| e-texts navigator |
| Wylie |
4a1 འཛིན་ལ་ཕྱག་འཚལ་ལོ། །འདུལ་བ་འཛིན་པའི་མཆོག་འཕགས་པ་ཉེ་བར་འཁོར་ལ་ཕྱག་འཚལ་ལོ། །རྫུ་འཕྲུལ་གྱི་སྤྱན་མངའ་བའི་མཆོག་འཕགས་པ་མ་འགགས་པ་ལ་ཕྱག་འཚལ་ལོ། །འདྲི་ཞིང་ལན་ལྡོན་པའི་མཆོག
4a2 འཕགས་པ་རབ་འབྱོར་ལ་ཕྱག་འཚལ་ལོ། །འཕགས་པ་དགྲ་བཅོམ་པའི་དགེ་འདུན་ཐམས་ཅད་ལ་ཕྱག་འཚལ་ལོ། །འཕགས་པ་རང་སངས་རྒྱས་ཐམས་ཅད་ལ་ཕྱག་འཚལ་ལོ། །ཕྱོགས་བཅུའི་དགེ་འདུན་བཞུགས་པ་ཐམས་ཅད་ལ
4a3 ཕྱག་འཚལ་ལོ། །དཀོན་མཆོག་གསུམ་ལ་དད་པས་ཕྱག་འཚལ་ནས། །སྡིག་པ་ཀུན་བྱང་དགེ་ཚོགས་རྣམ་པར་འཕེལ། །བཅོམ་ལྡན་སོ་སོའི་བཀའ་ལས་ཅི་འབྱུང་བ། །ཡོན་ཏན་ཁྱད་པར་ཅན་དེ་གྲུབ་པར་ཤོག་།ཕྱོགས་བཅུའི་དཀོན
4a4 མཆོག་གསུམ་ལ་ཕྱག་འཚལ་ལོ། །བསྟོད་ཅིང་བསྔགས་སོ། །བལྟ་ཞིང་བརྟག་གོ། །བྱང་ཆུབ་སེམས་དཔའི་བསོད་ནམས་རབ་འབྱམ་ལས་བྱུང་བ་མི་མཉམ་པ་དང་མཉམ་པའི་མཆོད་པ་སྣ་ཚོགས་མཆོག་།གཙོ་བོ། དམ་པ། ཁྱད་པར
4a5 ཅན། བཟང་པོ། གྱ་ནོམ་པ། བླ་ན་མེད་པ། མི་མཉམ་པ་དང་མཉམ་པས་ཕྱོགས་བཅུའི་སྣོད་ཀྱི་འཇིག་རྟེན་བྱུར་བུར་བཀང་སྟེ། ཆོས་ཀྱི་མཆོད་པ་དང་བཅས་པས་མ་ལུས་མྱི་ལུས་ལུས་པ་མེད་པའི་དཀོན་མཆོག་གསུམ་ལ་ཕྱི་མའི་མུའི
4a6 མཐར་རྟག་ཏུ་རྒྱུན་མི་འཆད་པར་མཆོད་ཅིང་འདོན་ཏོ། །དབུལ་ཞིང་གསོལ་ལོ། །བཀུར་སྟིར་བགྱིའོ། །བླ་མར་བགྱིའོ། །རི་མོར་བགྱིའོ། །མཉེས་པར་བགྱིའོ། །བདག་ཅག་གི་སྐྱེ་བ་འདི་དང་ཐོག་མ་དང་ཐ་མ་མ་མཆིས་པ་ནས་སྲིད་པ་གསུམ
4a7 གྱི་འཁོར་བ་ན་འཁོར་ཞིང་འདོད་ཆགས་དང་། ཞེ་སྡང་དང་། གཏི་མུག་གསུམ་གྱི་དབང་གིས་ལུས་དང་། ངག་དང་། ཡིད་ཀྱི་སྒོ་ནས་མི་དགེ་བ་བཅུ་དང་། མཚམས་མེད་པ་ལྔ་ལ་སོགས་ཏེ། གསུང་རབ་ཀུན་ལས་འགལ་བའི་སྡིག་པ
4a8 མི་དགེ་བའི་ལས་བདག་གིས་ཅི་བགྱིས་པ་དང་། གཞན་ལ་བཅོལ་བ་དང་། གཞན་བགྱིད་པ་ལ་རྗེས་སུ་ཡི་རང་བ་དེ་དག་རྡུལ་ཙམ་བག་ཙམ་ཡང་མ་ལུས་པར་མཐོལ་ཞིང་བཤགས་སོ། །སྦྱངས་ཞིང་བསླད་དོ། །གཞིག་ཅིང་གདོན་ཏོ། །མི
iiif viewer powered by OpenSeadragon
