| e-texts navigator |
| Wylie |
87a1 ལུས་ཀྱིས་འགྲུས་པར་སློབ་ཅིང་སྤྱོད་སྒོམ་མི་ནུས་པ་རྣམས་ནི་དཀོན་མཆོག་བདུན་བདུན་བཏང་སྟེ། སླར་ལོག་པར་བལྟས་ཏེ་ཐེག་པ་ཆུང་ངུ་རྣམ་གཉིས་དང་། མུར་འདུག་གི་ཆོས་དང་། མ་རབས་ཀྱི་གཞུང་ལ་བསྟེན་པ་དང་།
87a2 ཨ་བྷི་དྷརྨ་བཤད་པ་སློབ་པ་དང་། ཐེག་པ་ཆུང་ངུའི་ཡི་གེ་དང་། འདུག་པར་སློབ་ན་དེ་ནི་སངས་རྒྱས་ཀྱི་ངོ་བོ་ཉིད་ཀྱི་ས་བོན་ཆད་པས་ལམ་འགོག་པས་བསྒྲིབས་པའི་རྒྱུ་རྐྱེན་གྱིས་བྱང་ཆུབ་སེམས་དཔའི་ལམ་མ་ཡིན་ནོ། །དེ་ལྟ་ན
87a3 ཆེད་ཀར་བྱས་པ་ནི་ལྟུང་བའོ། །སངས་རྒྱས་ཀྱི་བུ་སངས་རྒྱས་འདས་པའི་ཕྱི་ན་ཆོས་འཆད་པ་བདག་པོ་བྱེད་པ་དང་། དགེ་འདུན་གྱི་ཁྱིམ་བདག་པོ་དང་། སྟོན་ཅིང་འཕྲུལ་པའི་བདག་པོ་དང་། བསམ་གཏན་དུ་འཇུག་པའི་བདག
87a4 པོ་དང་། འགྲོ་ཞིང་འོངས་པའི་བདག་པོ་དང་། དེ་ལྟ་བུ་བྱེད་ན་བྱམས་པའི་སེམས་བསྐྱེད་ལ་མི་མཛའ་སྟེ། འཐབ་ཅིང་རྩོད་པ་ཡང་དགེ་བར་བསྡུམ་པའི་རིགས་སོ། །དཀོན་མཆོག་གསུམ་གྱི་ནོར་ཡང་དགེ་བར་བསྲུངས་ཏེ་མ
87a5 འོས་པར་མི་སྤྱད། བདག་གིས་བདག་གི་སྒོར་བབ་པ་དང་མཚུངས་པར་བྱའོ། །དེ་ལ་ལས་ལོག་པར་མང་པོ་འགྲུབ་ཅིང་འབད་པ་དང་། རང་ཉམས་ཀྱི་སེམས་ཀྱིས་དཀོན་མཆོག་གསུམ་གྱི་ནོར་སྤྱད་ན་ལྟུང་བའོ། །སངས་རྒྱས
87a6 ཀྱི་བུ་སྔན་ཆད་དགེ་འདུན་གྱི་ཁྱིམ་གྱི་ནང་ན་འདུག་ལ་བྱང་ཆུབ་སེམས་དཔའ་དང་། དགེ་སློང་འདྲོན་པ་ཞིག་ཕྱིས་དགེ་འདུན་གྱི་ཁང་ཁྱིམ་དང་། མཁར་དང་། གྲོང་དང་། རྒྱལ་པོའི་ཁྱིམ་དང་། དབྱར་ཚུལ་དུ་ཞུགས་པའི་ཚེ་དང་། འཁོར
87a7 གྱི་ནང་དུ་འོངས་པ་མཐོང་ན་སྔ་ན་འདུག་པའི་དགེ་འདུན་གྱིས་འོང་ན་ནི་བསུ་འགྲོ་ན་ནི་བསྐྱལ་ཏེ་ཟས་ཀྱི་བསྟི་སྟང་དང་། ཁང་ཁྱིམ་དང་ཉལ་བའི་མལ་ཆ་དང་། ཁྲི་དང་། སྣ་སྣ་ནས་སྦྱར་ཏེ་སྦྱིན་ནོ། །ལ་ལ་ཞིག་བདག་ལ་ནོར་མེད་ན
87a8 བདག་གི་ལུས་དང་། བུ་ཕོ་དང་། བུ་མོ་དག་བཙོངས་ཏེ། ཅི་འདོད་པ་ཀུན་སྦྱར་ཏེ་སྦྱིན་དགོས་སོ། །སྦྱིན་བདག་ལ་ལ་ཞིག་འོངས་ཏེ། དགེ་འདུན་ཕལ་དང་། དགེ་འདུན་གྱི་འདྲོན་པ་ཞིག་གཉེར་ཏེ། ཡོན་གྱི་ནོར་སྐལ་བ་ཡོད
iiif viewer powered by OpenSeadragon
