| e-texts navigator |
| Wylie |
59a1 པོའི་ཤུགས་ཀྱིས་བསྐྱེད་པ། རྡོ་རྗེའི་དབང་པོ་སྣང་བར་བགྱིད་པ། སངས་རྒྱས་ཀྱི་ཡུལ་ཐམས་ཅད་ཏུ་སྣང་བའི་མེ་ཏོག་གི་རྒྱལ་པོའི་ཡེ་ཤེས་ལས་བྱུང་བའི་མཆོད་པས་དེ་བཞིན་གཤེགས་པ་དེ་དག་ལ་སྟི་སྟང་དུ་བགྱིའོ། །བཙུན་པར
59a2 བགྱིའོ། །རི་མོར་བགྱིའོ། །མཆོད་དོ། །གསོལ་ལོ། །རིམ་གྲོར་བགྱིའོ། །ཇི་ལྟར་བདག་གི་དོན་དུ་མཆོད་པ་དེ་བཞིན་དུ་འཇིག་རྟེན་གྱི་ཁམས་རབ་འབྱམ་མ་ལུས་པ་ཐམས་ཅད་ན་སེམས་ཅན་ཇི་ཙམ་སེམས་ཅན་གྱི་རིས་ན་མཆིས་པ།
59a3 སེམས་ཅན་གྱི་ཁམས་དེ་དག་ཐམས་ཅད་ཀྱི་ཆེད་ཏུ་ཡང་དེ་བཞིན་གཤེགས་པ་དེ་དག་ལ་མཆོད་པར་བགྱིའོ། །དེ་ལྟར་བདག་དེ་བཞིན་གཤེགས་པ་ལ་མཆོད་པའི་སྟོབས་ཀྱིས་བསླན་པའི་སེམས་བསྐྱེད་པ། བྱམས་པ་ཆེན
59a4 པོ་དང་། སྙིང་རྗེ་ཆེན་པོས་ཉེ་བར་བསྟན་པ། འགྲོ་བ་ཐམས་ཅད་ཡོངས་སུ་བསྐྱབ་པའི་སྨོན་ལམ་དང་ལྡན་པས་དེ་བཞིན་གཤེགས་པ་ཐམས་ཅད་ཀྱི་བྱིན་གྱི་བརླབས་ཀྱི་མཛོད་ཀྱི་རྗེས་སུ་ཞུགས་པར་གྱུར། ཤེས་རབ་དང་། ཐབས
59a5 ཀྱི་སྟོབས་ཆེན་པོས་ཡོངས་སུ་བཟུང་བར་གྱུར། བདུད་ཀྱི་ལམ་དང་ཡུལ་ཐམས་ཅད་ལས་ཡང་དག་པར་འདས་པར་གྱུར་ནས་སྒྲིབ་པར་འགྱུར་བའི་ལས་ཐམས་ཅད་བཤགས་པར་བགྱི་སྟེ། གང་སངས་རྒྱས་བཅོམ་ལྡན་འདས
59a6 རྣམས་ཀྱིས་བཀའ་མ་སྩལ་པ་དང་། གང་སེམས་ཅན་དམ་པ་རྣམས་ཀྱིས་རྣམ་པར་སྤངས་པ་དང་། གང་དེ་བཞིན་གཤེགས་པ་རྣམས་ཀྱིས་སྨད་པ་དང་། གང་བྱང་ཆུབ་སེམས་དཔའ་རྣམས་ཀྱིས་ཡོངས་སུ་སྤངས་པ་དང་། གང
59a7 འཕགས་པ་རྣམས་ཀྱིས་བཤུང་བ་དང་། གང་མཁས་པ་རྣམས་དང་ཞེ་འགྲས་པ་དང་། གང་རིག་པ་རྣམས་ཀྱིས་བོར་བ་འདོད་ཆགས་དང་། ཞེ་སྡང་དང་། གཏི་མུག་གིས་རབ་ཏུ་གཟིར་བའི་དབང་གིས་བྱུང་བ་འམ། ང་རྒྱལ་དང་།
59a8 འཆབ་པ་དང་། འཁོན་དུ་འཛིན་པའི་དབང་གིས་བྱུང་བ་འམ། ཕྲག་དོག་དང་། སེར་སྣ་དང་། མྱ་ངན་གྱི་དབང་གིས་བྱུང་བ་འམ་སྒྱུ་དང་གཡོའི་དབང་གིས་བྱུང་བ་འམ། མངོན་པར་ཞེན་པའི་སྟོབས་ཀྱིས་བྱུང་བ་འདི་ལྟ་སྟེ། ལས་ཀྱི་སྒྲིབ་པ
iiif viewer powered by OpenSeadragon
