| e-texts navigator |
| Wylie |
59b1 འམ། ཆོས་ཀྱི་སྒྲིབ་པ་འམ། ཉོན་མོངས་པའི་སྒྲིབ་པ་འམ། ལྟ་བའི་སྒྲིབ་པ་འམ། མི་ཤེས་པའི་སྒྲིབ་པ་འམ། རྣམ་པར་སྨིན་པའི་སྒྲིབ་པ་འམ། ཆོས་ཀྱིས་ཕོངས་པར་འགྱུར་བའི་སྒྲིབ་པ་འམ། ཉན་ཐོས་དང་། རང་སངས་རྒྱས་ཀྱི་ཐེག་པ་དང་ལྡན
59b2 པའི་སྒྲིབ་པ་འམ། ཐེག་པ་ཆེན་པོའི་བར་ཆད་ཏུ་འགྱུར་བའི་སྒྲིབ་པ་འམ། དགེ་བའི་རྩ་བ་ཐམས་ཅད་པ་སོགས་པ་ལ་གནོད་པའི་སྒྲིབ་པ་འམ། སྡིག་པའི་གྲོགས་པོ་དང་འདྲེ་བའི་སྒྲིབ་པ་འམ། བྱང་ཆུབ་སེམས་དཔའ་ཀུན་དུ་བཟང་པོའི་སྤྱོད་པའི
59b3 སྨོན་ལམ་ཡོངས་སུ་རྫོགས་པར་བགྱི་བ་ལ་སྒྲིབ་པ་དང་ཆོད་པ་ཡང་རུང་སྟེ། སྒྲིབ་པའི་ལས་བགྱིས་ཤིང་བསགས་པ་སྒྲིབ་པའི་ཀུན་ནས་ལྡང་བ་གང་གིས་སེམས་ཅན་དམྱལ་བར་མཆི་བར་འགྱུར་བ་དང་། དུད་འགྲོའི་སྐྱེ་གནས་སུ་མཆི
59b4 བར་འགྱུར་བ་དང་། ཡི་དགས་ཀྱི་ཡུལ་དུ་མཆི་བར་འགྱུར་བ་དང་། ལྷ་དབུལ་པོར་སྐྱེ་བར་འགྱུར་བ་དང་། སངས་རྒྱས་ལ་ལྟ་བ་ཡོངས་སུ་མི་འཛིན་པ་དང་། ཆོས་མཉན་པ་ཡོངས་སུ་མི་ལེན་པ་དང་། དེ་བཞིན་གཤེགས་པ་དང་།
59b5 ཆོས་དང་། དགེ་འདུན་དཀོན་མཆོག་མངོན་པར་མི་རིག་པར་འགྱུར་བ་དང་། བྱང་ཆུབ་སེམས་དཔའ་དང་འགྲོགས་པ་མི་འཐོབ་པར་འགྱུར་བ་དང་། དགེ་བའི་བཤེས་གཉེན་ཡང་དག་པས་ཡོངས་སུ་བཟུང་བ་མི་རྙེད་པར་འགྱུར་བ་དང་། དགེ
59b6 བའི་རྩ་བ་ཆབ་འཚལ་བ་ཡོངས་སུ་འཛིན་པར་འགྱུར་བ་དང་། བྱང་ཆུབ་ཀྱི་སེམས་བརྗེད་པར་འགྱུར་བ་དང་། ཕ་རོལ་ཏུ་ཕྱིན་པའི་ལམ་མི་ཉན་པར་འགྱུར་བ་དང་། བདུད་སྡིག་ཅན་རྣམས་ཀྱིས་འཇོམས་པར་འགྱུར་བ་དང་།
59b7 སངས་རྒྱས་ཀྱི་ཆོས་ཐག་རིང་དུ་བགྱིད་པར་འགྱུར་བ་དང་། དགེ་བའི་རྩ་བ་ཐམས་ཅད་བརྩམ་པའི་སྦྱོར་བ་ལས་རྣམ་པར་ལྡོག་པར་འགྱུར་བ་དང་། དགེ་བའི་བཤེས་གཉེན་ལ་འཁུ་བར་འགྱུར་བ་དང་། བསམ་པ་ཡོངས་སུ་དག་པ
59b8 མི་འཐོབ་པ་དང་། དྲན་པ་བརྗེད་པ་མ་མཆིས་པ་མི་འཐོབ་པ་དང་། ཆོས་ལ་ལྟ་བ་མི་འཐོབ་པ་དང་། སངས་རྒྱས་ཀྱི་རྣམ་པར་སྤྲུལ་པ་ལ་མི་མོས་པ་དང་། སངས་རྒྱས་ཀྱི་ཆོས་རྣམས་ལ་ཡིད་གཉིས་འཚལ་བར་འགྱུར་བ་དང་།
iiif viewer powered by OpenSeadragon
