| e-texts navigator |
| Wylie |
88a1 དུག་རྩི་རྣམ་པ་བརྒྱ་སྟོང་བྱེད་དེ་སྦྲུལ་དུག་། གསེར་དངུལ་མ་བཏུལ་བའི་དུག་དང་། བྱད་སྟེམས་ལ་སོགས་པ་སྙིང་རྗེ་ཡོང་མེད་པ་ལྟ་བུ་ཆེད་ཀར་བྱས་ན་ལྟུང་བའོ། །སངས་རྒྱས་ཀྱི་བུ་ངན་སེམས་བསྐྱེད་དེ། བདག་གི་ལུས
88a2 ཀྱིས་དཀོན་མཆོག་གསུམ་ལ་སྐུར་བ་བྱས་ཏེ་གཞན་ལ་གཉེན་སྒྱུ་མ་སྨོས་ཏེ། ཁ་ནི་སྟོང་པ་འཆད། ལས་ནི་ཡོད་པའི་ལས་བྱེད་ལ། ཐ་མལ་པའི་བུད་མེད་དང་། སྐྱེས་པའི་སྨྱན་བྱེད་ཅིང་མི་ཚངས་པར་སྤྱོད་པར་སྦྱོར་ཏེ། ཅི་ལ་འང་མི
88a3 འཇིགས་ཤིང་ཆགས་པ་མེད། དུས་དྲུག་ཏུ་མཆོད་སྟོན་བྱེད་པའི་ཉི་མ་དང་། ལོ་གཅིག་ལ་ཟླ་བ་གསུམ་གསུམ་མཆོད་སྟོན་རྟག་ཏུ་བྱེད་པའི་ཚེ་སེམས་ཅན་གསོད། རྐུན་པོ་དང་། ཆོམ་པོ་བྱེད་ཅིང་མཆོད་སྟོན་གྱི་ཚུལ་ཁྲིམས་བཤིག
88a4 པ་ནི་ལྟུང་བའོ། །ཚུལ་ཁྲིམས་འདི་བཅུ་བསླབས་ལ་རྟག་པར་གཟུངས་སུ་གཟུང་བའི་རིགས་སོ། །ཁྲིམས་གཟུང་བའི་ལེའུའི་ནང་ནས་ཀྱང་རྒྱ་ཆེར་མངོན་པར་བཤད་དོ། །སངས་རྒྱས་ཀྱིས་བཀའ་སྩལ་པ། སངས་རྒྱས་ཀྱི
88a5 བུ་སངས་རྒྱས་འདས་པའི་ཕྱི་ན་ངན་པའི་དུས་ལ་མུར་འདུག་དང་། མི་ངན་པའོ་ཅོག་དང་། རྐུན་པོ་ཆེན་པོས་སངས་རྒྱས་དང་། བྱང་ཆུབ་སེམས་དཔའ་ཕ་མ་དང་མཚུངས་པའི་གཟུགས་འཚོང་བ་མཐོང་ངམ། ཆོས་དང་ཚུལ་ཁྲིམས
88a6 ཀྱི་ཡི་གེ་འཚོང་བ་མཐོང་ངམ། དགེ་སློང་དང་། དགེ་སློང་མ་འཚོང་ངམ། གཅིག་ཏུ་སེམས་བསྐྱེད་པའི་བྱང་ཆུབ་སེམས་དཔའ་འཚོང་བ་དང་། ལ་ལ་ཞིག་སྙིང་རྗེའི་ལས་ལ་མངགས་པའི་འབྲང་ནས་བྲན་ཕོ་བྲན་མོར་བྱས་པ་ཞིག
88a7 བྱང་ཆུབ་སེམས་དཔས་དེ་ལྟ་བུ་མཐོང་ན་བྱམས་པའི་སེམས་བསྐྱེད་དེ། ཐབས་ཀྱིས་ར་མདའ་དང་། སྐྱབས་བྱས་ཏེ་གནས་གནས་ན་འཁོད་དོ་ཅོག་ཀྱང་སླར་སློབ་ཅིང་སྟོན་ཅིག་།སངས་རྒྱས་དང་། བྱང་ཆུབ་སེམས་དཔའི་གཟུགས
88a8 དང་། དགེ་སློང་དང་། དགེ་སློང་མ་དང་། ཆོས་དང་། ཚུལ་ཁྲིམས་ཀྱི་ཡི་གེ་ཐམས་ཅད་ནོར་ཡོད་ན་ནོར་གྱིས་སླུས་ཤིག་དེ་ལྟར་མ་སླུས་ན་ལྟུང་བའོ། །སངས་རྒྱས་ཀྱི་བུ་འཆང་དུ་མི་གནང་བ་ལ་མཚོན་ཆ་དང་། མདའ་གཞུ་འཆང་བ་དང་།
iiif viewer powered by OpenSeadragon
