| e-texts navigator |
| Wylie |
94b1 མེ་ཏོག་གི་སྣོད་ཀྱི་ཁམས་ཀྱི་རྫོགས་ལོངས་སྤྱོད་པའི་སྐུའི་སེམས་ཀྱི་གནས་ཆོས་ཀྱི་སྒོ་མོ་ལེའུ་ཡི་ནང་ན་ཟག་པ་མེད་པའི་ཚུལ་ཁྲིམས་བཅུ་བཤད་ཟིན་ཏོ། །སྟོང་ཕྲག་བརྒྱ་འབུམ་གྱི་ཐུབ་པ་ཡང་དེ་བཞིན་ནོ། །དབང་པོ་ཆེན་པོའི
94b2 གནམ་གྱི་རྒྱལ་པོའི་ཕོ་བྲང་ནས་འདིའི་གཙང་མའི་ཤིང་དྲུང་ན་འདུག་པ་བཅུའི་གནས་ན་ཆོས་དང་ཚུལ་ཁྲིམས་ཀྱི་ལེའུ་ཡང་བཤད་དོ། །བྱང་ཆུབ་སེམས་དཔའ་ཐམས་ཅད་ལ་བསྒོ་བ་བཤད་ཀྱིས་མི་ལང་ངོ་། །མང་པོ་ཕལ་རྟག་པར
94b3 གཟུངས་སུ་ཟུང་ལ་ཁ་ཏོན་དུ་ལྷོགས་ཤིག་། དེའི་གཞུང་བཀྲོལ་བཤད་པ་དེ་ཡིན་ནོ། །སྟོང་ཕྲག་བརྒྱ་ཡང་འབུམ་གྱི་ཁམས་པད་མོའི་མེ་ཏོག་སྣོད་ཀྱི་ཁམས་རྡུལ་ཕྲ་མོ་སྙེད་ཀྱི་ཁམས་ཀྱི་ཐམས་ཅད་ཀྱི་སེམས་ཀྱི་སྣོད་ཚུལ་ཁྲིམས་ཀྱི་སྣོད
94b4 གྲངས་མེད་པའི་སྨོན་ལམ་གྱི་སྣོད་ཡོན་ཏན་དང་། སངས་རྒྱས་ཀྱི་རང་བཞིན་འདུག་པའི་སྣོད་དེ་སངས་རྒྱས་ཐམས་ཅད་གྲངས་མེད། ཆོས་ཀྱི་སྒོ་མོ་ཡང་བཤད་ཟིན་ཏོ། །སྟོང་ཕྲག་བརྒྱའི་ཁམས་ཀྱི་ནང་ན་སེམས་ཅན་ཐམས
94b5 ཅད་ཀྱིས་གཟུངས་སུ་བཟུང་སྟེ་དགའ་ཞིང་གུས་པར་བྱེད་དོ། །སེམས་ཀྱི་གནས་རྒྱ་ཆེར་ཕྱེ་བའི་གཟུངས་ནི་སངས་རྒྱས་ཀྱི་མེ་ཏོག་འོད་ཀྱི་རྒྱལ་བའི་ལེའུ་ཡི་ནང་ནས་བཤད་དོ། །སངས་རྒྱས་བདུན་གྱིས་ཚིག་གི་ལེའུ
94b6 བཤད་པ་གཅིག་སྟེ། སངས་རྒྱས་རྣམ་པར་གཟིགས་ཀྱིས་བསྟན་པའི་ཚུལ་ཁྲིམས་བཤད་པ། བཟོད་པའི་དམ་པས་དཀའ་ཐུབ་ཞུགས། །བཟོད་པའི་དམ་པས་མྱ་ངན་འདའ། །གཞན་ལ་གནོད་པ་དེ་ནི་བྱང་ཆུབ་མ་ཡིན
94b7 ནོ། །གཉིས་ཏེ་སྤྱི་ཏོར་སངས་རྒྱས་ཀྱིས་བསྟན་པ། མིག་ཅན་མི་བདེ་ཡོད་ལས་བྱོལ་ཏེ་འགྲོ། །མཁས་པས་འཚོ་བའི་འཇིག་རྟེན་ན། །སྡིག་པ་ཀུན་ཀྱང་རྣམ་པར་སྤོངས། །གསུམ་སྟེ་ཐམས་ཅད་སྐྱོབ་སངས་རྒྱས
94b8 ཀྱིས་བསྟན་པ། གནོད་ལ་མི་སྨྲ་མི་སེམས་ཏེ། །སོ་སོར་ཐར་པ་བཞིན་དུ་སྡོམ། །ཟས་ཀྱི་ཚོད་ཀྱང་རིག་པར་བྱ། །གནས་ཀྱང་དབེན་པར་འཇུག་པར་བྱ། །རབ་ཏུ་སེམས་དང་ལྡན་པ་ནི། །དེ་ནི་སངས་རྒྱས་བསྟན་པའོ།
iiif viewer powered by OpenSeadragon
