཚིག་དེས་གང་སེམས་ཅན་ཐམས་ཅད་ཀྱི་སྡིག་པ་མི་དགེ་བ་ཉེས་པ་བྱས་པ་དང་། ལོག་པར་སྨྲ་བ་དང་།
80a2 ངན་དུ་བསམས་པ་དང་། ཉོན་མོངས་པའི་སྒྲིབ་པ་དང་། ལས་ཀྱི་སྒྲིབ་པ་དང་། རྣམ་པར་སྨིན་པའི་སྒྲིབ་པ་དང་། ཤེས་བྱའི་སྒྲིབ་པ་དང་། སྒྲིབ་པ་གང་གིས་སྒྲིབ་ཤིང་གཡོགས་ཏེ། ཀུན་ནས་དཀྲིས་པ། བདག་ཉིད་དང་། གཞན
80a3 དག་གི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་ཡང་དག་པ་ཇི་ལྟ་བ་བཞིན་མ་འཚལ་བ་དང་། དབང་པོ་དང་། བརྩོན་འགྲུས་ཀྱི་རིམ་པ་དང་། དགེ་བ་དང་། མི་དགེ་བའི་ཆོས་ཡང་དག་པ་ཇི་ལྟ
80a4 བ་བཞིན་མ་འཚལ་བ་དང་། ཁ་ན་མ་ཐོ་བ་དང་བཅས་པ་དང་། ཁ་ན་མ་ཐོ་བ་མེད་པ་དང་། བསྟེན་པར་བྱ་བ་དང་། བསྟེན་པར་བྱ་བ་མ་ཡིན་པའི་ཆོས་ཡང་དག་པ་ཇི་ལྟ་བ་བཞིན་མ་འཚལ་བ་དང་། སྐྱེས་བུ་དམ་པ་དང་ཕྲད་པ་དང་། དམ་པའི
80a5 ཆོས་ཉན་པ་དང་། ཚུལ་བཞིན་ཡིད་ལ་བགྱིད་པ་དང་། ཆོས་དང་འཐུན་པའི་ཆོས་སྒྲུབ་པ་མི་སྒྲུབ་པར་འགྱུར་བ་དང་། སྒྲིབ་པ་གང་གིས་བསྒྲིབས་ཤིང་གཡོགས་ཏེ། ཀུན་ནས་དཀྲིས་པ
80a6 རྣམས་སེམས་ཅན་འདུལ་བ་དང་། བདག་འདུལ་བ་དང་། གཞན་འདུལ་བ་དང་། གཉི་ག་འདུལ་བ་དང་། འཇམ་པོས་འདུལ་བ་དང་། ཁྲོ་བས་འདུལ་བ་དང་། བཏང་སྙོམས་ཀྱིས
80a7 འདུལ་བ་དང་། བསྡིགས་པས་འདུལ་བ་དང་། བསྐྲད་པས་འདུལ་བ་དང་། སྨད་པས་འདུལ་བ་དང་། བསྟེན་པ་དང་། བསྙེན་པ་དང་། བསྙེན་བཀུར་བྱ་བས་འདུལ་བ་དང་། ཆོས
80a8 བཤད་པས་འདུལ་བ་དང་། འཛུམ་པ་བསྟན་པས་འདུལ་བ་དང་། ནང་དུ་ཡང་དག་འཇོག་གིས་འདུལ་བ་དང་། སྦྱངས་པའི་ཡོན་ཏན་དང་ཡོ་བྱད་བསྙུངས་པས་འདུལ་བ་དང་། སྦྱིན་པ་དང་། ཚུལ་ཁྲིམས་དང་།
iiif viewer powered by OpenSeadragon
