| e-texts navigator |
| Wylie |
95a1 བཞི་སྟེ་ལོག་པར་དད་སེལ་སངས་རྒྱས་ཀྱིས་བསྟན་པ། ཇི་ལྟར་བུང་བ་མེ་ཏོག་གི། །ཁ་དོག་བསུང་ལ་མི་གནོད་པར། །ཁུ་བ་བླངས་ཏེ་འཕུར་བ་བཞིན། །དེ་བཞིན་བྱང་ཆུབ་གྲོང་དུ་སྤྱོད། །གཞན་གྱི་རྣམས་ལ་མི་བལྟ
95a2 བར། །གཞན་གྱིས་ལེགས་པ་བྱས་ལའོ། །བདག་རང་ཉིད་ལ་ལྟོས། ལེགས་ཉེས་ཅི་བྱས་པ། ལྔ་སྟེ་གསེར་ཐུབ་སངས་རྒྱས་ཀྱིས་བསྟན་པ། བསམ་གཏན་ལས་ནི་མ་བྱོལ་བར། །ཐུབ་པ་རྣམས་ཀྱིས་ཚུལ་ཐུབ་སློབས། །
95a3 མི་བདེ་བར་ཡང་མི་འགྱུར་མགོན། །མངོན་པར་ཞི་བས་རྟག་ཏུ་དྲན་པའི་ཡིད། །དྲུག་སྟེ་བསོད་སྐྱབས་སངས་རྒྱས་ཀྱིས་བསྟན་པ། ཐམས་ཅད་སྡིག་པ་མི་བྱའོ། །དགེའོ་ཅོག་ནི་རྫོགས་པར་བྱ། །བདག་གི་སེམས་ཀྱང་ཤིན་དུ
95a4 གདུལ། །དེ་ནི་སངས་རྒྱས་བསྟན་པའོ། །བདུན་ཏེ་ཤཱཀྱ་ཐུབ་པ་སངས་རྒྱས་ཀྱིས་བསྟན་པ། ལུས་ཀྱིས་སུ་ནི་སྡོམ་པ་དགེ། ངག་གི་སྡོམ་པ་ཡང་ནི་དགེ། ཡིད་ཀྱི་སྡོམ་པ་ཡང་ནི་དགེ། དགེའོ་ཐམས་ཅད་སྡོམ་པ་ནི། །བྱང་ཆུབ་ཀུན
95a5 ལ་མགོན་སྐྱབས་བྱེད། །ཉོན་མོངས་ཐམས་ཅད་ཀུན་ལས་སྐྱོབ། །བྱང་ཆུབ་དག་བསྲུང་ཡིད་ཀྱང་སྡོམ། །ལུས་ཀྱིས་མི་དགེ་མི་བྱ་ཞིང་། །འདི་གསུམ་ལས་ལས་རྣམ་པར་སྐྱོངས། །འཐོབ་པོ་དྲང་སྲོང་གསུངས་པའི་ལམ། །མི་ཡིས
95a6 བརྡེགས་སྤྱོས་ཤ་མི་གླན། །སྡིག་གི་མི་ལ་སེམས་མི་འཁོན། །གཤེ་བའི་མི་ལའང་རྟག་ཏུ་གཙང་། །མི་ཡིས་ངན་བྱས་བདག་མི་བྱེད། །སངས་རྒྱས་ཀུན་གྱིས་རབས་བཙུན་བྱས། །འཇིག་རྟེན་ར་མདའ་ཕ་སྐྱབས་ནུས། །སངས་རྒྱས
95a7 འདིས་ཚུལ་ཁྲིམས་བཤད་པ། །ངས་རྒྱ་ཆེར་བཤད་དུ་ཀུན་རྫོགས། །སངས་རྒྱས་ཀུན་དང་སློབ་མ་རྣམས། །ཆོས་ཀྱི་ཚུལ་ཁྲིམས་གུས་པར་འཛིན། །གཅིག་ལ་གཅིག་ཀྱང་གུས་པར་བྱོས། །ཆོས་ལ་དྲིན་གཟོ་ཆོག་ཚང་ན། །
95a8 བྱ་བ་མེད་པའི་ཆོས་ཐོབ་ནུས། །ཚུལ་ཁྲིམས་ཡི་གེ་བཤད་ཟིན་ནས། །སེམས་གཅིག་བརྟུལ་ཏེ་བྱང་ཆུབ་ཐོབ། །ཆོས་ཀྱི་རྒྱ་མོ་རྫོགས་སྷོ།། །།
iiif viewer powered by OpenSeadragon
