| e-texts navigator |
| Wylie |
92a1 ཐག་པ་ནས་ཕྱག་འཚལ་བའི་ཚེ་ལྟས་བཟང་པོར་བྱ་དགོས་སོ། །དེ་ལ་ཉི་མ་བདུན་དང་། བདུན་གཉིས་དང་། བདུན་གསུམ་དང་། ལོ་གཅིག་ཚུན་ཆད་ལྟས་བཟང་པོ་མཐོང་དགོས་སོ། །ལྟས་བཟང་པོ་ཞེས་བྱ་བ་ནི་སངས་རྒྱས་གཤེགས་ཏེ། སྤྱི་བོ་ལ
92a2 བྱུགས་ཏེ། འོད་མཐོང་བ་དང་། མེ་ཏོག་མཐོང་བ་དང་། ལྟས་ཅི་ཡང་རུང་བ་བཟང་པོ་མཐོང་ན་མོད་ལ་སྡིག་འབྱིན་ཏོ། །དེ་ལ་ལྟས་བཟང་པོ་མེད་ན་མཐོལ་ཚངས་སུ་ཟིན་ཀྱང་མི་ཕན་ཏེ། དེའི་ཚེ་ལུས་ཀྱིས་ནི་ཚུལ་ཁྲིམས་མི་ཐོབ་བོ། །ལོ་དང་ཉི་མས་བསྟན་ཏེ
92a3 སྤོགས་ཏེ་བྱས་ལ། ལྟས་འོད་བྱུང་བ་དག་མཐོང་ན་ཚུལ་ཁྲིམས་མནོད་དུ་རུང་ངོ་། །ལ་ལ་ཞིག་གིས་ལྟུང་བ་བཞི་བཅུ་རྩ་བརྒྱད་བཤིག་པ་ནི་མཐོལ་ཚངས་བྱས་པའི་མོད་ལ་འབྱུང་སྟེ། བདུན་གྱིས་བསྒྲིབས་པ་དང་མི་མཚུངས་སོ། །
92a4 དེ་བས་ན་ཚུལ་ཁྲིམས་སྟོན་པའི་མཁན་པོས་ཆོས་འདིའི་ནང་ནས་ཀྱང་གཅིག་ནས་གཅིག་ནས་ཁྲེལ་ན་མཁན་པོ་བྱའོ། །ཐེག་པ་ཆེན་པོའི་ཡི་གེ་དང་། ཚུལ་ཁྲིམས་ཡང་བ་དང་། ལྕི་བ་དང་། ཡིན་པ་དང་མ་ཡིན་པའི་གཟུགས་དམ་པ
92a5 མི་ཤེས་ན་གཞུང་གི་མཆོག་བདེན་པ་དང་། སྔ་མའི་རང་བཞིན་གྱི་ས་བོན་དང་། ད་ལྟར་བསྐྱེད་ཅིང་གསོ་བའི་རང་བཞིན་དང་། གཏན་མི་རླག་པའི་རང་བཞིན་དང་། ཆོས་ཀྱི་ས་བོན་གྱི་རང་བཞིན་དང་། དྲང་པོའི
92a6 རང་བཞིན་དང་། དེའི་ནང་ནས་རྟོགས་པ་དང་། དཔྱོད་པའི་རང་བཞིན་དང་། ཕྱི་ནང་གི་བསམ་གཏན་བཅུའི་ཡལ་ག་ལ་སོགས་ཏེ་ཆོས་ཀྱིས་ལས་བྱའོ། །ཆོ་ག་དང་ཚུལ་ཁྲིམས་དང་། ཆོས་ཀྱི་ཡི་གེ
92a7 འདི་གཅིག་ནས་གཅིག་ཁོང་དུ་མ་ཆུད་དེ། བྱང་ཆུབ་སེམས་དཔའ་གཡོ་བའི་ཁེ་དང་། མིང་སྙན་པ་འདོད་པའི་ཕྱིར་སློབ་མ་ལ་ཁེ་བརྐམ་པས། ངན་པ་བཙལ་ཏེ་མི་ཤེས་པ་ལ་སྒྱུ་མར་ཆོས་དང་།
92a8 ཚུལ་ཁྲིམས་ཀྱི་ཡི་གེ་ཀུན་ཤེས་སོ། །ཞེས་ཟེར་ཞིང་ཡོན་ལེན་པའི་བདག་ལ་ཡང་བསླུས་ཤིང་བརྙས། གཅིག་ཏུ་ན་གཞན་ལ་ཡང་བསླུས་ཤིང་བརྙས་ཏེ། དེ་ལྟ་བུས་མི
iiif viewer powered by OpenSeadragon
