| e-texts navigator |
| Wylie |
86a1 གུས་པར་གཟུངས་སུ་གཟུང་བའི་རིགས་སོ། །སྡིག་བཀྲུ་བའི་ལེའུའི་ནང་ནས་ཀྱང་ཚུལ་ཁྲིམས་གཅིག་པུ་གཅིག་ནས་རྒྱ་ཆེ་ཞིང་གསལ་བར་བཤད་དོ། །སངས་རྒྱས་ཀྱིས་སངས་རྒྱས་ཀྱི་བུ་ལ་བཀའ་སྩལ་པ།
86a2 ཁྲོས་པའི་ལན་ཁྲོས་པས་མི་གླན། བརྡེག་པའི་ལན་བརྡེག་པས་མི་བླན། ཕ་མ་དང་། ཕུ་ནུ་བོ་གཉེན་རྣམ་དྲུག་བསད་ཀྱང་ཤ་གླན་དུ་མི་རུང་ངོ་། །གཞན་ཞིག་གིས་བདག་གི་རྒྱལ་པོ་གསད་ཀྱང་ཤ་གླན་དུ་མི་རུང་ངོ་། །སྲོག
86a3 གཅོད་ཅིང་ཤ་གླན་ན་སྲི་ཞུའི་ཆོས་དང་འགལ་ལོ། །བྲན་ཕོ་སྨོས་ལ་ངག་ངན་པས་སྤྱོས་ཤིང་བརྡེགས་ལ་ཉིན་གཅིག་ཅིང་ལས་ངན་པ་རྣམ་གསུམ་སྤྱོད་པ་ལ་ཡང་སྡིག་གྲངས་མེད་ན་ཆེད་ཀར་ལོག་པ་སྣ་བདུན་གྱི་སྡིག་བྱས་པ
86a4 ལྟ་སྨོས་ཀྱང་ཅི་དགོས་ཏེ། རབ་ཏུ་བྱུང་བའི་བྱང་ཆུབ་སེམས་དཔའ་ལ་སྙིང་རྗེ་མེད། གཉེན་རྣམ་དྲུག་ལ་སོགས་པའི་ཤ་བླན་པ་ཆེད་ཀར་བྱེད་ན་ལྟུང་བའོ། །སངས་རྒྱས་ཀྱི་བུ་གདོད་མ་དང་པོ་རབ་ཏུ་བྱུང་སྟེ། ཇི་འང་མི་ཤེས་པར་བདག
86a5 དབང་པོ་རྣོ་ལ་འཛངས་པར་རློམ་ཞིང་ལ་ལ་ནི་ལོ་གྲངས་རྒན་ཞིང་ཕྱུག་བཙན་སྙེམས་ཏེ། ལ་ལ་རུས་ཆེ་ཞིང་ཐབས་མཐོ་བ་དང་། མང་དུ་ཤེས་པ་དང་། དབང་ཆེ་བ་དང་། ནོར་རིན་པོ་ཆེ་སྣ་བདུན་མང་དུ་བདོག་པས་རྒྱགས་དྲེགས་སྔན
86a6 ཆད་ཆོས་ཤེས་པའི་མཁན་པོ་ལ་ཡི་གེ་དང་། ཚུལ་ཁྲིམས་མི་གསོལ། མི་ནོད། ཆོས་ཀྱི་མཁན་པོ་ལ་ལ་ནི་རུང་ཆུང་། ལ་ལ་ནི་ནས་གཞོན། ལ་ལ་ནི་ཐབས་ཆུང་། ལ་ལ་ནི་དབུལ། ལ་ལ་ནི་དབང་པོ་མ་ཚང་ཡང་ལེགས
86a7 པའི་ཆོས་དབེན་པ་ཡོད་དེ། ཆོས་ཀྱི་ཡི་གེ་དང་། ཚུལ་ཁྲིམས་སོ་ཅོག་ཟད་པར་ཤེས་ན་བྱང་ཆུབ་སེམས་དཔའ་གསར་དུ་སློབ་བོ། །ཆོས་ཀྱི་སློབ་དཔོན་མ་རིག་པ་དང་། ཐབས་ལ་འཕྲལ་གང་དུ་བལྟས་ཤིང་ཆོས
86a8 ཀྱི་མཁན་པོ་ལ་ཡང་དག་པའི་བདེན་པ་གཞུང་ངོ་ཅོག་གསོལ་ཞིང་ནོད་དུ་མ་འོངས་ན་ལྟུང་བའོ། །སངས་རྒྱས་ཀྱི་བུ་སངས་རྒྱས་འདས་པའི་ཕྱི་ན་སེམས་དགེ་བས་སངས་རྒྱས་ཀྱི་ཚུལ་ཁྲིམས་འདོད་ཅིང་ནོད་ན་སངས་རྒྱས་དང་།
iiif viewer powered by OpenSeadragon
